بداية حياتي

بارت 3

بسم الله الرحمن الرحيم

بعد مخلصوا صلى طلعوا  علشان يحطوا الاكل ويتغدو

دينا:مصطفى ممكن تيجى تساعدنى وتحط  الطبق دا على السفرة

مصطفى:حاضر ياحبيبتي وانا عندى كام دينا يعنى

ويقوم عشان يشيل معاها وتسمعه نونة وتجرى تشيل معاهم بس

نونة:تينا وانا عايزة اسيل (دينا وانا عايزة اشيل)

دينا: لأ يا حبيبتي مش هينفع عشان ميوقعش منك روحى انتى صحى ماما يلا 

وتجرى نونة تصحي مامتهم توقفها دينا

دينا:نونة استنى هو فى حد جه واحنا نايمين

نونة: ايون فيلوز وبابا(فيروز)

دينا:طيب يا حبيبتي نادلهم كلهم يلا

وحطوا الاكل على السفرة وقعدوا يستنوا اللى نايمين

شوية وخرجت فيروز

فيروز:ها خلصتى الاكل ولا لسه
مصطفى كان هيزعقلها علشان طريقه كلامها بس دينا شدت على ايده فقعد
دينا:ايون يا حبيبتي خلصت يلا اقعدي علشان تاكلي

فيروز: انتى مش هتأمرينى انا اعمل اللى عايزاه ماشي يابتاعة انتى

فى اللحظة دى مصطفى مقدرش يتحكم فى اعصابه اكتر من كد وقام يزعقلها وكان هيضربها فى نفس الوقت اللى خرج فيه والده ووالدته من الاوضه ودينا جريت علشان تلحقه قبل ما ايده تنزل على خدها ( تخيلتو الموقف)

دينا: خلاص يا مصطفي عيلة وغلطت عندى دى خلاص ياحبيبي خلاص
مصطفي: خلاص ازاى دى عايزة تتربى

مكنوش شافو اهلهم وهما خارجين علشانضهرهم للأوضه اللى شافتهم كانت فيروز

فيروز وهى بتمثل العياط: يعنى انت بتضربنى وتشتمنى وهى اللى غلطانه

مصطفي و دينا وقفين فى حالة زهول من اللى بتقوله

وتطلع فيروز تجرى تحضن مامتها وهى بتقول: شوفتى يا ماما عايز يضربنى وهى اللى غلطانه شوفتى عشان تبقى تصدقينى

كل دا ومصطفى ودينا لسه فى حاله من عدم الاستيعاب للى بيحصل مفاقوش غير على صوت والدهم وهو بيزعق لمصطفى:والله عال يا استاذ بتمد ايدك على اختك وانا لسه عايش
مصطفى:يا بابا دى

قاطعه والده وهو بيبص على دينا:اكيد انتى اللى عاملة المشكلة دى منتى وش المصايب

مصطفى بصوت عالي شويه:لأ مش هى اللى غلطانه وشاور على فيروز الاستاذه دى هى اللى مش عاملة اعتبار لحد

واله: وكمان صوتك على عليا والله عال دا انتى اللى شكلك عايز تتربى من جديد وراح علشان يضربه بالقلم بس دينا وقفت قدامه وخدت القلم بداله ووالدها ولا اهتم وراح قعد على السفرة علشان يتغدى ومصطفى لسه مش مستوعب ان والده كان هيضربه بعد العمر دا ودينا مش قادرة تصدق انو حتى مقلهاش كلمة واحدة ونظرات فيروز ووالدته الشمتانة فى دينا كل دا حصل فى دقيقه