🔥🔞"ٱدم و نور"🔞🔥

الحلقة 13

قامت الصباح مدڨدڨة بكلها كل عضمها في بدنها توجع فاها مشات غزرت في المرايا بدنها الكلو جروح وبقايع زرق مالضرب محمود موش في الدار ملا راحة منو جبدت الدوا داوت جروحها حطت عليهم فاصمة قامت نضمت الدار بالرغم مهيش منجمة تتحرك طيبت الماكلة خايفة بدنها ميتهملش طريحة أخرى قعدت في الصالة بدنها الكلو جروح دخل محمود للدار
محمود: صباح الخير عزيزتي
نور:...........
محمود: متقليش مزلت متغششة عليا سامحني يا روحي اما نتي نرفزتني شعندي نعملك ايا برك أرضا عليا
باسلها يدها وهيا عايفتو محبتش تحكي معاه حتى كلمة قام من بحذاها
_شنوا طيبتلنا ماكلة ريختها تشهي ضاهر بنينة برشا هيا قوم ناكلو مع بعضنا
نور : انا معينيش في الماكلة تو كول نتي
محمود: ايا قوم عاد متنرفزنيش نور ايا قوم
قامت مشات سربات الماكلة وقعدو ياكلو
محمود : على فكرة غدوا مش يجيو صحابي مش نعمل حفلة يحبو يفرحولي بعرسي نحبك تلبس بالباهي وشوف كيفاش تغطي البقايع لي في بدنك منحبهمش يراوهم
نور ڨحرتلو ومشات للبيت وسكرة على روحها الباب تكرهو عافتو تصرفاتو التكبر متاعو يحب يتملكها ويحبها تتصرف كيما يحب ولات في النهار تطلب الموت الف مرة كرهها في العيشة قول هيا من وقتاش تحبها عيشتها كحلة من صغرتها عمرها لا شافت فرحة ولا شافت عيد