#مجبر_على_الزواج "1"
#الحلقة_الاولى ...
قراءة ممتعة 🌚💛
اول حاجة نعرفكم اني اسمي تالا ماشي فيا تامي مواليد 96 💛 نقراء اقتصاد وووحدة مانحبش لقراية ولا نعرفلها طريق 🚶 المهم ماعلينا 💁 مخطوبة لي #عبد_المهيمن شكلي قصيرة وجسمي مليان شوية بيضة وشعري اسود 🔥(احييييييهـ محلاني😳💗) عندي 3 خوات
ريهام مواليد 94 ، رنا مواليد 99 ، و رولا مواليد 2009 ،
امي فاطمة صعبة هلبا وماعندهاش الريح وين أدور
بوي صلاح حنين معانا هلبا مش زي امي الا وقت ترقالهـ🙂 ،،
،،
والباقي كلهـ تعرفوهـ في الرواية 🌚💜
نبدوا ع بركة اللهـ ...
ماما : تاااامي يا تااامي
اني :نعمم
ماما :تعالي جاي
اني :ماما مَش فاضية
ماما :قتلك تعالي جاااي توا
اني :بصوت واطي نهااااري احرف واااگ
ماما : شن توتوتي..؟
اني : نتكلم بروحي مع روحي ☹️ نعم
ماما : غسلتي لحوايج
اني : بِسْم الله اما حوايج 😳
ماما : حذفتني بشبشب الي في الغسالة يا حمارة 😠
اني :مش عليا لحوايج يا ماما واللهـ على رنا😭
ماما :شنهوااا😠
رنا :نزلت تجري زي الشطان اعوذ بالله منها 🌚 ماما تكذب امس اني درتهم قدامگ
اني :اللهـ ياخدگ حبيبتي رنا
ماما :خليها خليها تكذبي عليا اني 😠
اني :تي غلطت بنقول ريهام 🌚
ماما :تجي تقرصني بلا كذب بالگ تحسابيني وحدة من صاحباتگ 😠 امشي يلا قدامي توا ديرهم
اني :ربي ياخدني وريحني من هـ العيشة بس 😭
رنا : لكن ماما على ريهام راه 🌚
ماما :سكري فمك بلا كذب الْيَوْمَ دورها
رنا :توا مش هيا الأحد الي فات خدت دور ريهام لم عندها امتحان الْيَوْمَ ماعندها شئ عليها هيا
ماما :امشي نادي عليها امشي 😒
اني :ااااهـ الظلم حاار مش مسااامحة 😭✌️
ماما : زيدي نوحي زي حناگ مريومة هذا فاش فالحة
اني : هذي حنينة عيب امي العزيزة 🌚
ماما : اقلبي من وجهي خير ما نجيييگ ريهااااااااام
ريهام : ها نعم شن في 😳
ماما : امشي ديري لحوايج من غير ولا كلمة
ريهام : نزلت وتكلم فيا اني ورنا بصوت واطي منورين ع الشحاحة نعرف عبيتوا راس ماما 💔🙂
اني رنا : عفوااان* بنون 😂
ركبت اني ورنا خشينا لدار
رنا : دبست😂
اني : خلي تشغل أيدها سبوع مرتاحة 😂
رنا : واللهـ سوسات احني 😂
اني : تحساابي بتفوتنا أمك شوية وبتنادي تبي حاجة 😂
رنا : اكيد
اني :خليني نفتح نت كساد 😪
رنا : الزززفت خلوقي ضاقوا
اني :حتى اني 😢
قعدنا مكسدين اني ورنا وفجأة يخش علينا ثور هايج 😱 ريهام طاحت فينا ضرب بعصية المكنسة
اني : ووواك وووووه رجلي ريهااام
رنا : ووووه ريهام وقفي بلا عبط
ريهام :لم نوريكم الجو الي ديروا فيه عليا انتي وياها 😠
اني : وووووووه ريهام زي السم عبد المهيمن بجيني السبوع هذا بنطلع مزرقة قدامهـ 😭
ريهام :واللهـ مادخلني فيكم يا كلاب
رنا :وه عليا وووووهـ وربي لم نحرش فيك بابا😭
مشت الكلبة وقفت زي السيف🌚 مش حتقولوا صح
اني :تي لم نقولهـ 😭شوفي ايدي لحمي الجميل ولا ازرق 😭
رنا : شن تحسااابي روحك انتي وين يا ماما 😠
ريهام : هذي كانت ردت فعل بس خيركم خياااتي 😬
اني :نسامحك بشرط 😌
ريهام :شن تفضلي اطلبي 😒
اني :تغسلي ماعين لغدي بدلي 😍(ابتساااامة خبث🙂)
ريهام :لااااء ياماما 😠
اني :عند بابا 💁 بنقولهـ زرقتلي لحمي شوووف
ريهام :باهي ياخرا خلاص 😒
رنا :واني ديري لعشي بدلي الْيَوْمَ 😂
ريهام :والله حرام عليكم 😭
رنا :والله مادخلي فيك وكان هذا اللليلة ماترقدي الا بطريحة من بابا 😂
ريهام :باهي يا كلاب توا تشوفوا ومشت 😒😭
