خسـرته 💔

6

الحَلقة 6

أخترت " خسـرته " لأن فعلاً خسـرته وخسـرت أي شيء كـان حلو في حَياتي ➰🤚🏻♥️
مـش كُـل شيء فُلـوس ، مش كُـل شيء أثـات وحـوش ع دوريّـن و 4 سيارات مدرسـات ...
في حاجة أسمها حُب ، إهتمام ، حنـية ..
‎3 حاجات ماتقدرش تشريهم بالفـلُوس 🏹🤚🏻...

عَند أبـرار كـانت شادا الصغـار وتلعب فيهم لين قاطعها صـوت البـاب يطق 😶
نـاضت لبست وشاحها وطلعت فتحت
وكـان عمار و بدون مايشبحلها : أسـف ع الـي صار أمس ماكانش قصـدي تشوفينـي بالـوضع هدا
الله غالب مش بيدي 🚶🏻‍♂️
أبرار أبتسمت بحنيـة : لاء ععادي ولا يهمك حصل خيـر ➿ الصغار ععندي ما تخافاش عليهم بأمانتي ..
عمار بعد تـوثر وصراع داخلي قرر ينطق : موافقـةة تتزوجينِّـي ؟

أبـرار كانت مُعجبة بشخصيـة عمار بس كانت مترددة شويي .. لأن واضح الحب في عيـونهه ليا 🥺🚶🏻‍♂️

عنـدي أنا وقفت ع المـرايا بخيت عطـر ودرت مكياج خفيف فاتحة شعري واصل لـ نهاية ضهـري ♥️ ونتأمـل في شكلي ولبسي الجديد لين قاطعني صوت سيف جي بـاسني وقعمز ع السـرير بدون ما يتكلـم ..
قررت نقطع الصّمت وقلـت : ليـش في أول يـوم مشيت للخدمة ؟
رد عليا بحـدة : أني راجـل عندي روتيني الخـاص ومانبيش ينقلـب !!
هزيـت راسي بكسـرة ➿...
قـرب مني وقالي مستـاحشك وبـدي يبوس فيـا
واني أستجبت معـاه زي الهبلـة ولا كأن دار شـيء زعلني ، أستخسر حتى كلمة أسـف ..

نـدكر لمـا نزعل من عمـار بدون أي سبب 😶
حتى وكـال معاش ياكل ليّـن يراضيني ،
حتـى لما يرجع للحوش وإيديه فاضيـة ممن ظغط العمل يتأسف أن ماجاب شيء ..
فَـرق بين السمـاء والأرض 🤚🏻
" كلك‌ جبر خاطّر لوُ تعرف ."

جت السـاعة 5 تغدينـا وأقترح أن نسافرو لـ باريس
ماتصدقوش فـرحتي وقتها ، وقلت فعلاً أرتحت من هاديكا العيشـة ..
بس هاديكا العيشة الي مش عاجبتنـي هَي الي كانت ح تسعدنـي طول عُمري 🤚🏻❤️
كان عمار نعمة وكنت أني نرفس فيها برجلي ..

مُمكن ربي عاقبني بـ سيف عشـان يوريلي أنَ الإنسان لازم يرضى ويحمد ربي ع كل شيء
" اصْبِرُوا وَصَابِرُوا وَرَابِطُوا وَاتَّقُوا اللَّهَ "

خشيت لـ غرفتي وبديت نوتـي في حاجاتي 🩰

عـند أبـرار دارت الغدي وفتحت لـ بوها الموضوع
بوها فرح وقال : وين تلقي راجـل زي عمار ؟ أني مريض وأمك مريضة مش ح نقعدولك طول عمرك ربي يهنيك قوليله يتفضـل

عَنـد عمار كان ف الجـامع ساجد ويتكلم ع كل الي في قلبـه ويـدعي أنه ينسـاني ويحب أبرار وتكـون زوجة صـالحة تربـي صغاره ويدعي أنه مايظلمهاش معاه 👀...

