شجون العاشقين

الحلقه الرابع وعشرون

شجون العاشقين
🌷بقلمي يارا الياسري
مساء الورد

مشتاگلك
تندلني ماتندلني
يا بعد ذنيچ السنين وذني
هو آني عمري امعلگ ابدربڪ خيط
وابڪيفڪ تزغرني وتڪبرني

حتى الطيف وحشه بلا ضوه عيونك
يما تدري افز مثل المسودن
من يذكرونك
يمته وياي يلگونك

صحيح بعيد بس گلبي شعر بيك
حزين وباقي بس يكتب شعربيك
عجيبه شلون ظل اسود شعر بيك
وانا بفرگاك ماظل شعر بيه

َــــــــــــــَــــــــــــــــــــــــــــــــــــــــــــــــــــــــــــــــــــ
ساري ..شبيج زين زين جايج بالدرب مسافه ألطريق
واني رايحلها تندمت على لسويته بيها ويمكن صحوه ضمير صحيت وعرفت ضلمتها بذنب مو ذنبها ماصدكت اتصل واطمن عليها وعلى بت اخوي وبالفعل وصلت لكيتها بالباب منتظرتني الله اكبر كلت بقلبي لهدرجه اتاذت حتى مامتحمله تبقى يمهن ولو خواتها تربيتت سميه شون يصيرين لكيت خالتي تتوسل بيها وتقنعها ..وهي رافضه وتبجي سلمت ..

شجون ..وعليكم السلام والرحمه .. يله خاله  اندعيلي ..

امنه ..يمه ابقر اقلهه لحد ماتولدين استغفر،الله عساهه بحضها وابختها ..

ساري ..لا تخافين خاله احنه يمها واسيل بالبيت والبنات مايقصرنه ..اواذ،صار شي اتصل بيج ..

امنه ..انتبه على طريقك يمه وعينكم عليها بعد خالتك ..

شجون .رجعت ويه ساري بس مامتحمله حرف راد يعتذر بس ماخليت يحجي كولش تعبانه لدرجه ما اعرف وصفها بس الم وتعب وانهيار بكل معنى ..اول ماوصلنه الكل نايم كبل صعدت لغرفتي وقفلتها ونمت ..ومرنه يومين صادف  شهر الخامس يوم ١٢ كعدت على الم بظهري وبطني تموت حسيت روحي طلعت نزلت لاكيت كواكب وابو كرم جوه  يتريكون واني ابجي بس دموع هالحجي من صباحيه الله ..

ابو كرم..خير عمو شجون .

شجون راح اموت  عندي الم .

كواكب .يمكن عندها ولادة  خل نخابر ساري ياخذها لمستشفى  اجه ساري اخذني كواكب وعمو واني بالمستشفى اجت  خالتي امنه ..

وطلوك  جان الالم مو طبيعي وابجي بعد ساعات من التقلصات والصررخات وانقباضات عشتهم لوحدي رافقني بس دمع ودعاء،لربي بدون ايه دعم نفسي
بساعات الاوجاع  انفرجت بخروج ملاك صغير لينور عمري وحياتي وتنطيني امل وبسمه بسيطه وتقوي كلبي حتى استمر بالمقاومه اذ،مو لخاطر نفسي لخاطرها هنا الاول مرة حسيت لازم اقوى لازم مااضعف لان صرت مسؤله عن طفله ساعه ولادتي .
الخمسة العصر شرفت بنتي حبيتي  بس اني ابد ما فرحت  فرحتي ناقصه ومحتاجلهه قوه وحتى ماكو قطرة حليب بصدري شكد حاولت بس ماكو..

اخذوني للغرفه خاصه لان مستشفى خاص جابوني ودخلوا سلموا حبيت اسميها رحمه ..
س الكل كال يارحمة شو كرطت ابوها ..الشي لخله الدمع يتسارع لمقلتي لكن سرعان ..ما خفه دم طارق ضحكتني ..