شجون العاشقين

الحلقه الثامنه عشر

شجون العاشقين
🌷بقلمي يارا الياسري
مساء العافيه كيكاتي
اشكرا البنات لتحمدولي عسلامه وسالوا عني
ربي يحفظجن من كله شر ويخليجن الي ..

اسفه على التاخير وعدم التنويه بذلك بس
للمثل يطول تجيك التهايم وانت نايم ولصار
بيه فجاه تعبت وماكدرت ادخل للوات ..واتمنى
تقدرون وضعي ..

*سجاره قاتله ارحم من امراه خائنه .
**العشق بالجوراح ليس بالمصالح .

***بين الخيبه والوجع تذوب مشاعرنا
واحاسيسنا ك الثلج ثم نتلاشي حتي تنطمس معالمنا!!!!!

ـــــــــــــــــــــــــــــــــــــــــــــــــــــــــــــ
شجون. رججعت الح ماما خلي ترجعها هديته كرم لاتاخذها والله يزعل رجعيها ..واون ..سميه دفعتني بيديه.

بسج دوختيني انعل ابو كرم  ولي من وجهي لاادوس ابطنج ...وجبيره عليج باعيلها ترحين تخصريها خلينا لتقى انتي عدج قديمات لبسيهم ..

ايي اخصرها عد خاله امنه رجعيها ..

تقى وبي احلمين صارت الي

بقيت .ضايجه ومالي خلك ،طلعت العب بره اجه ابن خالي،كاظم ديلعب طوبه لعبت ويه ..وضرب الطووبه قوي وصارت الضربه بصدري بقيت ابجي ورحت للملحق نمت ...

العصر كعدت همات للحديقه والعب ما ادري اسمراني البيت جدي .انتبهت من فوك الشباك ديباوعلي فتحت عيوني بفرح اسمراني هنا عفت اللعبه وصعدت اركض نسيت ممنوع ادخل لكيت كاعد،بغرفه خالي مهدي على الجربايه اجيتله ركض اسمراني باوع  شصار بيه وفتحت ملابسي اشوفه ضربته ابن خالي بالطوبه هو ضرب ايدي وضربني راجدي. ...

وكلي حرام ممنوع ترفعين ملابسج لايمي ولايم احد ..

شهكت وغورقنه عيوني قصدي اشوفك الضربه ايش .تضبني ..

جرني من ايدي  وكعدني بزونتتي حرام تشوفين جسمج انني كبرتي صرتي بنيه بالغه ولازم اتصلين تلبسين حجاب تنسترين ..

...انت شعليك بيه بكيفي ...

كرم.بنبره عصبيه ومصتكه سنونه ضغطه على معصمها بقبضه ايده انتي بالذات عليه ودخلي بيج
افتهمتي كلشي يخصج يخصني ولا تكبرين روحج وتخربين نقاوتج بهالحجي بعدج برئيه ونضيفه لاتلوثين برائتج بلسانج وكلام اكبر منج .

شجون .ما ادري ليش حسيت كلامه صح وضجت من نفسي حجى باسلوب خلاني اعرف لسويته خطا واعتذر منه كلتله اسفه اسمراني مااعيدها بعد ...

كرم..عفيه لاتعيدين شي خطا مرتين الخطا خطا لازم نبتعد عنه من اول ماينصحونه .اريدج تصلين ..

شجون .اصلي ما اعرف .

كرم.خلي نوراس خاله امنه تعلمج امج شلونها وياج
من كالت خالتي رجعتي ضل بالي ..