خسـرته 💔

11

الحلقة 11 🕊

يَاربُ قَلبي لم يـعُد كَافياً ..
لأن مَن أُحِبها تُعادلُ الـدُنيا ..
فضع ᓅـي صدري واحداً غيره ..
ليكون في مساحـة الدّنيا ..
حُبكِ يا عميقةَ العينينْ ..
تطرفوٌ ، تصوفوٌ ، عِبادههّ ..
حُبكُ مثل المـوت و الوِلادة ..
صعبٌ بأن يُعاد مرتيّن ..
عُدي ؏ـلي أصابع الْيدين ما يأتي ..
أولاً حبيبتي أنتي .. وثانياً حبيبتي أنتي
وتالثاً حبيبتي انتي .. ورابعاً وخامساً وسادساً وسابعاً وثامناً وتاسعاً وعاشراً حبيبتي انتي ...💋

#قصيدة_كِتاب_الحُب ..

عنـدي اني ..
فـي قلبي خنقة مايعلم بيها إلا الله .. دموعي مابطلوش بكل .. داكرتي تشتغل ماوقفتش  ..
شريط حياتي كله يمر قدام عيوني لين حسيت ب ماما خشت لـ غرفتي وقعدت واقفة ؏ الباب وقالت : حطيت الغدا ماتبيش تتغدي؟
أيي أم هادي ؟ معقولـة لدرجة هادي وصلت بيها ؟

هزيت راسي بمعنى 〥 مانبيش
واخيراً نطقت الجوهرة وقالت : خيرك شن صاير بينك وبين راجلك ؟
فرحت أنها سألت عليا حتى لو استكردتني في البـداية بس فرحت لما سألت ..
كنت نبي نجري ونطيح في حُضنها .. كنت نبيها تبوسني .. وتحاول أضحكني وتفرحني .. حسيت روحي وحـيدة .. مكان بـارد .. ماعنديش ٲჂ̤ صدر حنين ᓅ الدنيا .. حتى خواتي ماسألو

تعرفو شعور لما يبدو النـاس جنبك بس مافيش حد يحس فيك ؟ بس قاعدين يتفرجو من بعيد ..
ممكن حُب عمار الي كان معوضني ومحسسني با الأمان .. كان كُل همي الفلوس .. الفلوس توا عندي .. بس الأمان الي كان في قلبي يتلاشى شوي شوي ..

جاوبتها وقلت : طلع متزوج قبلي 3 ومطلقهم .. ولما عرفت تعاركنا وضربني
تعرفو شن ردت عليا ؟ ياريتك يا ماما سكتي .. ياريتك ماتكلمتيّش ..
قالتلي : ععادي هادي سُنة الحياة .. و البنت ماعندهاش غير حوش راجلها اقعدي اليوم غدوا امشيله روحي .. لازم تتحملي 😊

الطعنة الي جتني من ماما أقوى من طعنـة سيف ..
هـي الأقرب لـ قلبي ،.. هي ماما وحبيبتي .. هي حَياتي كُلها ..
أكيد كُل وحدة فيكم لما اطيح بيها تمشي لـ حُضن امها .. لما أطيح بيها  تلقا أمها السند ليها ..
لما تبكي تلقا امها تمسحلها ᓅ دمعتها ..

ماتلومونيش  أني بسس .. مش أني الوحيدة الي غلطت .. تربيت بـدون إهتمام .. بدون حب وحنية
حتى لما كنت صغيرة أول مانخش للحوش مانقولش وين ماما .. لأن بِبساطة مش حَابة تشوفني..

غطيت وجهي وتلفتت للجهة التانية وغمضت عيوني واني كامدة دموعي ..

‏لكنّ أيامي البسيطةَ كان يؤذيها القدر ..

-----

عَند أبـرار كَانت فِي حَالة مُزريـة .. خشت ᓅي صدمة كبيرة ..
عمار بحداها بس مش عارف كيف يصبرها ولا كيف يهديها
حضنها ويمسح ؏ـلى شعرهَا بحنيـة .. خلاص اهديي .. اهدي ياروحي
رفعت عيونها ليه : كيف بنهدى كييف ؟؟ قولي كيييف ؟💔
طق الباب وكانت خالت أبرار .. مشت ابرار تجري حضنتها بس الغريب ان خالتها مكانتش تبكي ..
خالتها : عظم الله اجرك في بوك ياروحي
ابرار مستغربة : و و ماما ؟؟
خالتها : امك بخير قاعدة عندي !
ابرار بصدمة : كيف بخير في راجل امبكري قال لـ عمار توفـو الزوز ؟
خالتها بإستغراب : 〥 هي تعبت شويا وكانت ᓅ المستشفى بس ماتوفتش ! اكيد بالغلط ولا تشابه في الأسماء
طاحت ابرار من التعب .. وبدت تعيط بقوة على بوها وفي نفس الوقت تحمد ربي أن امها بخير ..💔
مر الوقت ومشت ابرار شافت أمها وكانت في حَالة مُزرية من الحُزن والمـرض باين ؏ـلى وجهها
...