خسـرته 💔

14

الحلقة 14 ماقبل الأخيرة ...

تعرفو شن الي أحر من الـدموع !
الخنقـة الي تجيك في وسط حنجرتك ..
الدموع مش راضيـة تطلع .. تقعد تخنق فيكك بس

>>>>>>

جو كُلهم مع 8 وحطو العشا وهُما يتعشو طق الباب ! زعما من جييّ
ناض عمار وقال : مرات واحد من صحابي استنو نشوف ..
مشي عمار وفتح الباب لقاا منظر مُزرييّ فعلاً !! ..
تعرفو من ؏ الباب ؟؟ الي ؏ الباب انيي ! اي اني
سلمى !!
لما طاحت بيا مالقيت غير عمار نلجئله !!
تبو تعرفو شن صار معاي ؟؟
تعالو نحكيلكم شن صار...

>>>
لميت حوايجي كلهم في الشنطة وقاعدة نستنا فيهه
سمعت صوت الباب تسكر .. عرفته هوو
نزلت وكانو عيوني منفوخات من العياط !'
تعرفو شن شفت ! لقيت معاه بنتت !
بنت اول مرة نشوفهاا !
وهو سكران وريحته مُقرفة .. والبنت نفس الشييي
انهررت كُلياً وبدت عندي حالة هستيريا نبكي ونضحك في نفس الوقت ونكسر في اي شي يجي قدامييي
مر شريط دكرياتي بين عيونيي .. لما عمار سألته انت ممكن تخوني في يوم ؟؟؟
قالي انتِ العيون الي نشوف بيها ؟؟ كيف نقدر نخونك ؟؟؟!
بس صار العكس !! مش انت الي خنت ! اني الي خنت !' اني الي كسرت وهدمت مش انتَ ...
--
واني قاعدة نكسر في اي شي قدامي قرب مني سيف وعطاني كف .. يعني بعد الي داره زاد مد يده ؟؟؟
شبحتله واني حاطة يدي ؏ مكان الكف .. : كيف تجيك الجرأة تمد يدك بعد الي درته ؟؟؟؟
أبتسم إبتسامة حقيرة وقالي : انتِ اصلاً رخيصة ! شريتك بشوية فلوس .. وانت وافقتي !! اني  كنت حـ نلوحك زي مالوحت الي قبلك !
اني تعرفي علاش تزوجتك ! لأن كنت نبيك واكنت عارف انك مش حـ تخشي معاي في علاقة محرمة !
ف قلت خلي نتزوجها ونغريها بالفلوس مدام هي كُل همها الفلوس !!!! سألتك تتزوجيني وانتِ وافقتي بكل سرور .. انتِ كلبة فلوس هه ..

كلامه  صح ! اي صح .. اني الي درت هكي بيدي !!
بس وجعتني لما قالي كلبة فلوس .... مهما كان
كنت محرومة من حنان الأم.. انحرمت من قرايتي .. حسيت بالنقص طول عمري
ماكنتش نعرف كل هدا بيصير فيي !! اني صغيرة قاعدة !! علاش الدنيا كبرتني ميات سنة لقددام !

حرقتني  جملة " ‎ڪلبة فلوس " !! تنهيدة طوووويلة فيها الف حرف مش قادرين يطلعو ..

من قوة الكسرة رديتله الكف .. بكل قوتي .. رغم اني في هداكا الوقت ماكنتش قوية .. ‎ڪنت هشة زي المارشميلوو ..

بعدها شدني ليه وبدي فيا ضرب بكل قوته .. تخيلو معاي قوة الراجل كلها ... وهو يضرب في كأن ضعيف ..
نسيتو وصايا الرسول صلى الله عليه وسلم  ؟؟ " أوصيكم بالنساء خيراً ، أوصيكم بالنساء خيراً ، أوصيكم بالنساء خيراً "

اااه والف اااه مني ...
بعد مافش غله طلقني بالتلاتة ولوحني زي الكلبة ؏ قولته قدام الباب .. وحوايجي مشركات علياا وبدون حجاب .. كنت نبي نستر روحي بس
طلعت ودموعي ينزلو ماوقفوش .. وشهقتي الي قريب تقتلني .. مش قادرة نتنفس ...
يارب دَلني ؏ـلى الطريق الصحيح .. نبي نرجع لحياتي الي ماكنتش نحبهها !!!
شن يرجعني ليها تواا !! شن ينفع الندم ؟ شن ينفع لكلام والدموع ؟؟
واني في نص الطريق وقفتلي سيارة فيها راجل كبير : انتي بخير يابنتي ؟؟
كأني كنت نستنا فيها " انتي بخير "
صدقني مش بخير ابداً .. اني ضايعة .. ارجوك خودني من هني .. خودني لحوش عمار .. هو الي يقدر يساعدني
قالي به بس وين حوشه عمار
ركبت معاه ووصفتله الحوش
واني منهارة كُلياً ... مقعمزة ومتكية راسي ؏ الروشن ودموعي ينزلوو 😔
الراجل ماحبش يتكلم ولا يسألني شي بس فتح قرآن وجت أية " ولاَ تخافِي ولا تحزني "
حسيتها كأنها موساة ربانية بعد كل الي درته ..
ربي يبي يقولي ان اني معاك مهما درتي 😔💔

وصلني الراجل ومهما تشكرته وقلت في حقه قليل 🤍... لتوا مش حننسا جميله عليااا ..

مشيت ومعل خطوة يثقل جسمي اكتر .. ‎ڪنت خايفة من درة فعله وردة فعل ابرار ..
لقيت هلبا سيارات مدرسات ..الحوش تغير شكله دارله صيانة ..
طقيت الباب واني راسي لوطا خايفة ،خايفة مووت

فتحلي عمار وأختفت البسمة على وجهه .. او واضح عليه تعابير الصدمة !!
بس الي لاحظته ان لمعة عيونه لما يلمحني اختفت
قعدت عادية جداً ....
زاد خوفي أكتر ... خايفة يلزني حتى هو بس 〥 مستحيل ! عمار مش زي سيف الحقير ... عمار مختلف تماماً عليه ...

عمار : سلمي شن فيك ؟؟ ان شاءالله خير 😳
اني : تعرف يا عمار لو يرجع بيا  الوقت ،  مكنتش حـ نمشي ونخليك ! ماكنتش حـ نبدلك بالفلوس صدقني !! عادي تردنيي ؟؟ نكون خدامة عادي بس خليني معاك !! اني مالياش غيرك ولا ح يكون ؟؟
رديني ليكك 😭😭

"- م عاد لي في هالزمن حظ واحباب
الأمل ماخوذ والبقى في حيآاتي !."

،......
زعما عمار حـ يردها !!! ؟؟؟
شن تتوقعو انتو ؟؟؟
اكتبولي تحت شن توقعاتكم ،. 🖤
أستنوني غدوا في الحلقة الأخيرة 🖤

يُتبع ..🥺