🔥🔞"ٱدم و نور"🔞🔥

الحلقة 6

صاحب محمود : سي سمير احنا اليوم جيناك طالبين بنت الحسب والنسب بنتك نور لخويا محمود
سمير : وانا عطيتهالك مبروك علينا نور برا امشي عيش بنتي جيب القهاوي
نور قامت حتى مغير متسالهم شيشربو مشات للكوجينة خديجة غزرت لرانية فهمتها خلطت على نور
رانية: نور وسع بالك امان
نور : ياخي انا سلعة عندهم يعطيوني للي يحبو هوما ويقولو امشي جيب ضيفهم نضيف كان سم الهاري
رانية : نور يزي معاد عنا منعملو تو لي صار صار هيا تو نحضرها انا لقهوة نتي اقعد رتح اعصابك
حضرت القهوة ومشات نور عطاتهالهم شربوها وقام محمود لبسها الخاتم نور في اللحضة هاكي كاينو لبسها كفن ماهيش حاملة تشوفو الخاتم
محمود : نشالا لخطبة هذي تكون فاها لخير
نور: الحاجة لي تجي من وجهك مافيها خير
خديجة: نور سكر فمك
نور: وجه النحس هذا اقلب منضرك
سمير لصقها بالكف لول الكف الثاني لين خدها والا احمر
نور: نكرهكم نكرهكم الكل اخرجو من حياتي
مشات تجري لبيتها
سمير: سمحنا سي محمود بربي صغيرة مهيش متربيا (ڨحر لخديجة )
محمود: موش مشكل سي سمير تو بعد العرس نربيها ايا خليني نروح غدوا تو نتعدالها نختارو روبت العرس مع بعضنا
سمير: باهي سي محمود غدوا تلقاها حاضرة
نور دخلت لبيتها وسكرت الباب لي جا قدامها لكر رماتو تكسر وتضرب قلبتها الدنيا سافيها على عاليها تهز وتلطخ تبكي بالصوت معاش منجمة تتحمل تحس في الدنيا دايرة باها راسها وجعها معاش تنجم تاقف طاحت اللوطا دايخة حد ماهو ساءل عليها دخلت امها شافتها تفجعت عيطت لسمير حطوها عالفرش صبو عليها الماء فاقت
خديجة: الحمدوالله يا بنتي نستخايلك متت قلبي طاح
سمير: هه متنجمش تموت هاك خلي ناخذ فلوس المهر متاعك وبعد لقضا كان تحب
نور: حسيبكم ربي حسيبكم ربي والله لا نسامحكم اخرجو عليا
خديجة: هيا نخرجو احنا خليها ترتاح غدوا ماشية تختار روبت عرسها راهي
سمير : يحرزلك مش تخرج مع الراجل غدوا تقيس الروبة ماكنش راني زرقتلك لحمك عالفضيحة لي عملتهالي الليلة
مشاو خرجو وهيا مغير متشعر هبطت دمعة سخونة حرقتها دمعة قهرة حاستها وعذاب كاويها