حبك معذبني

البارت الثالث

بــســم الـلّٰـه الـرحـمٰـن الـرحـيـم \\..

.
.

مرحبا _ هاي _ أوهايو _ نيهاو _......

.
.

ورجعت اخيراً ًببدا ؛: بــســم الــلــه ..
.

عندما تكون لي قلبا ؛ أكون لك أجمل دقاته .💞

.
.
.

.
.
.
في قصر العم أبو حمد \..

الساعة 7:30 صباحا ..

صحت الاء اول وحدة من البنات ، صلت ولبست حجابها ونزلت لعمها و خالتها تصبح عليهم.

الاء بأبتسامة ؛ صباح الخير والسرور على احبابي.
ابو حمد أبتسم لها ولأسلوبها ؛ صباح النور حبيبتي انتي.
ام حمد ؛ حبيبتي صباحك ان شاء الله جميل تعالي افطري.
جلست الاء جنب ام حمد و قعدوا يسولفو ..
أم حمد : ألولة وش أصب لك ؟؟!'.
ألاء تقرب منها الجبنة : أمممم ، أبغا حليب.
أم حمد تصب لها : أيوا وش صار على سهرتكم أمس؟؟!'.
ألا أبتسمت : لعبنا وضحكنا وتابعنا فيلم كوميدي ، وبعدين نمنا.
قاطع عليهم دخول راكان ، وهو واصل عنده الروقان ألف ، وانتبه على البنت الي جالسه وتسولف مع امه وعرفها من صوتها وحركاتها.
راكان بأبتسامه ؛ السلام عليكم.
ردو عليه و الاء نزلت ناظرها للأرض بعد موقف امس.
جلس مقابلها متعمد عشان يشببع عيونه ..
ابو حمد يناظر فيه بطرف عينه ؛ اش وراك جالس عن غير كرسيك ؟!.
راكان ؛ والله عجبني المكان هنا ، والكرسي مقابل الحديقة ومناظرها الحلوة.
ناظرت فيه الاء بصدمة وهي تعرف قصده ..
ابتسمت ام حمد على جواب ولدها وكأنها فهمت شوي من تلميحاته.
نزلت مروى وجلست معهم ونزلو ولاء و نورة ..
ابو حمد بعصبية ؛ الحين وين مشاري و كيان تأخرو ، وهاذي موب من عوايدهم الاثنين ؟!!،
مروى ؛ كيان صحت قبلي ، ونزلت انا وهي تصلي ، اما مشاري مدري وينه.
دخلو كيان ومشاري وهم مبتسمين بأحراج ..
ام حمد ؛ ما شاء الله جيتو قبل الوقت بنص ساعة.
كيان ؛ والله ماما كنت نازلة ، وشفت مشاري جالس في الصالة يسبح وجلسنا نسولف.
مشاري ؛ اي واللّٰه هاذا الي صار.
ابو حمد ؛ زين زين.
دخلت مريم وهي لابسة حجابها المحتشم ،ومعها حمد ..
حمد ومريم ؛ السلام عليكم.
الكل ؛ وعليكم السلام.
مروى ؛ ايوا شرفتو اخيرا.
حمد ؛ كنا في الحديقة من الفجر.
وجلسو ..
ألاء نست نفسها ، و نست راكان الي جالس مقابلها ؛ وليش الحديقة وكمان من الفجر ؟؟!.
راكان ابتسم لانه سمع صوتها الي انقطع من وقت دخوله ..
حمد بضحكة ؛ ههههههه ، الجو كان حلو ، لأن امس قبل الفجر مطرت شوي وحلو الجو.
مروى بغمزة ؛ وش مصحيك هذاك الوقت ؟؟!.
مريم احمرت خجل من سؤالها ..
حمد ؛ مريم صحيت على صوت المطر ينقط على الشباك ، وقومتني معها وخرجنا صلينا في المظلة ، وجلسنا نسولف لين الحين.
مريم اخفت ضحكتها بسبب كذبة حمد الكبيرة ..
مشاري بإستغراب ؛ وش فيكم قلبتوها جلسة إستجواب.
أم حمد ؛ وأنت الصادق.
