قصه ((روح الطفولة))

Part 3

ورجعت الكم بقصه ((روح الطفولة))

#الكاتبة_نمارق_الاسدي

Part 3

امل: زين غير اكو سبب يدفعج لقتلها

صباح: يابه صدكي هيه تستاهل القتل

امل: ماكو شخص يستاهل القتل اذا مو مأذي ..زين انتي شايفتها تاذي احد

صباح: دا اكول هيه تستاهل القتل ولتضلون تلحون خوش تعبت اريد انام

المحقق: اوك ..حخليج تنامين بس تعترفين

صباح: يا بوية الله كريم خل انام وعود افكر بالاعتراف يله بسرعه ...

امل ...بعد مرور اسبوع كلشي ما كالت خطيه المحقق كلش تعب وياها كل اجوبتها جانت ..

حيل تستاهل القتل طبها مرض ....اخر شيء طكت روحي منها فكرت ويه نفسي ليش ما اسويلها جلسات علاج نفسي يجوز تطلع مخبله ..

اي احتمال تطلع فرحت على الضابط
امل: سيدي ممكن اقترح اقتراح بلكي يجيب نتيجه ويه المتهمه صباح

الضابط: تفضلي شنو هو

امل: شوف شيدي اني هنا رح اسويلها جلسات علاج نفسي على اعتبار اني دارسه علم نفس فرح اجيب ادواتي هنا وابلش وياها علاج نفسي من بعد اذن حضرتك ..

الضابط: والله خوش فكره لان هاي كلش دمرتني كلشي متقبل تعترف

امل: شوف سيدي من المحتمل انو تطلع مخبله مختله عقليا لذالك كلت اجري عليها هاي التجربه وياها ..

الضابط: بلشي ست امل واحنا كلنا وياج

امل ...بلشت بموضوع قضيه المتهمه صباح وبدات تجهيزات غرفه المعالجه النفسية تقريبا اسبوع وخلصنا التجهيزات وطلبت من الضابط يجيبلي المتهمه صباح للغرفه ..

بعد مجابوها كعدتها على كرسي وشغلت الأجهزه وبديت اسئلها
امل: صباح سولفيلي قصه حياتج من اول ما انولدتي لحد هذا اليوم منو اهلج اريد اسمع كلشي عن حياتج ..

صباح:ليش تردين تعرفين بلا زحمه

امل: حبيت اساعدج ..تكدرين تثقين بيه واكون كد الثقه علمود اساعدج ..

صباح : ماشي رح اسولفلج قصتي ...
.
.
.

...اني اول حفيده للعائله من اهل ابويه واهل امي جانوا كلهم محرومين لان امي وابويه تاخروا بالانجاب فجانوا محرومين من الاطفال ابويه جان وحيد اهله وخوالي وخالاتي جانوا صغار يوم الي اجيت لدنيا صرت اني الاميره كلشي جابولي بس ائشر على شيء يجيبوا الي ...

حتى جدي ابو ابويه كلش جان زنكين ومعروف واله كلمته و وزنه بالمجتمع فكلشي انطاني من املاك وفلوس وذهب ما حب قلبي واشتهى ...

وفجاءة بيوم وليله يتغير كلشي يصير عندي منافس بحياتي يوم من الايام جان عمري اربع سنوات طلعت امي حامل مره ثانية ..مرت فتره الحمل مال امي واجى ولي العهد على كوله جدي الي هو اخويه ...

وفجاءة ونزلوني من هذا العرش الى قسم الخدم وصعد بمكاني اخويه ...صار اخويه هو الكل بالكل هو اخذ مكانتي بقلوبهم وحياتي وعزي ودلالي ....

صرت اني المنبوذه اي شيء اسوي اتحاسب عليه عكس قبل ما يجي اخويه صرت اكره هذا الكائن الي اخذ هذا العز والعرش مالتي ودلالي ...

صرت احب افتعل المشاكل وياه في سبيل اذي اله وارجع مكانتي لنفسي ..مره شفته ديبجي جان عمره سنه حبيت اخذه واشيله عقل طفله بعد وغيرانه من اخذته وشلته مسيطرت عليه...

وكع بالكاع اني وياه وضل هو يصرخ من البجي مالته على اثرها اجت امي .......يتبع .
.
.
.
.
.
.

انتظروني بالبارت القادم من قصة ((روح الطفولة)) احبكم 💖😍..واعتذر البارحه منشرت لان جان النت مو زين يمي 🌹🌹