بداية حياتي

بارت6

بسم الله الرحمن الرحيم🍫🍫

دينا:اه يا خاينة وكمان مش مسجلة رقمى دا
هشتكيكى فى محكمة الاسرة
ايه: حبى عامله ايه اخبارك انا زعلانه منك عشان مفكرتيش حتى انك تتصلى عليا ولا تسألى

دينا:  اسفة يا حبيبتي بس انتى عارفه اللى فيها معرفتش ارن عليكي الا امااخرج وخرجت النهاردة مع مصطفى اما رجع

ايه: هو لسه برده قاعد فى سكن الكليه

دينا: ايوا انتى عارفه ان هو حتى مش بيحب يقعد فى البيت لما ييجى بنخرج انا وهو وبدأت تعيط هو انا وحشة يا ايه  

ايه:بسرعة لأ يا حبيبتى ليه بتقولى كدا انتى اجمل بنت شوفتها فى حياتى واحسن اخت وصديقه وام انتى عارفة ان مليش ام فانتى امى يا دينا متتضعفيش عشان انا بضعف معاكى انتى ناسية شعارنا اما وانتى وحبيبة

لسه دينا هتتكلم ايه لقت حبيبة داخلة مكالمة: دينا استنى هرد على حبيبة ونقوله سوا عشان احنا بنتقوى ببعض وملناش غير بعض

دينا: ماشى يلا

ايه ردت على حبيبة: ايوا يا بيبة عامله ايه يا حبى

حبيبة: انا كويسة الحمدلله بس انتى كنتى انتظار بتكلمى مين يا بت

ايه: كنت بكلم دينا اسمعينى عشان انا حطاها انتظار انا هفتح الخط فاكرة شعارنا

حبيبة: ودا يتنسى

ايه: ماشى انا فتحت الخط ودينا سمعاناةهعد لتلاتة ونقوله يلا

ايه: 3 2 1

ايه ودينا وحبيبة فى نفس واحد:  احنا التلات اميرات اخوات اصحاب ومحدش يقدر يفرقنا بنتقوى ببعض وبنضعف مع بعض واستحاله نتجوز غير مع بعض احنا اقوى احنا طول عمرنا مع بعض ولا ادم ولا مصطفى ولا اسر ولا حد هيقدر يفرقنا

دينا:  انتوا احسن اخوات فى الدنيا بس اما لازم اقفل عشان مصطفى رجع سلام يا حلويين

حبيبة:  سلام يا حب

ايه:  سلام يا قلبى خلى بالك من نفسك

قفلت دينا وبصت جنبها لقت مصطفى قاعد والظاهر انوةسمع الشعار بتاعهم واكيد استغرب من الاسماء اللى سمعها

(مااحظة الاول مصطفى ويوسف اخوات فى الرضاعة لان مامت يوسف تعبت بعد الولادة ومامت مصطفى رضعت يوسف معاها اما دينا وايه برضه اخوات فى الرضاعة لان مامت ايه ماتت بعد ولادتها بفترة صغيرة ومامت ديناورضعت ايه معاها)  المهم نرجع تازى عند دينا

بصت لمصطفى بربكة:  مصطفى انا

مصطفى بصلها وشاف فى عنيها الخوف والتوتر فقالها بهدوء: دينا انا عمرى زعلتك او قسيت عليكى

دينا:  لأ عمرك بس ليه

مصطفى:  بصى يا دينا يا حبيبتي انا بخاف عليكي اه بغير عليكي اه لكن اقسى عليكى او ازعلك لا انا بس عايز افهم ايه الاسماء اللى اتقالت دى