ابو حمد ؛ خلاص حلو ، من اليوم اصحو كلكم في نفس الوقت ، مابي شغل المطر تنزلو بالقطارة ، والي ينزل متأخرة له عقوبة.
الكل ؛ ان شاء اللّٰه.
ام حمد وكأنها تذكرت شي ؛ على طاري المطر والجو الحلو ، يا ابو حمد كلمت العمال عن تنظيف المزرعة.
ابو حمد ابتسم ؛ ايه كلمت العمال ، وكلمت اخواني وقبلو يجو ، بس نشوف اساس الجمعة هاذي اذا قبلو.
حمد فهم عليه ؛ يا يبه انا كل جمعة للعيلة داخلها داخلها ، فكيف اذا انا صاحبها.
ولاء بطفش ؛ ياخي ما تقدر تسكت ، لازم انت تجاوب ، وين مريم خليها تجاوب ما عندها لسان ، واصلا عمي قال اذا قبلو ، ما قال اذا حمد قبل يجي او لا ، يعني كلش انت تجاوب.
مروى ونورة ؛ إيه واللّٰه ، خلينا نسمع صوت مريم.
حمد فطس ضحك ؛ تصدقو الحين انتبهت لوجودك ، واللّٰه وطلع لك لسان يا ألاء.
ولاء ؛ انا ولاء ولااااء ، مو الاء ، شوفهاا الاء جالسة مقابل راكان.
حمد ؛ واللّٰه احيانا ما افرق بينكم الا من اللبس ، وبعدين ليش راكان مغير مكانه ؟؟!.
مشاري برفعة حاجب ؛ ايه صح ، كنت دايم تقومني اذا جلست في مكانك ، وانا اليوم جلست فيه وما تكلمت.
مروى ؛ صح وانا كمان انتبهت.
راكان ؛ ما رح اجاوب ، لان يبه سألني وجاوبته ، ومستحيل اقعد اعيد واكرر في جوابي.
ام حمد أبتسمت وهي حابة تورط راكان شوي ؛ يقول ان المكان عجبه اليوم ، لانه مقابل لشباك الحديقة ، ومقابل مناظر خلابه وحلوة.
الاء وقفت من الخجل ؛ عن اذنكم انا شبعت.
ابو حمد ؛ وين شبعتي ؟؟!'. والفطور لسى العاملات ما جابوه كله ، حدهم جابو بس الصحون والقهوة والخبز.
الكل فطس وانحرجت الاء زياادة ..
مريم حست فيها ؛ الاء اقعدي ، انا اليوم كلمت آنالي تسوي لنا بيض عيون وكيك بطريقتي.
نورة ؛ ايوااااه ، تعجبيني قسم باللّٰه.
الاء ناظرت في مريم بأمتنان ، وتكلمت تبي ترقع الي سوته ؛ اذا كان الكيك بطريقتك ، اقعد وش علي من حرج .
ضحك الكل ..
ولاء بحماس ؛ ها مريم وش قلتي بتروحي معنا .؟؟!
مريم أبتسمت ؛ اكيد بروح ، ظنك بتروحو كلكم واقعد هنا في الطفش.
حمد يبي يحرجها ؛ افاااااا ، انا اذا مارحتي ما بروح ، وتقولي بتقعدي في الطفش وانا موجود.
مريم ما ردت ..
ابو حمد ؛ اسكت يالي ما تستحي ، شوف وجه البنت كيف صار لونه.
ولاء تضحك ؛ هههههههه ، لونه صار مثل لون صابونة لايفبوي ههههههههههههااا.
راكان فطس ؛ متتتتت هههههههههههههههههه ، لايفبوي مراا وحدة هههههههههههههههه.
حمد يمسك بطنه ؛ وه وه ، قوووية ههههههههههههههههههههه.
الكل ضحك على التشبيه ..
ام حمد ؛ خلاص يلا الفطور جا طولنا على المشاهدين.
فطر الكل ..
راحو الشباب للشركة الا حمد منعه ابوه لانه توه معرس ..
والبنات اجتمعو في المظلة لأن الجو كان باارد وحلو ، (الا مريم)..
.