🔥🔞"ٱدم و نور"🔞🔥

الحلقة 8

شدت الكاس بين يديها غزرتلو كسرتو امها فاقت مفجوعة على صوت الكاس قمت سمير
خديجة : سمير قوم فما صوت كاس تكسر
سمير: ارقد على روحك تلقاها نور هاكي مشات تشرب طيحت كاس
رجعت تكات اما قلبها ماهو قايللها خير قامت مشات للكوجينة ملقات شي زعما نستخايل قالتها بينها وبين روحها مشات تفقدت نور حلت باب البيت حطت يدها على فمها وقامت تعيط اي نعم نور قطعت عروق يدها بالقزاز المكسر جا سمير يجري لقاها في الحالة هاكي هزوها للسبيطار يجريو سمير كلم محمود مهزش عليه دخلوها للسبيطار دارو بيها الطبة امها يدها على قلبها سمير يمشي ويجي خايف عالفلوس بالطبيعة خرج الطبيب
خديجة : دكتور بنتي بنتي لباس
الطبيب : الحمدالله كي فقتو بيها وجبتوها لهوني فيسع مخسرتش برشا دم والجرح ماكانش غارق نجمنا نعالجوها اما بربي ردو بالكم على بنتكم لحضة لاتخسروها اليوم
خديجة: ااه الحمدالله ياربي عيشك دكتور
الطبيب: هاكي خدمتنا نهارين وتنجم تخرج نشالا لباس
سمير: ريت ماو ريت بنتك شعملت ركبتلنا الفجعة في نص الليل غير تخرج الما ناكلها بسنيا
خديجة: بربي اخطاها الطفلة مزالت كي رجعت مالموت
فاقت مالبنج في الصباح تلقى امها بحذاها
خديجة: ااه نور الحمدالله على سلامتك بنتي والله فجعتني عليك
نور: بالحق تفجعت عليا امي ههه قريب نصدق
خديجة: متقولش هكا بنتي حتى من سمير تفجع عليك
نور: قول تفجع على فلوسو امي ه‍هه من وقتاش ونتوما تخممو فيا بربي يزيك
خديجة خرجت مالبيت تلقى سمير يكلم في محمود
سمير: الو سي محمود
محمود: شتحب
سمير: كلمتك باش نقلك لي نور البارح حبت تنتحر البارح واحنا جبناها للسبيطار
محمود : وهيا لباس تو
سمير :اي لباس
محمود: ايا باه مالا سلملي عليها
سمير: اما يا محمود ..... الو ..... علق عليا
خديجة: شفما
سمير: الله لا تباركلكم ترصيلي نخلصها انا فاتورت السبيطار يعجبك هكا
خديجة : شقلك الراجل
سمير: بربي ابعد من قدامي نتي تو انا خارج تو