ورجعت الكم بقصة ((روح الطفولة))
#الكاتبة_نمارق_الاسدي
Part 5
صباح : بعد ما رحت وخطبتها اله ...وتم كلشي على مرضاتي ...وازوجوا بس ما خليته يطلع بيت وحده خليته يمي بالبيت ..
كلش حاولت انو احبها لزوجته بس ما اكدر ما اعرف ليش ما حبيتها حتى هيه ابد ما فد يوم اذتني بكلمه او جرحتني بشغله كله خالاتي وحبيبتي ....جانت من اعصب تجنبني ....
وهم صارت الشغله الي جنت خايفه منها انو تطلع ريم زوجه ابني رائد (حامل) هنا جانت الصدمه القاضيه عليه راسن كلت خلص راحت مكانتي مدام اجى ابنه رح هو الي يصير الكل بالكل بوقتها ضليت اسبوع بالمستشفى لان صارت عندي مرضه كلش قوه ....
صرت زينه من المرضه وكمت منها بسلامات ...خططت خطة الصيد انو نروح لهناك اني ورائد وريم لصيد ورائد يدري بيه احب الصيد لان ابويه وجدي علموني من جنت صغيره ابد ما بينت لهم خطتي ومن شفتها كاعده وحدها بديت ارمي عليها طلق حقيقي ...
جنت ماخذته ويايه مجمعته من رائد ماخذه من صديقه ...وبعدها اجت الشرطه وجابوني الى هنا وهسه اني يمج ......
امل ..ضليت ساكته لمده ٥ دقائق هدوء المكان وكلت : زين هسه انتي مرتاحه لمن كتلتي ريم وابنها الي هو حفيدج
صباح: اي مرتاحه وكلش هم
امل: زين وابنج رائد مفكرتي بي
صباح: ابني رائد جبير يعرف يدبر روحه
امل: زين مفكرتي بهاي الكلمه قبل لا تكتلين زوجته وابنه
صباح: فكرت وهم كلت ابني قوي وجبير ويعرف يدبر روحه
امل: الله يكون بعون ابنج ....
وعفت الغرفه وطلعت واخذت اقوالها ورحت على المحقق وكتله : سيدي اني رح اخذ اقوالها لدكتور نفسي صديق الدكتور اياد وان شاء الله اجيبلك النتيجه عن قريب ..
المحقق: الله وياج ست براحتج ..مع السلامه ..سلمينه على الدكتور
امل: مع السلامه ..يوصل ان شاء الله
طلعت من المركز كلش مختنكه حسيت روحي اريد ابجي ...وصدك بجيت بس ما اعرف ليش بجيت ....اني عرف الي بيها بس حبيت اعرض حالتها لصديق اياد ...
اتصلت على اياد علمود مكان صديقه دكتور امراض عقليه ..ودلني اياد على عيادته اخذت اقوالها ورحت اله وسولفتله على حالتها وكلشي بحقها ...
وهم اكد تقريري و وقع عليه لان لازم ينعرض على اكثر من دكتور نفسي ..اخذت التقرير ورجعت للبيت وراسن نمت من التفكير وكلش ارهقت نفسي هاي الفتره وخفت على ابن كلش ...
.
صار ثاني يوم تريكت واخذت تقريرها ورحت للمركز وبوجهي على المحقق وقدمت التقرير اله وجان محتوى التقرير الطبي هو :.....يتبع .
.
.
.
.
.
.
.
.
انتظروني بالبارت القادم من قصة ((روح الطفولة))احبكم 😘😍😍 يله خليت تشويق اليوم للتقرير الطبي ..فديتكم 😍😍😚😚
أنت تقرأ
قصه ((روح الطفولة))
Actionالتعلم في الصغر كلنقش على الحجر ... . . هذه المقوله كانوا أجدادنا القدماء كثيرا يرددوها .... . . وفعلاً انها مقوله معبره ... . . واساس بناء شخصية الطفل هو اهله ... . . كيف اذا كانوا هم اهله لا يتقبلوه .... . . ورجعت الكم بقصة جديدة متخلى من التحقيقا...
