قصه ((روح الطفولة))

Part 6 The End

ورجعت الكم بقصة ((روح الطفولة))

#الكاتبة_نمارق_الاسدي

Part 6 والأخير

امل : جان محتوى التقرير الطبي : ((اكد الطبيب (...) والمحققه النفسية (امل علي) بأن المتهمه (صباح...) تعاني من مرض نفسي عندما كان عمرها صغيرا ...وذالك لانها تعرضت الى الاذيه والتعنيف الاسري في سنها الصغير ))...
.
.
.
المحقق: صدك ست امل شلون اكدتي هذا الشيء

امل: اي سيدي هيه من جانت صغيره اهلها تعاملوا وياها بشكل غير نظامي يعني مو صحيح ادى الى ان يصيبها مرض نفسي او عقده نفسية من انو احد ياخذ مكانها بكل شيء

المحقق: والله عاشت ايدج ست ان شاء الله نعرض هذا للمحكمه وتطلع الترقيه مالتج

امل: شكرا سيدي ..بس اريد اخذ اجازه منا لحد يوم المحاكمه لان اني كلش تعبت ومثل متعرف اني حاليا حامل وباشهر الاولى لازم ارتاح ..

المحقق: تدللين ست عادي باجر خل يتفضل الدكتور اياد وياخذ اجازتج

امل: شكرا سيدي ..رح نزحمك ويانا ..صارت زحمه ..مع السلامه

المحقق: الله وياج ست ..تدللين

__________

امل..بعد ما رجعت للبيت كلش هلكانه وجان اياد عنده خفاره يعني يبات بالمستشفى فبقيت بس ويه الحرس هم زين لان اخاف وحدي ..

وتحدد موعد المحكمه بعد شهر لان اكو قضايا هواي ..مر الشهر واني اخذت فحص وصرت بالشهر الثالث لان اني من صار عندي الوحام جان شهر ثاني عليه ...

وصار موعد المحكمه واني كعدت الصبح من وقت علمود الحك عليها للمحكمة ..وصلت للمحكمة بعد مناكر طويل اني واياد لان ما قبل الا ويايه السائق ..

وصلت لهناك ودخلت لان عندي هويه المحققه ...بعد ما سمعوا الشهود وشاف القاضي التقرير الطبي الي اصدر بحق المتهمه صباح ..اصدر القاضي الحكم :
.
.
القاضي: يحكم على المتهمه (صباح...) بالجسن لمده 7سنوات في المصحه العقليه وذلك نظراً لتقرير الذي قدم بحقها بانها تعاني من امراض نفسيه ....

وبعد المصحه العقليه تحكم بالسجن لمده 7 سنه في السجن العادي وذلك لانها متهمه بالقتل عمداً ..مع سبق الاصرار والترصد .....رفعت الجلسه ....
.
.
.
امل: كلش ارتاحيت لمن حكم القاضي بيها 14 سنه سجن لان الصراحه كلش انقهرت عليها اولا لانها ضحيه اهلها وثانيا تبقى مهما يكون ام ...

بعد ما صارت المحكمة صرت تقريبا كل فترة اتودد عليها واسئل عليها بالمصحه العقليه ...واني هسه حاليا منتظره النونو بفارغ الصبر اني واياد ..

وتحياتي الكم ((المحققة النفسية ؛امل علي))

الى هنا وانتهت القصه ...

_________________

العبره من القصه: لا تعاملون الاطفال بكل يوم اسلوب لان بهاي الحاله رح الطفل ميعرف الصح من الخطا او بمعنى اصح يصير عنده انفصام بالشخصية لان مهما يكون يبقى هذا طفل ...واي تصرف يصدر منكم حيأثر بنفسيته لان اكو مقوله حلوه ((التعلم في الصغر كلنقش على الحجر))
يعني اي شيء تعلموا لاطفالكم في سن صغير رح يبقى وياهم لمدى الحياه لان الطفل يحب كل شيء يتعلمه ..لان من طبع الاطفال فضول ...
.
.
.
.
.
اتمنى وصلت العبره الباقيه ..ويا رب تعجبكم القصه ولا تنسون لايك وتعليق احبكم😘😘😍😍...
.
.
.
كانت معكم #الكاتبة_نمارق_الأسدي
.
.
انتظروني بقصه جديده ...من قصص بقلمي انا الكاتبة نمارق الأسدي 😘😘😘😍😍😍😚😚😚