#مجبر_على_الزواج💚
حلقة "19"🦋
#قراءة_ممتعة💚
_
_
_
زياد: ماتبتش في مكان الحيوان كل مرة في مكان
علاء: الا مايمشي لمكان يطووول فيه ونطبوووه
زياد: مش قادر نصبرررر خلاص نبي نقتله الحيوان هذا ع قد ماحرقلي دمي
علاء: قررربت يا صااحبي
زياد يارب تطلع مضلووومة يارب عرفني ودلني ع الصح يارب 💚
#اليوم_التاني 🥀✨
فقت اني الصبح وقعدت نظم في الحوش وحطيت لغدي ع النار وماقعمزتش بكل ..
ريهـام : خيرهـا تامي 😳
ماما: اختكم هبلت هذي 😳
رنا: علاش 😳
ماما: مابت تخليني اندير شئ بكل معاها
رنا : شن صار في عقلها ماتقولش هاذي هيا الي كانت تبكي واليوم نايضة هكي
ريهام: سبحان الله 😳
بابا: خيركم ..؟
ماما: شوف بنتك نحس فيها جتها حالة نفسية
بابا: على خاطر الضمان
رنا: تعرف يا بابا تبدلت من حالة لحالة
بابا: عادي تعبر على غضبها هكي خلوها انتم شن خاسرين ...؟
ماما: هوا هذا بنشوفوا لوين بتوصل
ريهـام : بست رنا
رنا : هاا نعم
ريهام : شن جاها اختك
رنا : علمي علمك
ريهام: كله من زياد من امتى تامي هكي
رنا : اي والله كنا مخدوعين فيه ماتوقعتش انه يصدق عليها حاجة هكي
ريهام : حقير ع فكرة هوا 🙂
رنا : هلبااا
ريهام : به شن صار مع ايهم
رنا : مش عارفة خليني نكلمه
ريهام : هي فيسع شوفية قبل ما ماما تنادي علينا
رنا : اني نتصل ...
مايردش 😳
ريهام : عاودي به
رنا عاودت مرة 2 ، 3 ، في 4 فصل عليهـا
رنا : فصل عليا 😳
ريهام ؛ خير عمه هذا
رنا : مرات مشغول
ريهام ؛ اي دافعي 😂
رنا : ريهام 😒
-------
زياد يماااا
امهـ : اهلين زياد شن حالك
زياد : الحمد الله وانتي
امهـ : الحمد الله وين تالا معاش جت
زياد:ءءءء
امهـ: خيرك وينها
زياد: لا شئ
امهـ : زياد 😠
زياد : تعاركت اني وياها
امهـ :نهار ابيض علاش
زياد: صارت مشكلة وخلاص يمااا
امهـ:راضيها به راهي بنت كويسة مشاء الله عليها
زياد:اي اي ان شاء الله 😑ديريلي غدي مستعجل عندي ماندير
امهـ :استغفر الله ربي يهدي باهي به
مروة: تنادي زياااد يا زياااد
زياد: شن في
مروة: شن الجو
زياد: ماشية
مروة: زياد بالله عليك ترا ابعتلي صورتگ الي صورتها في لبنان
زياد: علاش ..؟
مروة: نبي نزلها ع الفيس
زياد: هذا فاش فالحة انتي
مروة : زياد شن فيها بهـ 😒
زياد فتحلها تلفونه هاك ابعتي بروحك 😑
مروة :هااات 💙
شدت مروة تبعت في الصورة شوية وقعدت تضحك بصوت عالي 😂😂
زياد: خيررك
مروة: تهبببل 😂💛
زياد: خيرررك انتي ...؟
مروة:شن ايديروا صور تالا عندك توا هيا 24 ساعة في جهك 😂
زياد :شن دخلك هاتي التلفووون 😠
مروة :كانكم مخطوبين انقولوا 😂
زياد :شح التلفوون امشي اقلبي اني الظالم الي اعطيتهووولك اصلا
مروة :عندي منهم اصلا 😌✌️هاهاها
زياد : عندك منهم 😳
مروة :اي نعم 😌
زياد:ترا وريهملي 😳 ( وكان واضح عليهـ مستغررب )
مروة : لا كم تدفع 🙂
زياد: مرووووة
مروة : به هاك ها شوفهم
