_ عنفوان أمرأة _
( بقلم بسمة البياتي)
_البارت السابع _
صارت ساعة 11 باليل وماكو اي خبر عنة الولد واصدقائهم وشباب المنطقة كلهم يدوروله
نص ساعة ودخل مؤمل يركض صاح بنص البيت يابببببببة لكينا مهند
كلنا ركضنا عليه عمو حاتم حجة بصوت مخنوك وينة خوما بي شي
مؤمل.. بالمستشفى بس لاتخافون مبي شي
فزينا وانخبصنا شنو بالمستشفى وشنو مبي شي
جدو... لك لاتخبلنة اذا مبي شي شيسوي بالمستشفى
... قبل شوية اجاني اتصال من موبايل مهند واحد حجة وياي سالني كال تعرف صاحب هذا الموبايل لان لكيت اسمك اول شي بقائمة الأتصالات واتصلت عليك
... جاوبتة بخوف اي اني اخو رحمه الأهلك لاتكول اخوية بي شي
.. اني من استعلامات المستشفى قبل شوية شباب جابوا واختفوا بس اطمئن مبي شي
جدو. ليش واكفين امشوا نروحلة
مؤمل... اتصلت على احمد كال اني وعلي وحيدر قريبين من المستشفى حنروحلة
دانية... شنو الديصير ما ادري شبي مهند ولويش بالمستشفى محد يعرف جدو وعمامي والشباب كلهم راحوا للمستشفى
واحنا ظلينا نلوب بس نريد نعرف شبي
اكثر من مرة اتصلنا على الولد بس يكولون مبي شي ويسدون الخط
بقينا على هذا الحال الساعة ثنتين ونص باليل
باب البرا مفتوح سمعنا صوت سياراتهم طلعنا للحوش دخل جدو وعمامي وازواج عماتي والولد
باقي الجوارين واقاربنا يمكن رايحين لبيوتهم
جدو وعمو حاتم شكلهم ميتفسر من العصبيه
بيبي وخالة رسل سألوا وينة مهند وشبي
نتر بيهم جدو كلشي مبي عرج ميطبة عافنة ودخل
احنا صافنين على ردت فعلة
خالة رسل جلبت بيد عمو حاتم
.. احجي ابني شبي ولويش مجبتوا وياكم
حاتم... هذا العارررررررر لحد يجيب اسمة كدامي
دخلوا جوة بيبي وخالة رسل وعماتي دخلوا وراهم يريدون يفهمون شبي مهند وهما لويش متعصبين
عمو حاتم صاير نار يسب ويغلط كولشي متفتهمنا منه
بيبي صاحت كافي صياح وخلونة نفهم شمسوي مهند شبيكم واحدكم جاي مثل البارود
عمو عامر... مهند مصادق شلة تعبانة وظال يسكر وياهم طول النهار معدتة ممتحملة كثرت الشروب متخربط واصدقائة من خوفهم شامري يم المستشفى ومنهزمين
.. كلام عمو عامر جان صدمة بالنسبة النا معقولة مهند هيجي يسوي
مهند فقير واخلاقة عالية الكل يحلفون براسة مجاي اكدر اصدك
