الحلقـة 5
من أخبرڪ أن رُوحِي ثقِيلة ! ؛ لا يتعڪّر لـونُها ؟..
مرر أسبوع وجي يـوم العرس لبست قفطان ابيض بسيط وعادي ومكياج خفيف ركبت معـاه في سيارة فخمة الي ولا عمري ركبت فيها ولا كنت نحلم بيها
نشوف ونتفرج من بعيد بـس ... من الفرحة نسيت روحي اني مني نسيت أن عندي زوز صغار مَحتاجين حنان وحب أمهم .. نسيت أن كسرت قلب يحبني ولا درت حساب للعشـرة 👌🏻
بس كنت نحب نفسي بس ومش مهتمة بالأخريّـن
خشيت في عَالم تـاني عالم الملـوك ...
اول مادرس السيارة نزلت للحوش .. لا هدا مش حوش هـدا قصـر خشيت كان عَالم تاني
لقيت أمه مقعمزة استغربت بعدين قالي ان عايشة معاي اضايقت الصراحة ....
في مكـان تانـي كـان عمار شارب لين معاد يشبـح ويتخيل كيف نزفيت لغيـره وكيف مش ح نكون ليـهه .. يتخيـل في صغارنا من ليهم .. مصاريف الحوش ...
بعت رِسالة لـ أبرار انه تمشيلـهم وح تلقى المفتاح تحت الفرشـة ..
"مُنذ قليل ومن فرط الخيال وهوسي الشديد بك ، شعرت بأنني لمستُك" ...
بعد ساعـات من الشـرب والقهر قرر يروح بدي يخبط ع الباب بطريقة متقطعة طق .. طق
كان مش قادر يشد حيلـه بكلل
فتحت أبرار البـاب وطاح عليها ...
أبرار نصدمت وحست أنه شـارب .. ناضت وسنداته عليها ودخلاته للـغرفة وغطاته .. جت بتطلع شدلها يدها وقال : أبرار تتزوجيني ؟
أبرار ف هديكا اللحظة أنشلت في مكانها ومعاش عرفت شن ترد عليـه او شن موقفها ..
ترددت شوي وقالت : عمار انتَ مش بوعيك توا غدوا بأدن الله نهدرزو
عمار غمض عيونه : أني محتاج لحد يكون معايي .. وربي تعبـان ....
أنسحبت أبرار بعد ما حست أنـه نام ، خدت الصغار معاها وطلعت مشت لحوشهم كانو لاصقين فيهم ....
"وإن سألوه عن المُعجِزة قال عودتُها لي من جديد .."
تـاني يوم الصبـح
عندي انا نضت مـرتاحة وفـرحانة كأني اول مرة نتـزوج 🧘🏻👀
بس في نخصة ف قلبي تقـولي مش ح تتهني ..
زعما حق مش ح نتهنى ؟ بس شن ح يصير مععاي
تلفتت لقيت سيف مش في الغـرفة مشيت خديت دوش ولبست توتة مستورة نوعاً ما ع خاطر امـه 😶 ونـزلت فـرحانة بالقصـر وبالعيشـة 🔥
خشيت للكوجينة القيت زوز خدامات يديرو في الغدي حتى صباح الخير ماقلتها جو اني أعلى منكم .. عليك حالة وخلاص 🤦🏻♀️👌🏻
مشيت لعزوزتي صبحت عليها ردت بس مابتش تشبح لـ وجهي
تجاهلت وسألتها : سيف ويـن ؟
جاوبتني بكل حدة : سيف مشي لخدمته وين بيمشي يعني 🤨
أنصدمت كيف من أول يوم يمشي لخدمته وجعتني منه وسئلتها برضو : هو مش يخدم في محل تغليف الهدايا ؟
امه بتعجب : الرزق هدا كله بيجيبه من تغليف هدايا ؟ سيف عنده شركة كبيرة والمحل كان يبي يفتحه من زمـان لأنه يحب الجو هدا .. ولو سمحتي نبي نشوف مسلسلي معاش تقاطعيني ..
وجعني خاطري وركبت لـداري سكرت ع روحي ودرت رنة مرتين تلاتة لين رد
سيف بعصبية : خير امك انتي ؟؟ مش قاعد ف الشغل شن تبي منييي ؟
وصكر الخط ف وجهـي !! اهني أني نصدمت وبديت نتدكر أول يوم مع عمـار
نضت لقيته راقـد جنبي ومركز ف ملامحي 💛
أني بنت حلـوة وجسمي مُغري نوعاً ما !
ممكن كـانت شهـوة !!
او ممكن لقـاني عبيطـة وساهل ينضحك عليها ؟
...
" مـش عـارفة . ﮼كيف طاوعني قَلبـي نخـونه وهو گـان يدفي فيا فـ الصقع ويحرم فـي روحه ويعطيني "....
قلبي يوجع فيـا ، إحساس غريب ، غصـة ف وسط حنجرتي !!
عـنـد عمار ناض وراسـه صـداع ومتكسـرر
خش للحمام " أكرمكم الله " غسل وجهه وتوضى وطلع صلـى وبدي يدكـر في أمس وقداش شـرب وأدكر ان أمس كانت زفتي ! 💔
وأدكر أبـرار والصغـار
ناض وخدي مفاتيـحه وطلـع وكانت فكرة الزواج في راسـه ..
يُتبع
أنت تقرأ
خسـرته 💔
Romanceخسرته ح نطلعو من المألوف والحياة الورديـة والنهايات السعيدة ! كُل رواياتنا تحكي ع غدر الرجل بس مافيش روايـة تكلمت قـداش يعاني وقـداش من مرة أنغـدر ونخان !
