خسـرته 💔

12

لحلقة 12

نحـاول بقدر الأمكان اني نكتب ونجمع أفكار في عقلي .. بس حَالتي النفسيـة متأزمـة شويا فا أعدروني .. جداً متأسفـة ..💙

---
مر شهـر بديت نشوف في صغاري بين فترة وفترة  تعامل سيف ليا تغير فجئة ! كيف وليش مش عـارفة ، بديت نحس في الأمان معاه وحمدت ربي وقلت اهو بدت حياتي تتحسن ..

ومن فرحتي قررت نطيب الغداء اني نبيه يدوق ماكلتي 💙
درت بشـاميل كنت نحبه هـلبا ! وكان حتى عمار يحبه من ايديا ! ...
عمار شني ! شن تخرفي انتي .. خلاص انسيه وعيشي حياتك فتكيت منه ومن عيشته ..
لالا شن نقول اني ! بس مهما صار كان محترمني ومقدرني !
خلاص ياسلمى تعودي من الشيطان راك متزوجة توا
لين شميت ريحة حرقق حي عليا نسيت الكوششة
مشيت نجري طلعتها وانقدتها في أخر لحظـة
وتيت الصفـرة وساويت الطواسي وحطيت المشروب والعصير ؏ جنب .. وحسبت حتى امه بما انها قاعدة عندنا .. نبي نحسن علاقتـي معاها في النهاية أم راجلي .. بس نبي نفهم علاش ماحاولتش نحسن علاقتي مع أم عمار ؟ حتى هديكا ام راجلي وعكس ام سيف  هي محترمتني وتحبني بس صدق اليّ قال " الكلب مايحب غير خناقه "
مشيت ناديت ؏ سيف وعزوزتي وبدينا نتغدو ..
اني كنت ناكل بالشويا ونتبع في سيف بعيوني نبي نشوف ملامحه لو عجباته ولا 〥 ؟
لين قطعني صوت عزوزتي : مالحة بكل واني عندي الضغط حطت كاشيكها ؏ الطاولـة ومشت ..
نزلت راسي بحـزن وبكسرة !
تعبت ودرت هدا كله بعدها تقولي هكِ .. في النهاية الكلمة الطيبة صدقة 😔
جاني سيف قعمز بحداي ورفعلي راسي : مرتي الحلوة علاش زعلانة ؟ 💙
اني : 〥 شي عادي
سيف : نعرفك اني .. مادوريهاش امي المهم اني ولا ؟
اني بإبتسامة : اكيد انت الكل في الكل ..
سيف : خلاص معناها اني عجبتني وقاعد ناكل
باسني ؏ـلى راسي وفرحت بكل من كـلامه ..
بس تعرفو كنت ديما خايفـة من الي جاي .. وديما حاسة ان في مصيبة في الـطريق 😶..

كملنا غدا جو الخـدم رفعو الماعين وغسلوهم ، بخرت اني الحـوش ودرت قهوة اني وسيف وشربناها في الحـديقة .. لين فجئة جاه تاليفون وناض من حداي ولونه تغيـر !
كان يتكلم وصوته عالي .. قربت منه شوي نبي نسمع ونفهم الي صايـر ..
سمعته يقول : مش قتلك خودي حبوب منع الحمل ؟ فرخ حرام توا من يرضا بيه ؟ امشي ديري عملية إجهاض ومادخليش فيك ..
رجعت لمكاني ودرت روحي طبيعية ! بس من داخل نار تاكل فيا ..
رجع خدي مفاتيح وجي بيطلع
قتله : خيرك شن في
قالي : مافي شي حبيبي ماتشغليش بالك باسني ؏ خدي  وطلع ..

من لما طلع واني ندور في الحوش راسي وجعني من التفكيـر نبي حل لمشـاكلي ! نبي نرتاح ! نبي نرقد واني مرتاحة وفرحانة .. علاش ياربي بس علاش !😔
نلقاها من أمه الي مابطلتش هزايب وعرايـك ولا منه هو الي كل يومين قصة جـديدة ...

-------

عنـد عمـار بدي يمشي لـ الشركة وبدت تتحسن وترجع أحسن من الأول ... 🤍
وفـرح هلبا ، علاقته تحسنت مع ابرار بس قاعدة سلمى في باله ..

