قصه ((روح الطفولة))

Part 1

قصة ((روح الطفولة))

#الكاتبة_نمارق_الاسدي

Part 1

رائد:صباح الخير ماما ..
.
صباح :صباح النور حبيبي ..وينها مرتك 😒...
.
رائد: هسه دتبدل وتجي...
.
صباح: يله بسرعه نلحك نحجز مكان مال الصيد ...
.
رائد: حبيبتي ريم يله بسرعه ...
.
ريم: يله جايه جايه ...صباح الخير عمه 🙂 ....
.
صباح:هله 😒..يله بسرعه تريكوا علمود نطلع ...
.
رائد: يله كوموا مدام خلصنا ....
.
ريم: اوك حبيبي ....
.
صباح: اني بره انتظركم ...
.
راحوا للصيد ..وصلوا الى هناك كعدوا ورتبوا كعدتهم ..
.
صباح: يله رئودي ماما كوم خلي نروح نصيد ..وانتي ابقي هنا يم الغراض ..
.
ريم: اوك عمه ...
.
رائد: ديري بالج على روحج حبيبتي ..ضلوا يمشون الى ان أخذت صباح موقعها ورائد اخذ موقعه علمود...
.
يصيدون ...وجهت صباح القناص على ريم ورمت على ريم طلق حقيقي ترست صدرها كله طلق وما انطتها فرصه حتى تتشاهد .....
.
بعد ما خلصت الطلق الي حاطته بالقناص وكامت ونفضت نفسها ..وهنا رائد انهار وما مصدك الوضع وكام يغلط على امه الي ربته وتعبت عليه .....
.
يحجي ويبجي رائد : ولج ليش هيج بشنو اذتج الله لايوفقج حرام عليج يا حقيرة يا حقودة ولج انتي حتى حفيدج قتلتي ماعندج رحمه بكلبج الله ينتقم منج يا حقيرة ....
.
اتصل رائد بالشرطه بس صباح جانت واكفه بمكانها محركت ساكن ..اجت الشرطه بس بعد شنو الي يفيد خلص ماتت ريم والطفل ..
.
.
.
.
______
في مكان أخر:

اليوم كعدت من الصبح عندي لعبان نفس وبطني توجعني وهذا الغثيان الي عندي صايرله اسبوع عندي واحجي ويه أياد يكول عادي مابيج شيء....
.

بس اليوم من كعدت الصبح لا ذبيت من راسي كل اكل مال البارحه و دوخه قويه من شافني اياد بهاي الوضعيه اخذني بسرعه للمستشفى وياه راسن اخذني على قسم التحليلات وحللت بسرعه على اعتبار اياد دكتور معروف هناك ....
.

بهاي الاثناء اتصلوا عليه من المركز صايره جريمه قتل بساحه الصيد بين الجنه والعمايه قبل يوم ويروني كلتلهم هسه عندي شغل اخلص واجي الكم كلت بداخلي شنو من يوم هذا ..وهناك صاحوا اسمي بالتحاليل ...
.

الممرضة: المريضه أمل علي طلت تحاليلج ..
.
أياد: شكرا عاشت ايدج ...
.
الممرضة: ولو تدلل دكتور اياد ...
.
إياد: اموله حبيبي تعالي بغرفتي خل نشوف التحاليل ..
.
امل: ديله امشي ...
.
فتح اياد التحليل...والله ميته من الخوف ما بيه حيل احد هنوب اياد فتح التحليل وانصدم اني من يمي كمت ارجف وخفت انصدمت كتله ....
.
امل:الله عليك اياد شبيه اني حباب لتخوفني ..
.
اياد(حضن امل): ولج حصيرين ام واني حصير اب
امل بصدمه: شنو اني وانت ..
.
اياد: ايي يعمري واخيراً رح يطلع لحبنا ثمره هاي السنين مال حبنا...
.
امل..من الفرحه كمت اكمز واصفقك لان صدك حلمي انو اصير ام وعندي ونونو بس اياد ضل يصيح ..ولج اكعدي لتكمزين لا تاذين ابني ...
.
امل:هاااا من هسه كمت تفرق بيني وبينه على العموم اني رح اروح للمركز لان عدنا جريمه قتل اروح اشوف واجي ..باي حبيبي...
.
اياد: اي روحي بس لترهقين نفسج واني رح ادز واحد من الحمايه يجيبج لان اخاف عليج ...
.
امل: اوك براحتك .....اني بالطريق رجع فكري شلون حبيت اياد حب عمري الاول والاخير ....
.
طبعا اني امل اكيد سامعين بأسمي امل علي بنت النقيب علي والمحققة سهام يعني اني والدتي ست سهام اني كلش حبيت مجال امي وابويه وجنت اتأثر بالقصص الي اسمعها من ماما تولدت عندي روح الاستفسار من اي شيء ..
.
كل شيء اشوفه احب استفسر واحكم يله اتصرف بالشيء وحبيت انمي هاي الشغله عندي وماما وبابا هم ساعدوني انو اطور من نفسي ...
.
خلصت السادس الاعدادي هنا بالعراق بعدها بابا كال اطلعي للخارج يم ابن عمج ادرسي (محققه نفسيه)لان هنا بالعراق ماكو هذا المجال فطلعت للخاج يم ابن عمي الدكتور اخصائي امراض قلبيه وجراحه الدكتور اياد .......يتبع
.
.
.
.
.
.
سلام يحلوين رجعت الكم بقصه جديده ..واكيد مرح تخلص من تحقيقات 😂...احبكم جميعاً ..وتصبحون عخير ..وهاا عفكره هذا سردي بالكلام قصير افرق عن الكاتبات الباقيات ..احبكم 💖😍🌷