شجون العاشقين

الحلقه واحد وثلاثون

شجون العاشقين
🌷بقلمي يارا الياسري ..

مساء الخير شونكم
ـــــــــــــــــــــــــــــــــــــــــــــــــــــــــــــــــــــــــــــــــ
ساري  لا يالحسن والج تستهدي وين ترحين اني تروح واتصل اطمنكم. مابي شي وروح امي تلكين شامريهم  بمنطقه ما بيها شبكه ..صدك رحت ويايه طارق. واتصلت بمعارفي ومعارقنه وحاجيت مجد  ومن واحد للخ عرفنه صاير هجوم. ..بس.التقيت باحد اصدقاء كرم وهو ايضا ضابط وهنا كانت الصدمه للمرة الثانية متصاوب كرم لكن طمنني وكال حالته زينه اصابه خفيفه منه وكبل رحنه للمستشفى ونسيت اتصل باحد واطمن شجون واهلي التهيت بين خوفي على اخوي وفرحتي بان اصابته خفيفه
رحمه للمستشفى وشفته كرم اطمنت علي كانت اصابته بالجتف بس مامتعمقه خفيفه ومتلاحكي ووضع مستقرر ..

ام شجون بالبيت وعدم اتصال احد بيها..

شجون كاعده يم خالتي.  ومبسطه وابجي بس دمع لا صوت ولا نفس وازل تبجي ووتون على بجيه وحتى مينا اجت جايبها ابوها ..

مينا .لج كافي موتتي نفسج يعني لو صاير شي يتصلون لاتقلقين ..الله يحفظه الج ..

شجون .ااخ يايمه كللبي مثل لقبلها هم هيج يوم ويومين وراحوا ولاخبر تاليها ميت كالوا وبالف ويل رجع بسلامات اخ يابويه  اااخ ليش بحركه مكتوب تخلص الدنيا كله ما خلصت مصيبه ادخل بغيرها ودموعي ماتنشف  بس ايد اعلف (اريد اعرف)ليمته حالتي هيج تضل والله تعبت وروح ابوي تعبت تعبت
وملخت وجهي والطم على رجليه وابجي بتعب لزمتني مينا من ايدي و خالتي ..

امنه كافي حرام عليج بنيتج باعيلها على بجيجج تون ولبطنج موتتي ونصبتي مناحه  ادعيله يايمه والله ادري بيج تعبانه ولبيج صار مو قليل بس شسوين هذا حظج  اووف واويلي عليج ماكعد بيوم حظج منفوسه  وعيون البشر وراج مارتاحيتي حسبي الله ونعم الوكيل .

مينا اشوف دموعها وبجيها دمرت نفسها هيج حب والم تيجي باللهفه ووجع مثل الموجوعه ومكطوع الهوه عنها  انقهرت عليها وبجيت على بجيها وادعي الله يرد الهه بالسلامه بهالاثناء اندك جهازها وهي تبجي وصوتها مبحوح شلت شفت مكتوب اخوي ساري اخذته اله هذا حماج ..

شجون .كمت طفرت من مكاني. .وبلهفه ورديت ها الو   كرم عايش واحجي عسريع وابجي لحد اجاني صوته ..لردلي روحي وانفاسي الصوت ارجع الحياه لقلبي احساسه وصوته الهمس الهادي ..خلاني اصمت ومن الدهشه ما اعرف شحجي ..

هاعمري بزونتي  ليش البجي والدمع مجرح خدودج .احجي ليش سكتتي ماتردين تحاجيني  من وصلني ساري كلتله انطيني جهازك اخابرها .ادري بيها اموته روحها هاي بنيتي تربيتي بزونتي الي ماتكدر على فراكي. بس اسمع لهفتها ونشغتها .وراها حاجتني خالتي ..امنه .

امنه ..يمه كرم الف الحمد الله عسلامتك ما تشوف شر خيرك يمه والله كلتلها ما بيك شي، بس هالمخبله موتت روحها عبالك اسم الله عليك رايحين يدفنوك .من الصدمه الوجه متروس دموع وتتبسم .