°🔘° *MACE TA GARI* °🔘°
*1441H/2019M.*
®☄
*GASKIYA WRITERS ASSOCIATION✍️*
_{Gaskiya ɗaya ce daga ƙinta sai ɓata, burinmu mu faɗakar da al'umma domin ribantar duniya da kuma lahira.}_
'''🎐G•W•A🎐'''
*_GASKIYA DOKIN ƘARFE•_*
*NA MARUBUCIYA:-*
*MAMAN MUHAMMAD✍🏼•*
*~Wattpad @GaskiyaWritersAsso.~*
*SHAFI NA 5📑*
*_________📖* sosai suka haɗa lefe mai rai da lafiya , Aunty R har mamaki take yadda Asiya bata nuna kishin ta kuma bata ji ƙyashin siyan abu komai tsadar sa , da wata ce wallah ba zata iya ba .
Bayan sun gama haɗa lefe , Asiya ta cire ma Aunty R wanda zasu bada ɗinki , ta miƙa mata , ita kuma ta kaima mawa tela da mesurement ɗin Amarya .
~•~•~•~•~•~•~•~•~•~•~•~•~•~•~•~•~•~•~
Aɓangaren Amarya da Ango kuwa , Salma ta ƙi amfani da waya koda Umma ta magana cewa tayi , sai sun gama Exam dan yanzun inta kunna Wayar zata ɗauke mata hankali, hakan yasa Umma ta yarda da zancen nata ,
Bata san ita ko batason magana da wannan sarkin surutun bane kamar yadda tasa mishi .🤣
Shikam Ibrahim, kullum sai ya kira number ta amma akashe hakan yasa , duk ya nemi natsuwar shi ya rasa ,
Haka akaci sati , kawai yanke shawar bari ya kira , Asiya yasa ta bincika mishi .
Rananr dadare suna cikin waya sai ya sako mata zancen .
"Ina ta kiran wayar ƙanwar ki shiru bata shiga ko lafiya?."
"too , aikam dai ina jin lafiya , amma zan bincika , dama gobe nake nake shirin zuwa gidan akwai saƙon da zan kai mata ".
Cikin gamsuwa da bayanin nata yace " hakan yana da kyau , wani saƙo zaki kaimata ne ?".
Murmushi tayi tace " Abun sirri ne ".
Dariya yayi yace " kuna da wani sirri ne da ya fini , ni mijin ku?".
" akwai mana , ".
Jinjina kai yayi kamar tana ganin shi yace " to faɗi inji dan ya kamata nasan da zaman shi ".
Haɗe rai tayi tace " habibi naga kana son kai mana shishhigi fa tom kayi shiru kawai ".
Dariya yayi sosai , sannan yace " shisshigi kuma ?, duk inda akaje aka dawo , ƙila shirin ma ni aka yima".
"oho dai ba dai zaka ji ba , sai da safe ".
Ta ƙarasa.magnar da wani ƙayataccen murmushi afuskarta ta kashe wayar .
Bata fi 50sc da kashe wa ba sai taji alamar shigowar saƙo , buɗewa tayi ganin daga mijin tane ta fara karantawa cikin murmushi dake bayyana tsantsar farin ciki.
_Allah yayi miki Albarka Asiya , ya saka miki da gidan aljannah , haƙika kin taka wani babban matsayi a zuciyata wanda babu wata mace da zata tunkuɗe ki daga kan karagar masarautar zuciyar Ibrahim , dan haka ki ƙara kwantar da hankalin ki_
Ina miki fatan alkhairi .
Haka ta kwanta tana karanta wannan saƙo mai daɗa sanyaya zuciya da sake sata amincewa da mijin nata ɗari bisa ɗari , ahaka cikin shauƙi bacci yayiɓawan gaba da ita .