جاه مسج من أبرار مكتوب فيـه " فتحت لـ بوي الموضوع وقـالي قوليله يتفضـل "
تنهـد عمار بغصـة ومشي لـ أمه
سلم عليها وباس راسها وقعد جنبها وقـال : جيتك مهموم والهم فـوق راسـي ، حاير الي ندير فيه صح او غلـط
أمه : خير يا عمار شن في ان شاءالله خير ؟
عمار :بنتزوج أبرار ...
أمه فرحت وقالت : هدا النهار المُبـارك أبرار بنت عيلـة ونـاس اخلاقها عاليـة وجميلـة 🌸 أعلاش يا ولدي خايف ومهوم هكِ ؟
عمار بغصـة : خايف نظلمها معـاي ، قاعد نحبها مابتش صورتها تتنحى من بـالي ، صوتها قاعد يرن في ودانـي ، مرات نقول ندمان أني طلقتها بس زادت عن حدها ...
أمه شدت ع يده وقالت : أنـي واثقـة أن أبرار حـ تنسيك فيها وتعيشو أحلى أيـام 💛 تـوكل ع الله
أمتا بتخطبها ؟
عمار : مفروض نمشو اليوم أحسن
أمه : عندك فلـوس نرفعو حاجة معانا ؟
عمار : اي الحمدلله عندي اليوم
أمه : به نوض هي
عمار ناض تنهد ومشي للحوش دار دوش وبـدل
...
عمـار عمره 30 سنـة وملامحـه جـذابـة وشخصيته حلوة ..

طلعو هو وأمه وخدو حلويـات ومشو
تفاهم مع بوها وتافهمو ع المهـر ان حـ يعطي ألف بس لأن هدا الـي عنده !!➰
رد عليه بوها : الفلوس مش مُهمة أهم شي الهنا واني واثـق انك راجـل قد كلمته او واثق انك ح تسعد بنتي طـول عمرها 🤚🏻♥️
فرح عمار ع كلامه لكن في نفس الوقت حس بتأنيب الضّمير !!! زعما ح يقدر ينسى سلمى  ويتعايش معاها طبيعي ؟
زعما تسرررع ؟

مـرر الوقت ومرو الأيـام وجي يوم عرس أبـرار وعمار
كُنت أني كيف نازلة من الطايـرة فتحت فوني وخشيت للفيس لقيت منشور أبرار قـدامي ...
نقرت فاتحتها بس مش مدايرة تاق لحد فرحتلها لأن فعلاً تستاهل كُل خير 🌸
بعتلها رِسالة : الف مبروك من هو سعيد الحـظ ؟
ردت عليا وقالت : الله يبـارك فيك صحيتي ☺️
عاودتت سؤالي : من هو سعيد الحظ ؟
ردت عليا بعد دقايق وقاللت : عمـار الـ ..
زي الي انصبت عليا مية مصقعـة .. به اعلاش حسيت هكِي؟ ممكن غِيرة منها لأن ح تاخد مكاني ف الحـوش ؟ او ممكن لأنها ح تكون الأم لصغاري ؟
حيي صغاري !! شهر ماسئلتش عليهم ولا شفتهم

لههدرجة الفلوس تعمي القلـوب

وصلت للحوش واني مخنوقة ونبي نشوف صغاري خشيت خديت دوش وبدلت طلعت لـ صالة سمعت صوت ضحك سيف أستغربت ! مشيتله لقيت التاليفون ع ودنه وهو هايـم !
ولعت فيا نـار لكن خترت نسكت ونسمعه لـ نهاية
سيف : تعرفيني انتي قداش نحبك ، اي لالا توا ندبر كيف نوزعها

‏أشعرُ وكأن العالم كوب شاي ضخم
وأنا مُجرد بسكويتة تتلاشى فيه.

يُتبـع 🖤..