خسـرته 💔

3

خسرته 3

الفقـر قتل فينا كل شيء حلو 
الله لو يرجع بيا الزمن ولو يومين كنت حاولت مانبيعش كرامتي ع الأقل ، كنت حاولت نكمل قرايتي ونوض بروحي ، كنت حاولت مانبيعش روحي !!
ياجماعة والله الفلوس مش كل شيء خودو مني العبـرة ! راني ندمت في وقت ماينفعش فيـه الندم 🤦🏻‍♀️💔
قاعدة في داري وشريط حيـاتي يمر عليا كلله من لما فتحت عيني ع الدنيـا !!
زعما لو ساعدتـه في هداكا الوقت كنت وصلت لهني ؟
زعما لو حبيته وحنيت عليه كنت وصلت لهني ؟
ساعدوني رانـي قريب بننفجر !!💔
احييي قداش شعور النـدم قـاتل !!
كون المظلوم لكن ماتكونش الظـالم !!
راه الظـالم عيونه ماترقدش الليل ....

_________

وصلنا للحوش انزلنـا وعصابي محروقة لقيت عزوزتي في الصالة مقعمزة سلمت عليا بحنيـة بس اني من ضيقتي سلمت عليها ببرود
سألتني : كيف كان مشواركـم
جاوبتها : مستحيل يكون زيّ النّاس ...
وانسحبت
عمار قعد جنب امها وحاط يديه فوق راسـه : هموم الدنيا فوق راسي
عزوزتي : معلش ياولـدي توا ربي يفـرج !

خش عمار ورايّ لقاني متغطية وبنرقد
جي قرب مني وبيحاول يبوسني ، دفيته وبعدته عليا
عمار : كل الي درته ع خاطرك باش نرضيك من يوم ما تزوجنا واني مافيش يوم ارتحت فيه كل يوم مشاكل وتعب ..
اني : لو كنت زي خوتك راه مش هادي عيشتي توا بس لانك انت مش راجل
ومازلت ماكملت كلامي يجيني كف من عمار !
وجبدني من شعري : صح نحبك ، صح محترمك وندير كل جهدي ع خاطرك بس توصل لدرجة تقوليلي مش راجـل ؟ لكن توا نربييك يا سلمى .
وناض يكسر في الغرفة كلها لين ادخلت أمه وخلاته يهدا ناض خدي فراشه ورقد في الصـالة

______

أيام ثقيلة ، خاطفة كُل الوان روحي ..
مرات نقول شن درت اني باش نستاهل كُل هدا ؟
لحظة لحظة ؟
لما سيبت قرايتي نستاهل ! لما بعت روحي نستاهل ! لما قسيت نستاهل ! لما مارضيتش نستاهل ....

شهـقة ، دهشـة ، رعشـة ، صمت ؛ إنـقباضة قَلـب... إلى متى ؟؟

_______

تاني يوم الصبـح درت فطور لـ عزوزتي
لقيت عمار قاعد في الصالـة تأسفت منه بس مدارش اي لقطـة ناض وطلع
أتصلت بيا امي بتجيني هي و أخواتي
كلمت عمار وقتله يجيبلي اين حاجة يلقاها
وبديت انضـم مابين ماجاني ..
عمار فتح البـاب وجا قدامي ومدلي الكيسة فيها شويـة حاجات لـ تقديم
جوني أمي واخواتي استقبلتهم وقعمزو بحدا عزوزتي
كنت نشبح لخواتي بحسرة كيف يلبسو وكيف عندهم سيارات وبديت نفس الشيء نقارن بين رجلاتهم وراجـلي ...
مرر الوقت وروحو
وجتنا جارتنا أبرار بنت في سني بس تهبل ومحلاها بنت مُحتشمة وتخاف ربي ❤️ هدرزنا شويا وجابتلي معاها نت نغيرو جونا ..
روحت أبرار وجيت اني بحدا عمار ... نحاول نلطف الجو
اني : عمار أني بجديات أسفـة ع الي صار ونتمنى تسامحني ..
عمار بدون مايشبحلي قالي : حصل خير وناض رقد في الصالة

.....
اما بالنسبة ليا ف مشيت لـ غرفتي ونفكر اني ندور ع أي خدمة نخدمها نعاون بيه راجلي ونربي بيها صغاري ..
واهني أكتشفت ان الإنسان بلا شهادتـه مايسواش
🤷🏻‍♀️💔

جي تاني يوم الصّبح🌞
نوضت عمار ودرت الفطور لصغار وعزوزتي روحت لـ حوشها
جيت بحدا عمار وقعمزت : عمار اني نبي نخدم أي خدمة نلقاها ع الأقل نعاونو بعض
عمار : شن نوع الخـدمة الي تبي تخدميها مثلاً ؟
اني : أي خدمـة عادي  !!
عمار : مش عارف توا نشـوف خو صاحبي الفترة الي فاتت قالي يبي يدير مشروع تغليف هَـذايا وانتي شاطرة باشـيء هدا فَ توا نكلمه نقوله ، وصاحبي هدا ثقـة 👌🏻 وبأدن الله يساعدنا ..

مرر الوقت وكلم عمـار خو صاحبـه او وافق وقال من غدوا تعالي ..
فرحت هداكـا اليـوم وحمدت ربي ان حياتي ممكن حا تتحسن 👀⚜️

رقـدت واني فـرحانة ...
ونحلم بالحياة الورديـة الي رسمتها 🙃🙅🏻‍♀️

يُتبع ..