الحلقة 1
قاعدة في بيتها سارحة في عالم الخيال لي بالنسبة ليها هوا الملجأ باش تنجم تهرب مالواقع التعيس لي عايشة فيه هذي هيا نور لي بوها مات وهيا عمرها 3 سنين وامها عاودت حياتها وعرست براجل اخر ديما يمشي يسكر وبعد يجي يضرب امها وكي تجي نور تحامي على امها يلسقها بكف ويطيحها لوطا نور كبرت عالضرب والبلط وعيشت الفقر لاشافت فرحة عيد ولا قاست لبسة جديدة وعرفت خروجات ولا مشات نهار للمدرسة كانت عندها بنت جيرانها رانيا صحاب مالصغر يحكيو لبعضهم كل شي هيا لي علمتها تقرا وتكتب نور كانت قرايتها لكل في الدار لي تقراه رانيا في المدرسة تجي تعاودو لنور هااذي هيا نور بيضة شعرها بني عينيها كحل فمها مزيان رموشها طوال عمرها 17 سنة .
كانت سارحة لين تسمع في صوت خديجة امها تعيطلها جات ماشيتلها حبست شافت حالتها شعر محلول شورط وخلعة لبست جبة عملت شعرها كعبورة ومشاتلها
نور: نعم امي
خديجة: برا امشي للحانوت عيش بنتي جيب خبزتين
نور: باهي هات لفلوس
خديجة: معنديش تو برا امشي تو يتعدى بعد بوك يخلصو
نور: قتلك مليون مرة الإنسان هذاكا موش بابا انا بابا ميعوضو حد وخاصتا سي سمير متاعك (راجل امها)
قالتها وخرجت راكبها لعصب تمشي وتفرك لين وقفت قدام ڤيلا تهبل مضخمة تحكي بينها وبين روحها
_ڤيلا محلاها اما خسارة مولاها مايستاهلهاش واحد الشيب والعيب فالح كان في التبزنيس ومن عيشت البنات ميخرجش واحد خامج شنكرهو هيا هكا واقفة وهوا حل الباب شافها جات لعين في العين
أنت تقرأ
🔥🔞"ٱدم و نور"🔞🔥
Romanceبيييييييب بيييييب 🏃♀️ 🌝انا جيت🙋 وجبتلكم معايا كرونيك😍نااااار ياحبيبي ناااار🔞😈😱 🔥🔥🔥🔥🔥🔞🔞🔞 جبتلكم كرونيك # بعنوان 🔞🔥"ٱدم و نور"🔥🔞 تحفونةة علخر و ماهياش طويلة و ملخر فيها برشا برشا بلاده و حب الي ماتحبش ميسالش فحج و تعدااا أختاه...
