_ عنفوان أمرأة _
( بقلم بسمة البياتي)
_البارت الثامن _
... اكعدي ولاتنطنطين مثل القردة اسمعيني زين اني قررت ازوجج الأحمد
...رجعت كعدت واني مصدمة شنو زواج شنو أحمد شما اصفنلها مترهم هذولة اكيد تخبلوا
صادق... يعني لو تكمزين مثل القردة لو تصفنين مثل المطي مو داحجي وياج
... هو انت شحجيت اريد استوعب كلامك مجاي اكدر اكيد هذا مقلب لا لا اكيد كذب
... رعنة شنو جذب يعني اني جذاب وجاي اجذب عليج
... والله ياريت يطلع كذب اكوم ابوسك من ايدك وراسك
حليمة.. ياااا هاي شبيها كامت تخبط وتخربط
صادق... دانية اسمعيني الأخر مرة لان بعد ما اعيد كلامي انتي واحمد راح تزوجون وحظري نفسج بس ينزل احمد من الدوام تعقدون
... اكولك يابة شنو رايك من تطبع بطاقات العرس عود دزلي وحدة واعزمني على عرسي اشو ما شاء الله انتوا محددين كولشي وبس دتبلغوني
... هذا الموجود غصباً عليج تقبلين اني زلم يهزون الكاع بمشيتهم ميكسرولي كلمة تريدين انتي تكسريها
... كمت وكفت والله لو تموتوني ما اخذة لو يبقة احمد اخر واحد بالدنيا ما ازوجة وشتريدون تسوون سوو
حليمة... احمدي ربج عليه هي منو المتريد أحمد البنات كاتلات روحهن يتمنن اشارة منه اشو حتى احلى منج
... اي هاي انتي كلتيها البنات يتمننة خلي يروح عليهن شجابة عليه اني ما ارررررررريدة
عفتهم وطلعت صعدت اركض دخلت للغرفة كعدت بالكاع الطم على خدودي عزاا بعيني ملكوا غير احمد يبوووووو والله اموووت وما اخذة
بتول... يااااا هاي شبيج كاعدة بالكاع ودتلطمين منو مات
... انيييييييي متت جاي الطم على الساعة السودة الجيت بيها للدنيا
... ولج شكو شبيج ترى خوفتيني
... جدج وبيبيتج تخبلوا يريدون يزوجوني احمد
... منو احمد؟
... يعنيييييي منو اكو غيرة اخوج التحفة
... لا كذب كولي والله
.... شالني وشالة الله
... اسم الله عليكم انجبي لج شنو هالدعوة بعدين شبي احمد فدوة العينة يخبل وشخصية وشهادة
... اخذ زببببببببال وما اخذة
...والله يا حلوة جدو اذا قرر شي حيتنفذ بدون نقاش ارضي بقسمتج وسكتي
دخلن ديما وتمارا
تمارا... شبيها دنوشة لويش كاعدة تبجي
بتول... ههههههههههههه حتزوج واحزرو منو العريس هههههههههه
