/Дууссан/ 👑 KINGS 🔹S2 👑 [ 🐺 Wolf Totem 🐺]

8. Эрдэнэ

"үүний төлөө л би танд хаан гүнж хоёрын нууцыг дэлгэсэн байхаа" хэмээн шүд зуун хэллээ.

Кай дээш босон түүн рүү ойртоод "Дори! бүгдийг өөрөө хийсэн юм шиг аашлах хэрэггүй. Чи хэлээгүй байсан ч би ихэнхийг нь мэдэж байсан" хэмээн хөмсгөө өргөлөө.

Дори "гэхдээ гүнж үхэх юм бол хаан үхнэ гэдэг нууцыг та гадарлаж байсан ч яагаад гэдэг учгийг нь тайлж чадаагүй биз дээ? баттай үгүйд нь эргэлзэж байсан биз дээ? би л танд хэлж өгсөн. Би зааж өгсөн. Миний хүссэн зүйл ердөө л тэдний үхэл байсан гэтэл гүнжтэй гэрлэнэ гэсэн үү? яагаад?" хэмээн нэлээд бухимдсан байдалтай асуулаа.

Кай эргээд орон дээрээ суугаад "яаж тэд нэг амьтай болсон талаар ярь, дөнгөж төрөхдөө тийм байсан юм уу?" хэмээн асуулаа.

Дори хөмсөг зангидан "та ална гэж амласан гэтэл алаагүй, одоо танд юу ч хэлэхгүй" хэмээн зөрүүдэллээ.

Кай инээмсэглэн "өөрөө л мэд, чи хэлэхгүй бол охиноо хэзээ ч олохгүй байх. Чиний охиныг олж өгч чадах цор ганц хүн би гэдгийг мартаагүй биз дээ?" хэмээн асуулаа.

Дори нэлээд бухимдсан харагдах ч санаа алдсаар хааны өмнө суугаад "тэр үед. . . "

Өнгөрсөнд:

Хааны хатан төрж байгаа тул ордон даяараа хөл хөдөлгөөнтэй болж хатны өрөөнд хаан болон хэд хэдэн шивэгчид, эх барагчид, анагаагч шидтэн нар байв.

Хатан урьд өдрөөс нь эхэлж өвдсөн боловч одоо ч төрөөгүй байгаа нь хүмүүсийг хангалттай ихээр сандаргаж байв.

Хаан "юу хийцгээгээд байгаа юм? яахаараа хатан одоо ч төрөхгүй байгаа юм?" хэмээн бухимдсан өнгөөр асууна.

Бүгд л айдас дүүрэн хатныг төрүүлэх гэж хичээж байлаа. Энэ түгшүүртэй байдал дахин хоёр цаг үргэлжилсний дараа хатан арай гэж амаржлаа. Хэний ч төсөөлж байгаагүй ихэр хүүхдүүд.

Бүгдийг гайхшруулж бас баярлуулсан үйл явдалтай давхцан дөнгөж төрсөн ихрүүд амьгүй мэт огт амьсгалахгүй болчих нь тэр.

Ихрүүд амьсгалахгүй зүрх нь цохилохгүй байна гэх мэдээнд хатан ухаан алдаж хаан галзууртлаа уурлалаа.

Нэг биш хоёрын хоёр үрээ нүдэн дээрээ алдах хэнд л амар байв гэж дээ.

Хаан "АНАГААГЧ НАР ЯГ ОДОО АЖЛАА ХИЙ, ТЭДНИЙГ СЭРЭЭГЭЭД ӨГ, ЯМАР НЭГ ЮМ ХИЙГЭЭЧ ДЭЭ!!! ХАР ЦАГААН ШИД ЮУ Ч БАЙСАН ХАМААГҮЙ ТЭДНИЙГ СЭРЭЭ!!" хэмээн ориллоо.