🔥🔞"ٱدم و نور"🔞🔥

الحلقة 22

وصلو للبحر هبطو قعدو تحت باراسول نور تغزر للبحر اول مرة تشوفو تسمع صوتو تشم ريحتو تحس بنسمتو
_هيا نور قوم
_ وين
_ نعملو غطسة
_ للا نحبش
_ علاه شبيك متقليش خايفة
_ منعرش ادم عمري مامشيت للبحر ولا عمت قبل  عمري مجربت احساسو
قعد بجنبها حط يدو على كتفها
_ معايا مش تعيش حياتك وتشوف الدنيا وكل شي جديد مش نعيشو الفرحة مع بعضنا انسى التعاسة هاكي في الماضي كل شي ترميه وراك نتي مستقبلك معايا
_ شنو مفهمتش
_ موش لازم تفهم هههه هيا عاد
_ هيا
شدها من يدها بداو يجريو عالشط وشعرها الحرير يطير فيه الريح
بعد هوا دخل للبحر شوية وعيطلها وقفت مترددة جا جبدها من يدها ودخلها
_ هههههه ادم انا نعوم انا في البحر ههه محلاه بارد ههههه والله انا في البحر
_ اي نوارتي ديما تضحك ههههه لا يحرمني مالضحكة هذي
_ هههههههه ولا يحرمني منك
عمل روحو مسمعهاش اما في قلبو يقول اامين يا ربي
_ تحبشي نعلمك تتكى في البحر على ضهرك
_ نخااف والله
_ هيا متخافش هاني معاك
_ باه
عاونها علمها يقلها تنفس بالباهي تكات على ضهرها غمضت عينيها هوا سيبها تنطرت كورة بحذاه عيطلو واحد ماللولاد باش يرجعها حدفهالهم وقعد يحكي معاهم تلفت يلقاها بعدت مغير مايشعر عيط نوووور سمعتو هبطت ساقيها مامسوش الأرض ولات  تفرفط في الما وهوا مشالها يعوم بزربة اما خاطرها بعدت برشا جبدها دايخة في حملتو خرجها مالبحر نزل على صدرها ماخرجتش الما عمللها تنفس اصطناعي خرجت الما طاحت تكح تكح شربها الما حملها بكل قوتو
_ نور كان و صارتلك حاجة كلو في جرتي الله لا تباركلي والله نموت كان تمشي عليا
_ ادم متعملش في روحك هكا مصار شي
_ راني شعرة لا نخسرك نور فاش تحكي
_ ادم ياخي انتي تصخف عليا
_ شنوا لي خلاك تخمم هكا
_ مالا علاه تتصرف معايا باهتمام كبير علاه تحن عليا هكا علاه تخاف عليا
_ Tout simplement علي خاطرني نحبك ⁦❤️⁩
_ ادم 🤯
_ اي نحبك حتى كان جيت متحبنيش انا..
_نحبك
_ اي هاك شنو جيت مش نقول
_ لا قصدي حتى انا نحبك ⁦❤️⁩
_ ههههه نور تحكي بجدك
_ هههههه اي ادم نحبك وبرشا زادا
قام حملها ودورها وهيا تضحك من قلبها الفرحة لي عايشتها في اللحضة هذي متتوصفش هوا زادا الدنية زاهيتلو في النوار محملها يقول نحبك باقوى ماعندو هبطها مغير ميشعر باسها غطس في شفايفها بعد من بحذاها يضحك وهيا دايخة مهيش فايقة بروحها مالفرحة 😍 مشاو لرسترون بحذا  البحر فطرو جا الليل طلعو في الكرهبة روحو شادلها يدها وهيا غاطسة في سابع نومة تعبت مالبحر كل مرة يخطف منها غزرة وصل هبط حملها دخل باها للدار دوشلها دوش خفيف فاقت لبست وقعدت فوق الفرش عين مسكرة وعين محلولة مشا هوا دوش خرج مالدوش يلقاها في سابع نومة ضحك لبس ومشا بحذاها حطها في حضنو ورقد متهني لي حبو بحذاه فرحان برشا موش عارف لي يستنى فيهم