#مجبر_على_الزواج "3"
#بعد_شهـر
ماما : اللبسي اي حاجة يابنتي بتمشي بلبسگ
اني :اي بنمشي هكي 😐
ريهام :ماتبيش عرس وقلنا باهي لكن اللبسي حاجة عيب حتى قدام امهـ واختهـ وعيلتهـ 😑
اني :العرس قلنا لا ع خاطر بيسافر مانلحقوش 😐
رنا :بالله عليگ على خاطرنا معاش وقت
ريهام :قدام حتى عماتي ولبنات
اني :باهي هي اعطوني اي حاجة
ماما :رنا جيبي القفطان الي شرينهـ
اني :وشريتوا قفطان 😱
ماما :امالا كيف شن تبيهم يقولوا علينا ..؟
اني :باهي هي ريحوني 😐
قعمزت ريهام مكيجتني **ميكب ارتست متاع العيلةة🙂✨**
رنا :قعدت تلفلي في شعري 💛✨
******
عند زياد وتوهـ صحابهـ ودارولهـ جو ومشي لامهـ :شن وتيتوا
عائشة :اي
مروة:خسارة مافيش عرس كنت نحساب روحي بنهيج في عرسگ ☹️
زياد:ماهو مانلحقوش بنسافر هذا باش درتهـ غمان
عائشة:المهم تتجوز وماتقعدش بروحك 💛
مروة:وانت منين طلعت ه السفرة بس 😒
زياد:خدمة ع غفلة هي اركبوا لسيارة 😐
عائشة:كلمتي حوش جدك
مروة:اي ماشين حتى هما كيف طلعوا
زياد:اني قلت مانبيش عرس وأنتم بروحكم اديروا عرس 😐 هي اركبوا اركبوا
جو كلهم في صالة حوشنا وطلعت اني كان عرس خفيف العيلة بس لبست قفطان قصير لونهـ ابيض بس ع خاطر الناس ونضحگ وندير في روحي فرحانة ولا كان في حاجة
عايشة :تهبلي مشاء الله عليك
اني:تسلميلي خالتي
عائشة:ديري بالگ ع ولدي 💛
اني:في عيوني ياخالتي 🙂ماتخافيش
مروة: زياد قالگ هيا تالا
اني: هي وين الكاب متاعي
مروة:علاش ماكلمكش 😒
اني:اساليهـ 🙂🔥
رنا:أهو هاگ
قبل مانطلع بست ع ايد ماما ورأسها
ماما :تبكي ديري بالك من روحك 😭 وعلى راجلگ
اني:خلاص ياماما وين بنسافر كلها كلها لبنان مش حنعطلوا
ريهام:بتخلي مكانگ تامي 😭💛
اني:بنبكي راهـ 😭
رنا:خلاص عاد اسكتوا تتهني حبيبتي 😭
رولا:قصدك خلاص بتمشي تامي
اني:اي وتوا نجيبلگ لعبة لم نروح 😍
رولا :نبيش لعبة نبيگ انتي 😭🔥
كملت سلامي وطلعت لقيت بابا
اني:بابا سامحني وأرضى عليا وبست ع راسهـ
بابا :مسامحگ ديري بالگ ع روحك
اني:بابا حاجة وحدة نبيك تعرفها ان اني ماغلطش ومادرتش ولا حاجة غلط
بابا:نعرف وانتي هكي نصيبك ولو كان عندك خير مع عبد المهيمن راهو قعدلگ لكن نصيبگ #زياد ديري بالك منهـ هوا ولد كويس
اني :حاظر 💛
جدي:تعالي جاي
اني :بست ع راسهـ ارضى عليا
جدي:ديري عقلگ في راسگ يابنت
اني:نضحك حاظر ✨
------
نجلاء:قصدك توا بتجيك وتركب معاك في السيارة 😭
زياد:معاش تبكي شن قلنا احني
نجلاء:مش قادرة نستوعب انگ تجوزت غيري وانگ بتسافر معاها
زياد:فهمتك اني علاش بنسافر باش مانديروش العرس
نجلاء:😭😭 ماتقربش منها ولا تشبحلها بكل
زياد:حتى ولو شفت اني مانشوفش غيرك 💛
نجلاء:ماتشوفلهاش
زياد:حاظر 💔
جيت اني طول سكر التلفون وجاي بيفتحلي باب السيارة
اني :نعرف نفتحهـ بروحي 🙂
زياد:قدامهم بس 🙂✨
اني:هي 🌚
علاء:ااا تامي ☹️
اني :نعم
علاء:أسف تامي 😣
اني:عيوني دمعوا لان مانبيش هذا كلهـ يصير لا عادي الي صار صار
علاء: والله ماكنت هكي نبي يصير😣أسف أسف بجد خشيتي حياة مش حياتگ اصلا
اني:علاء أنسى كل شئ نصيب وركبت ☹️
