#مجبر_على_الزواج حلقة "12"
#قراءة_ممتعة 😘
،
،
رولا : اني بنخش نرقد تصبحوا على خير
اني : اني جاية معاك
رولا : لا
اني : شن لا 😳
رولا : اقعدي مع عمو زياد
اني : تي شن اقعدي معاهـ
رولا : ارقدي معاه اني ما نخافش
اني زياد : 😳...!
خشيت اني وزياد لدار زياد
اني : شن الحل
زياد: مش عارف خيرها اختك
اني : هيا ماتحبش حد معاهـا حتى في الحوش كنت اني وخوتي نفس الدار وهيا بروحها
زياد: غريب مع انهـا صغيرة 😐
اني : شن الحل به حتى كنبة مافيهاش الدار
زياد: سكت شوية وبعدهـا قالي ارقدي انتي ع السرير واني توا نرقد في الصالة
اني : لا لا 😳
زياد: علاش
اني : توا تشوفك رولا
زياد: بعد ماترقد
اني : مستحيل اتفيق في نص الليل
زياد: حط ايده ع شعره نرقدوا ع نفس السرير وخلاص 😅
اني : شنهوااااا تحلممممم 😒
زياد مشي تمدد ع السرير وتغطى: واللهـ الدار داري وانتي المتطفلة وبنطلع قلتي لا اختي هوني اني بنرقد وانتي كان نعستي تقدري ترقدي اهني جنبي 😌
اني : 😳 زياد قصدك بترقد
زياد: مايردش
اني : حي رقدت 😳 باهي نوض مش لازم نرقدوا نقعدوا نتفرجوا ولا نلعبوا
زياد:....😴
اني : زياااد يا زيادددد غر فيق ياودي 😩
قعمزة ع الكرسي وقعدت قريب ساعة وخلاص نعست وزياد شكلهـ في ساابع حلمة قعدت نتافف ومشيت بشوية بشوية ع السرير ورقدت 🙁
قعد هكي وجهـي في وجهـ زياد قعدت نتامل فيهـ وهوا راقد ونشبحلهـ وكان نبي نحفظ ملامح وجههـ في راسي 💔 لان نعرف ومتاكدة حيمشي لغيري وقعدت سارحة في وجهـ زياد لين خداني النوم 😴
زياد: كنت طووول الوقت فااايق درت روحي راقد بس باش تجي هياا وماتتحشمش قعدت نحس فيهـا تشبحلي وتتامل فيااا 💛 ومجرد مارقدت اني الي قعدت نشبحلهـا وهيا راقدة تقول بيبي 💜 قعدت نشبحلهـا وكان اخر مرة حنشووفهـا فيهـا ياريت نحصل طريقة بس تقعد جامعتني بيها العمر كلهـ يارت بس نقدر نقلها اني #نحبك ❤️ ياريت نقلها نهربوا ونخلوا كل شئ ورآنا نجلاء وعلاء والاتفاااق وكل شئ ... نقعد اني وانتي وبس 🔗 وشديت ايدهـا نقعد اني وياااك بس بس ياريتك تكوني فايقة وتسمعي فيا باش نرتاح
لين خداه النوم وهوا يتكلم ( باهي راقدة كان هذا راسي انتشف🌚 )
فقت الصبح حسيت روحي مرتاحة وفرحانة 💜نلقى زياد شاد ايدي 😳 ولاصق فيا
اني : ووووه نووووض نوووض
زياد: خيرك صبح صبح
اني: شن هذا شن هذا 😳
زياد: شن هوا هذا خيرك
اني : شاد ايدي ولاصق فيا شن يقلوله هذا
زياد: قتلك اني ارقدي معاااي جبرتك لا 😌 وبعدين حتى ولو كان عيسى الي يخدم في جنانا رقد جنبي كنت حنشد ايده ما ندريش على روحي لم نرقد
اني : قعدت نشبحلهـ 😠 تشبهـ فيا بعيسى
زياد: يخي احلا منك 😌👊
اني : اووووف اوووف صبح 😑 وطلعت
زيادد: ميت من الضحك 😂 شن ه الختشة هذي 😂 ربي يهديها ..
زياد: تاالا غر تعالي 😂
اني : مانبيش نرد عليهـ
زياد: غر تعالي 😂 تلفونك يرن
اني مشيتلهـ هاته :آلو
ماما : صباح الخير
اني : صباح النور
ماما : بيجي بوك بياخد رولا
اني : من توا مسرع
ماما : ماهو بوك توا بيطلع
اني :الساعة 8:00🙄 قاعدة راقدة اصلا
ماما :فيقها
زياد:قولها توا نجيبوها احني
اني : ماما قالك زياد توا نجيبوها احني
ماما : خلاص براحتكم
اني : ماشي باي
زياد: هي ديرنا فطور 😋
اني : دير بروحك
زياد: غر هيا تعالي نديروا ياودي وشحني
اني : قعدت نمشي معاهـ 🚶✨
