🔥🔞"ٱدم و نور"🔞🔥

الحلقة 2

محمود: اووهوو الزين لكلو واقف قدام داري وانا مافيباليش
نور عملت روحها ماشافتوش جات شتمشي
محمود: نحكي معاك نور
نور: الله يسامحك عم محمود
محمود : لا هكا مش نتغشش شنيا هذي عم محمود ماو قول محمود كي الناس الكل
نور: اما كان مافيبالكش نتي أكبر من راجل امي عيب نعيطلك باسمك
محمود: اما لازمك تستانس معاد مامزال
نور: معاد مامزال على شنو
محمود: تو تعرف عن قريب يا حبي
بعثلها بوسة ودخل وسكر الباب وهيا قعدت باهتة
نور : حبة تلوزك قلو حبي شنكرهو يا ربي شيقصد زعما افف نسيت الخبز
قعدت تمشي وتخمم ثنيا كاملة الف حاجة وحاجة جات في بالها التخمام والخوف قاتلها روحت تلقا محمود وراجل امها يحكيو مع بعضهم زادت خافت اكثر دخلت حطت الخبز فوق الطاولة ومشات لبيتها قعدت تمشي وتجي وتخمم تعدات سوايع وهيا تاكل في روحها ماكلة بالتخمام لين تسمع في صوت سمير راجل امها يعيطلها مشاتلو تلقاه قاعد هوا وخديجة امها في الصالة
سمير: ايجا نور ايجا حشتي بيك
نور: نشالا خير
سمير : اقعد (مشات قعدت)
نور: شفما
سمير: فما شكون مش يجي يخطبك
(بلعت ريقها قلبها في التسعين )
نور: ششكون
سمير : محمود
نور: ششنوا كيفاه امي تسمع فيه
خديجة: سمير عندو الحق يابنتي الراجل غني وعندو برشا فلوس وقال لي مش يدفع في مهرك برشا فلوس
نور: ههه فهمتك معناها انتوما على زوز سوردي بعتوني بعت ضناك على زوز فرنك امي هكا بابا يرحمو وصاك عليا بابا خلاني أمانة عندك ونتي مش تبيعني امي كيفاه عطاك قلبك تعمل فيا هكا
خديجة: انا نخمم على مصلحتك بنتي الراجل بفلوسو وتو يفرهدك ويسعدك
نور: الفرحة موش كان بالفلوس امي الهنا ميتشراش  راهو انا منحبوش تي كيفاه تعملو هكا الراجل عمرو خمسين سنة راهو شوفو فارق العمر حتى العقل مايقبلهاش امي خمم فيا شويا علاش هكا بربي حرام عليكم راهو خمم في فرحتي راني نكرهو الراجل هذاكا نكرهو منيش مش نعرس منيش موافقة منيش مش نعرس
هيا مزالت تحكي ويجيها كف لا يقرا لايكتب يجيبها مادة لاربعة من عند سمير
سمير: سكر فمك ومتزيد معايا حتى كلمة مش تعرس يعني مش تعرس يوفا الكلام جاتنا فرصة لايدينا ونتي تحب ترزينا فاها بمخك والا بلاش انتي مش تجيبلنا برشا فلوس بعرسك مالراجل هذا وتحب تضيعها محمود مش يجي يخطبك ومش تكتبو صداقكم وتعرسو مفهوم والا لا
قامت غزرتلو تلفتت لأمها غزرتلها غزرة كلها كره مشات تجري لبتها سكرت الباب وبدات تبكي