هلو حبايب كلبي شلونكم اي والله مشتاقتلكم كوومه ...
#الارجوان
7:00صباحآ .. .....
الكل كاعد يتريك بيت ابو خضر عرس همام راح يصير بعد شهر يعني قبل عرس شوك وراه بأسبوع عرس احمد وبعدين عرس صكر..
المهم خلص الريوك وطلعو الشباب يفترون والبنات تقاسمن شغل البيت وي شوك كملن شغل وام خضر الي تطبخ الغدة فصعدن بغرفه شوك ...الماس وجوهرة وشوك..
الماس:اكلج شوك شو مو عله بعضج صاير شي؟
شوك:لا بس جاي احس صكر يضم شي
جوهرة :وشلون عرفتي هذا الاحساس بله
شوك":اكلج جوهرة من تحبين شخص وتتعودين عله طبعه وبعدين يتغير ععليج فهذا صاير شي وياه
الماس:ايجوز شغله وياه بلدوام
شوك:ماادري بعد بس ان شاء الله احساسي يطلع مو بمكانه
جوهرة:ان شاء الله بس ترة صكر يحبج هذا الشي اني متأكدة منه
شوك:اعرف واني هم احبه وبشكل مو طبيعي
جوهرة:ان شاء الله تنجمعون سوة بلخير ...
.
.
.
.
.
.
.
صكر:ها ولك اشوفك تصفن اليوم ؟
خضر:تصالحنه ....اخذت نصيحتك ..
صكر :اي بيها الخير يمته العرس
خضر:ماادري بس مو هسه خل اخلص منك وبعدين افكر😁
صكر:خاب دول يخلص مني بس هو كالها ابو المثل الي لكه احبابه نسه اصحابة
خضر:هههههههه ولك جنك وحدة اخذو رجلها منها ههههه
صكر":ههههههه انجب ولك ...تستاهل يلنسيب 😉اان شاء الله اشوف بناتك وولدك وتنطيني مرة لابني 😂😂
خضر :😂😂😂.اكلك هم كلت لشوك عن السالفه
صكر:لا يخوي غير تتخبل واني فترة ومطلكها
خضر:زين هسه وين ضلت
صكر:راحت لاهلها ..
هم جانو طالعين كلهم الشباب بس صكر وخضر كاعدين بلمطعم والباقي يفترون بلمول ...
قسور":لك همام هذني بنات بغداد هم تلوحهن الشمس
همام:هههههه يي اكيد
قسور:لك لا والله يموعن اذا لاحتهن الشمس لك ترفات كللش
احمد:ههههههه يي والله شوفلك وحدة حته نخطبها الك 😂😂
محمد :لك كافي مو البنات راح يشردن من عيونك
قسور:والله يا خي حديقه وااباوع بكيفي بس انته محلفينك الجماعه .😁😉
همام":هااا عيني منو الجماعه ...😉
محمد:::هههههههه غير مرة اسولفلك
