«لـــو!»✔️⁩

" ٧. Missed ."

" Missed ...💔🥺"

كتبتها ورد في الشات ، و زيـن بقاله أكتر من أسبوع مش بيفتح و لا تعرف عنه حاجة ..

وحشـهـا أوي ، بطريقة غبية و غريبة عليها ، و في اللحظة دي بس ، حست إن حُبها للولد اللي معاها في الجامعة ده كان محض مُراهقـة ، مش أكتـر ..

استنته يفتح و مفتحش ، فـ بعتت تاني و هي تكاد تعيط " ع فكرة إنت وحشتني بطريقة غبية أوي ..💔💔"

و قفلت فونها و حطته ع السرير و قامت تحاول تذاكر ، بس بالها مشغول بيه و قلقانة عليه ، قفلت الكتاب و حطت وشها عليه .. و عيطت .

____

ع الناحية التانية ، زيـن فونه كان مع والدته الفترة دي كُلها ، و هو سافر عند ورد بلدها يكمل شُغله و فكّر فونه وقع منه في المواصلات ..

و بعد أسبوع لما خلاص وحشته و اشتياقه ليها عظُم ، خد نفسه و راح عندها ..

الساعة كانت 4 و نص بعد العصر ، و كان يوم إتنين ..

راح و خبط ع الجرس ، ورد قامت مسحت دموعها بتكاسل و عينيها حمرا .. حطت طرحة بإهمال و لبست عبايتها و نزلت تفتح البوابة منغير حتى ما تسأل ، أكيد مامتها جات بعد ما اشترت مُستلزمات المطبخ ..

فتحت البوابة ، و بتبص ع الأرض لقيتها جزمته ..

" زيـــن ! " نطقت بصدمة .. و عينيها طلعت تلقائي تمسح وشه اللي وحشها ، و شافت لمعة في عينيه اتمنت تبقا بسببها و متنطفيش أبداً ..

" وحشتيـني يا ورد ! " قالها بـ حنين و شوق هي حستهم من نبرته ..

و تلقائي لقيت نفسها حاضناه و بتعيط ع كتفه ..

" وحشتنـي أوي ! ، مردتش عليّا كل ده ليه ؟ " كانت بتضرب ع ضهره بعتاب ..

هو بعدها عنه و مسح دموعها و قال بحنان " فوني وقع في المواصلات يا وردي و الله "

" إزاي و إنت كنت بتشوف الماسدچز و كنت برن عليك بيعطي جرس ؟! ، لو فونك اتسرق ع الأقل هيتفرمت و الشريحة هتترمي منه ! " كانت بتقول بـ خوف ، و عينيها في عينيه بـ شوق و لهفة باينين ..

و في اللحظة دي زيـن اِستوعب مامته عملت إيه ، نفضها من دماغه دلوقتي و هو بيقول " طمنيني عليكِ ؟ ، عاملة إيه ؟ "

" زي النيلة لحد ما شُفتك بقيت كويسة " ، سكتت شوية و بعدين استوعبت هي قالت إيه و عضت ع شفايفها بـ خجل بيّن لـ عيونه ، اللي حستهم بيحتوها بـ حنان الدُنيا ..

" و أنا كمان بقيت كويس أوي لما شُفتك .. " جاوب بالمثل و هو بيحاول يشيل حرجها عنها ..

" ماما مش هنا و لا حد هنا ، مش هينفع تطلع فوق " قالت بـ خيبة و هي بتوطي رأسها بـ حُزن ..

" مش مهم يا حبيبتي ، المهم إني شُفتك و اتطمنت عليكِ ، و أول ما أشتري فون جديد هبعت لك الرقم أول واحدة " و باس جبهتها ..

" خُدي بالك من نفسك " قال بـ حنان .

" و إنت كمـان " قالت بـ زعل و هو بيمشي ..

سابها و مشي ، بعد ما علّق قلبها بيه زيادة ..

و هي طلعت تكمل عياطها تاني ، متعرفش بتعيط ع قلبه اللي عمره ما هيبقا ليها و لا ع قلبها اللي حبّ واحد مهما صلحت فيه هيبقا مكسـور و مش قادر ينسـى ؟!

____

بتاريخ : 3 ينايـر لـ عام 2020 ..

___

Caramell ..🌻