" نصيحة مني ، أمتا تكونو كيف طالعيّن من علاقة ! والعلاقة هادي كانت تعنيلكم هلبا .. حاربتو فيها هلبا .. عانيتوا ، حبيتو بعض ...،
خودو وقتكم ..
ماتحاولوش تخشو في علاقة تانية لـغرض النسيّان !
لأن ببساطة مش حـ تنسو .. حـ يزيد عدابكم .. وتعدبو الطرف التاني الي ماعنده ٲي ذنب في هدا كله ...☁️

روح عمار من الخـدمة مُنهك او وجهه مرهق او وضاح عليه التّعب ..
كان ماعنداش نية يروح للحوش لأن كان يحساب حـ يلقى من أبرار نفس تصرفات سلمى ..
وجه عابس .. نكـد .. مشاكل .. عياط .. هدا الي كان يلقاه من سلمى
بس لما فتـح باب حـوشه ، لقاها مـبخرة وريحة الغداء فايحـة 🤍 او وجه أبرار مُبتسم مليان حُب
صغاره يلعبو ومبسوطيّن وهني عـرف الـفرق بينها وبين سلمى ..

شوي وطلع جاب أم ابرار وأمه يتغدو معاهم ..

مر الـوقت وجي الليـل ..🖤
خش عمار يدير دوش ، ᓅ أستغلت أبرار الفرصة ولهت في روحها .. لسبت روب أحمـر قصير وطالع ؏ جسمها نـار 🔥
دارت مكياج بسيّـط وخلت شعرهاا مفتوح .. وكان أسود زيّ سواد الليل 🖤

ـطلع عمار وكان ينشف في شعره .. أنصدم لما شافها وقعد يشبحلها ومركز في تفاصيلها ..
قربت منه أبرار ولصقت فيه .. ومررت يدها ؏ خده
وهني عمار ماقـدرش يقاومها وباسهـا
وطلعت منه كلمة نحبك يا أبرار ..
أبرار نصدمت كان أول مرة يقولها ... : كييف ؟ شن قصدك بيها
عمار جبد ابرار ليه وقال : مش وقته الكلام هدا نبيك تـوا 🤎..

وطبعاً زي العـادة صكرو الباب في وجهي !🤸🏼 سادكم 🤣😂

‏يجفُو وأغفرُ ذنبهُ من بَسْمةٍ
‏وجهٌ كنورِ البدرِ كيف يُلام؟..

تعالـو نحكيلكم ؏ خـو أبرار .. بعد التحقيقات وطلـع هو سبب الحـريق وحسب ما قال أن لما تلاقا معاه في الحوش قاله مش ح نكتب الحوش ؏ أسمك ح يقعد بالنص وخود حقكك ! بعدها تعصب مُحسن وحرق الحوش بالي فيه وصكر ؏ـلى بوه في الدار باش يختنق  ..

الفـلوس تعمي القلوب راه ..

تـاني يوم الصـبح " عندي اني " 🤍
كان المفروض يكون صباح مُشرق وجميل بس ماكانش هكي للأسف !!
فتحت هاتفي لقيت رسالة من رقم غريب ! مش مسجل عندي مكتوب فيها " تعاليلي في مقهى الـ ... لازم تعرفي حاجة مهمة عن سيف .. "
قلبي قعد يدق بسرعة جُنونية غسلت وجهي ولبست الي  لقيته قدامي وطلعت .. كنت حاسة انها مصيبة كبيرة ..
نزلت للمكان الي في المسج وقعدت نرن عليها
لقيت بنت تأشرلي .. فهمت انها هي ..
مشيت سلمت وكان وجهي اصفر
قعمزت مقابلتها وقلتلها : قوليلي شن في ؟
هي : خيرك مستعجلة .. ؏ العموم اني ....

الكـلام الي نحاولو نبلعوه في النهّـار , نغصوا بيه فِـي الليل .

يُتبـع ؛ 🖤

مـرة أُخري إنني أسفة على التأخير .. هُنالك حربٌ طاحنة بيني وبين نفسي ؛ أرجو منكم الدعاء لي بالتباث والقـوة 💜