#مجبر_على_الزواج"2"
اني ضلام ومانشبح في شئ وهوا حاط ايدهـ ع فمي والايد التانية ع خصري وملصقني ع الحيط باش مانتحركش ويقول اسسسس😮 مش حنديرلگ شئ غر اسكتي بس واني مش قادرة لا نتكلم ولا نَصِيْح ولا اي حاجة
وفجأة هكي يولع الضئ ونشبحلكم هذاكا المنظر 😱 جدي بعكازتهـ وعينهـ العورة ويشوفني واني بالمنظر هذا
#نوقفوا_الزمن_شوية🕘
اني في واحد فوق راسي شادني ومانعرفش من ويشعل الضي وجدي خش نلود في الدار كلها شموع ورد احمر وعصير ومقبلات وجو يعني فوق ما ان جدي مايبي حد يخش لدارهـ فوق ما ان لقي واحد فوق راسي *+ زيدها وضع الدار تي ياااهو شن في 😱
#نرجعوا_لزمن🕘
جدي : بأعلى صوت شن هـ المنظر الي انتي فيههـ يابنت (وكلهـم يجوا ☹️)
اني : جدي خشيت وهوا شدني واللهـ وماقدرتش نَصِيْح ولا نقول حاجة
الولد :واقف مصدوم 😳
اني :واللهـ يا جدي لقيتهـ في الدار كنت بنشعل تاكو الضى 😭
جدي : اتفووو على هكي بنات وهكي تربااية هكي اخرتها تنزلي راس عيلتنا في الوطااء ويضحك في ضحكة هزوة😏 لا ومنظر الدار والوضع الي كنتوا فيهـ اتفوووو عليگ
**كلهم في لحظة كانوا موجودين في دار جدي **
محمد :اتفووو عليگ تبي تجيبي العار انتي ويبي يضربني ويشدوا فيه
اني :نبكي والله والله مادخلني 😭😭😭
الولد:لحظة فاهمين غلط
محمد :وانت يااااكلب قاعد واقف وجاي بكل عين وقحة
اني :والله لقيتهـ في الدار والله مانعرفهـ اول مرة نشوفهـ 😭😭
محمد :انتي اسكتي وضع الدار يتكلم غير الوضع الي لقاكم فيهـ تفو عليك يا تامي وانتي بتنزلي اسم عليتنا في الوطاااء لا وياريت هكي بس مخطوبة فوق منها ويبي يضربني
جدي :يعطي خبطة بعكازتهـ كلهم يسكتوا يقوول ماحد يتكلم واني موجود
**
اني ماعرفتش شن صار كلهـ على غفلة كلهم يشبحولي مصدومين محمد يبي يضربني وجدي مش مصدق وعندهم الحق من وضع الدار أصلاً** بابا شبحلي شبحة لين نموت وماننساها 😔 كانهـ يقولي علاش درتي هكي علاش حشمتيني في شن قصرت معاك باش تنزلي راسي بين الناس علاش بس وطلع ....
**
جدي :الحيوانة هذي شدوها وماحد يخليها تطلع من الدار وانت ياولد امشي قدامي وكلكم شباب قدامي
علاء:لحظة يا جدي
جدي :سكر فمك قتلگ وامشي قدامي للمربوعة
#قبل_الزردة_بيوم ..
علاء: امشي للاستراحة يا زياد وتكمها
زياد :علاش باهي ماتمشيش انت
علاء: ياودي اني مانعرفش نفتلگ زيگ 😂نبي نحصل ليلة قبل ماترجع لبنت لتونس
زياد :😂آه يا خامر
علاء:تي غر اسمع يا راس
زياد :شنووو
علاء:خود الدار الي في الدور التاني ع اليمن اخر الممر
زياد :علاش ..؟
علاء:هذي دار جدي أحسن دار واكبر دار وع البحر يمشي معاها الجو 😂
زياد :وربي الا خاااامر 😂
علاء:نفكروا في سعادتنا 😂المهم غدوا شد الهمة من الصبح امشي فااهم
زياد :قلناا باهي 😒🔥 هي بنرقد توا وحتى نقالي بيفصل معاش فيه شحن
علاء:تم تم ماشي تصبح نتلاقوا غدوا 😂
زياد :تمام