اني ورنا ميتتتين ضحك 😂
رنا :حرام لكن دبست هلبا الْيَوْمَ 😂
اني :تستاااهل 😂
رنا :حقا شن جو عبد المهيمن 😂
اني :ملييح 😍
رنا : سلميلي عليهـ 😂
اني : يووصل 😂✌️
قعدت مقعمزة اني ورنا فاتحين نت ونهدرزوا وريهام عالقة في المطبخ 😂 خشت علينا رولا
رولا : تامي رنوشة
اني : نعم رورو💗
رولا : جو حوش ميمة
رنا :حقااا😍
رولا :اي تستنا فيكم مع ميمة عمتي نجاح
رنا :خلي نبدل
اني :علااش جووو 😒
رولا : خيرك تامي
اني :ماخاطريش فيهم
رولا :علاش ..؟
اني :هكي 😒
رولا : تاامي ماتبيش تنزلي
اني :لا
رولا :ماما لم تقطعگ 😱قتلي ناديهم هما زوز
اني : ريهام معاهم
رولا :اي
اني :تعالي حبيبتي رورو نقولگ قوليلهم لقيتها راقدة باهي
رولا : اني توا نقول لكن ماما مش حتصدق
اني: انتي غر قولي هكي واني توا ندير روحي راقدة
رولا : بهـ 💛
اني : هاااتي بوسة محلااااگ رورتي الشطورة😍
-
قعمزوا كلهم مع حوش ميمة لوطة واني قعدت منطمرة في داري ع السرير ع اساس راقدة نكلم في عبد المهيمن (عبدو) وناكل في بطاطا شبس
عبدو: تامي 💛شن جوك
اني :الحمد الله وانت 💛
عبدو:بخير شديري
اني :شئ مقعمزة في الدار
عبدو:وين خوتك امالا هدوء جنبك 😂
اني :عندناا حوش ميمة مقعمزين معاهم
عبدو: وعلاش حبيبتي انتي مش معاهم
اني :ما خاطريش نشوف حد
عبدو : حتى كان اني جيتك 😂💗
اني :ما تقارنش روحك بيهم 🙂🔥
عبدو :علاش ماتحبيهمش
اني :لا نحبهم غر ما خاطريش في الدوشة بس
عبدو : قولي تبي تهدرزي معاي عادي راه 😂
اني : 😂😂انت تصلت
عبدو :بنجيك لخميس زي ماقتلك
اني : كيف بنتكلم تخش ماما 😳
ماما : انتي علاش مانزلتيش ..؟
اني :ماما والله ما خاطري 😩
ماما :تحشمي امشي سلمي علي حناگ وعمتك نجاح هما بس
اني :مانبيش يا ماما ماخاااطريش😒
ماما :اي هوا هذا خاطرك في النت والترفزيون واللعب والماكلة وكريماتك ومسكاتگ باش تطلعي حلوة قدام عبدو متاعك ماتقوليش لا 😠 نوضي تحركي قدامي
اني :( الله ع الحشمة الي حطتني فيها ماما سمع كل شئ الولد 😳) اني جاية ماما اني جاية مع ابتسامة 😬
طلعت
اني : احم
عبدو : امشي اسمعي كلام أمك 😂
اني :عليك حشمة 😳
عبدو ؛المهم سمعت حاجة حلوة مادوري شى 😂
اني : (متحشمة بكللللل)😳 بهـ
عبدو :نعرفك تحشمتي امشي توا باي 😂
اني :باي ( الله يسااامحك يا ماما ع الموقف الي حطيتيني فيهـ 😭🔥)
غيرت حوايجي ونزلت
نجاح : وينك مختفية
اني :كنت راقدة عميمة
نجاح :نوم العوافي
اني :سلمك وين ميمة
نجاح :تصلي
اني :اها
قعمزنا قعدنا هدرزنا وغيرنا جو وجي وقت بيروحوا
ماما : مع سلامة عاودوها
ميمة: ان شاء اللهـ وباش اتجي يوم الخميس للاستراحة
ماما : ان شاء اللهـ
اني : ماما 😳
ماما :قرصتني بمعنى اسكتي
مشوا روحوا
اني : يا ماما خيرك توا مش قلتلكم عبدو بيجي يوم لخميس خيرنا عاد
ماما : شن بندير جت ع غفلة ومانقدرش نقول لا قوليلهـ يوم تاني خلاص
اني : ماما كم مرة ناجل فيها راه تحشمت معاهـ
ماما : مادخليش فيك
اني :نقز امالا من دخلهـ وجهي تقشر الولد مش قادر يشوف خطيبتهـ الهم شنوا هذا 😭
ماما :امشي درقي وجهك
اني :اني والله ماني ماشية معاكم مشيت وقعدت نبكي 😭💔
رنا : ماما حرام عليك 🌚
ماما :علاش حرام
رنا : كم مرة تاجلولها فيها عيب الولد هيا الي بتتحشم معاهـ
ماما :الله غالب به شن بديري المرة الي فاتت بوك مهناش بندخلوه للحوش من غير مايكون معانا راجل
رنا : دبروا راسكم 🌚
