شجون العاشقين

الحلقه السادس عشر

شجون العاشقين
🌷بقلمي يارا الياسري
مساءكم ثلوج متساقطه تمحي احزانكم💕
ابشركم لساني مثل شجون كلب بس صراحه
والله كلامها حلو عجبني اضم الراء والله
مو شقه كولش عجبني وخاص من تكول ماايد
الوح صرت استخدمهم بالبيت ....

اسمراني
ﻫـﻨــﺂﻙ طفله  ...
ﻵ ﺃﺭﻳــﺪﻫــﺂ ﺃﻥ ﺗـﺤـﺰَﻥ ﺃﺑــﺪﺍً...
ﺣـﺘــﻰْ ﻭﺇﻥ ﺁﻛــﻤــﻠــﺖْ...
ﻃـــــــﺮﻳــﻘــﻬْــــــﺂ ﺑـــــــﺪﻭﻧــــــــﻲْ...

بزونته كرم (شجون)
لَوْلاكِ لَـمَا أشْرَقَتْ شَمسْ السَّعَادَةَ ...
فِيْ فُصُولْ عُمْرِيْ --
هل تنوجد سعاده بعيده عنك

ـــــــــــــــــــــــــــــــــــــــــــــــــــــــــــــ
شجون .شويه واسمع صوت و وحده تتاوه مادري بس صوت واضح ..عفت رسمي ورحت جوه للغرفه . مالتنه وعبالي تقى بيها شي لان كالت مريضه دخلت وهنا انصدمت بمنضر يلعب الروح ...لكيتها متمدده ورافعه ملابسها صرحت ويععع ودرت وجهي ..

..بس هي شافتني وسمعت صوتي واني الخوف سار بيه والقلق تكثف بقلبي  اش اسوي هاي تموتني واعضعض باصبعي بعدين شفتها تعدل تريد تكوملي واني طكيتها ركضه من الملحق وبقيت بس ترابه ورايه ركضت للحديقه بيت جدي كولش،واشوف هذا ابن ام كراعين لميعه بره ديلعب طوبه رحت  بسكوت عود اخنس عبالي اذ،مااباوعله مايشوفني شو هذا التف وعاط بصوت. 

شسوين.  هنا ..

سويت روحي ماسمع اعمل حالك اطرش وامشي مدنكه وهو يصيح بت سميه شسوين هنا. 

ومكمله مشوراي اني كلت لا مااكدر الوح لنوسه هذا وجهه الجوب يلحكني واني حافي بس جورايب المدرسه لابستهم. باوعتله وطكيتها ركضه لباب الشارع ..ورحت ركض لبيت خالتي امنه. وحافيه ومااحس غير شي دخل برجلي وشاغت روحي كعدت بالشارع على الكاع وشفت رجلي تجرري دم
وبيها كزازه جبيره بقيت ابجي  واحجي ويه روحي شون الوح هسه بي (ربي)اوجعني (توجعني)واشهك
ودموعي عشره عشره توجع الكزازه ..وماحس غير اسمراني صوته يرن باذني فرحت فرحه صايم وسمع اذان . وابتسمت برغم الالم اسمراني ...

كرم.بخزره وحاطه اطراف اصابعه على حزام بطنه ورجل بالكاع ورجل رافعها على الطابوكه ومناظرة مجلبهم بقميصه  الماروني لكاسر على لون وجهه منطي جمال انفاسه تلهث بغضب واحساس متضاربه شبهه غيره لكن يقنع نفسه ان مو غيره ولديحس خوف اب على بته وهو يناضرها بنضرات غضب ويخزرها بعيونه  شسوووين بره لوحدج بنص الشارع وبدون نعال ..

شجون. ارتعبت ودگات قلبي طبل و الخوف احتل جسدها  وروحها بكد ما احس بالامان ويه اسمراني بس اخاف من يغضب ويعصب واحس وحش من يعصب  باوعتله بنضرات برئيه احاول اسحب غضبه ودموعي تنزل بس هيهات اهدي ..

باوع من الطرفين شاف محد موجود بالشارع دنك عليه وشالني باثنين ايدي وبدون مايحجي حرف ويايه ومخنزر عليه دخلني لبيت خاله امنه .لجان مفتوح ومجد ديغسل بسيارته وفوتني جووه وهو يصيح ..