#محبر_على_الزواج 🖤
حلقة "21"🥀🍂
#قراءة_ممتعة ( 🌹 )
،
،
،
روح زياد اول حاجة للحوش وهوا خاش متعفلق وبااعلى صوووت عنده مروووووة 😡
مروة : نعم
زياد: تعالي جاي
مروة : خيرك شن في ..؟
زياد: شن مدايرة انتي وشدها من ايدها
مروة : شن مدايرة والله مادرت حاجة 😭
زياد: قووولي شن مدايرة بطيب خيرررلك راني عررفت
ام زياد : غير هدي بالك ياوليدي انت كيف طالع مش باهي على جررحك
زياد: خليها الحقيرة هادي تقول شن مدايرة خير ما نكسر راسهـا
سالم : خيرررررك ..؟
مروة : مشت وراء امهـا والله مادرت حاجة 😭
ام زياد: غر كلمها بطيب يا ولدي باهي قول شن دارت هيا
زياد: هي قوليلي كيف وصلوا صور تالا عندك اني مقعمز وهادي ونسمع فيك
مروة : هيا بعتتهملي
زياد: هكي من راسها بعتتهم
مروة : لا اني قلتلها
زياد: ايوا اهني اوقفي علاش قلتيها ...؟
سالم : شن مدايرة هادي نمشي نكسرلها راسها
امهم : غر استهدوا بالله
زياد؛ تي تكلمممممي
مروة : اني قلتلها صاحباتي يبوا يشوفوك ابعتيلي
زياد: من صاحباتك
مروة : نجلاء واختها نهلة
زياد؛ علاش بعتيلهم الصور علاش
مروة ؛ والله مابعت حاجة والله 😭
زياد: كيف وصلوها باههي طاروا ليهـا 😠
مروة سكتت شوية : هيا هيا بتكون بعتت بروحها
زياد: علاش حمارة انتي تستغفلك وتبعت من دون علمك اصلا كيف تلفونك تعطيهولها ..!
مروة: هيا اني نوري فيها جت اختها قتلي بري معاي الحمام وخليتها تشوف فيهم بتكون بعتتهم بروحها اني والله مابعتت حاجة 😭
زياد؛ مخططة لكل شئ بنت الكلب هذي توا تشوووف
وطلع
مروة ركبت لدارها من الخوف وقالت هذا وين عرفت علاش تالا عاملتني هكي ..
----
نجلاء: كل شى كل شى عرررفه 😭
نهلة : قتلك بتجي على راسك اني
نجلاء: خسرت زياد الشخص الوحيد الي حبيته
نهـلة : شن الي خلق زياد ما خلقش غيره ولا كيف شووق يخطبوا فيك وافقي
نجلاء: مستحيل نحب حد زي زياد
نهلة : تحبيه مع الوقت وزياد مش ليك اقتنعي
نجلاء؛ بنكلمهـ
نهلة : حمارة انتي ..؟
نجلاء: مرات يسامحني
نهـلة : دبري راسك
نجلاء تبي تتصل بزياد مترددة وشوية ( ويتصل زياد )
دور فيهـا في السماء لقتها في الوطاء ..!
نجلاء :الو زياد حبيبي
زياد: اني مش حبيبك فااهمة
نجلاء: علاش متصل بيا به
زياد: اليوم جاي بنقووول لبوك وخووك على عاارك
نجلاء؛ لا بالله عليك لا 😭
زياد: وعلاش
نجلاء: والله يقتلووني والله
زياد: وماخفتيش ان لم درتي العار لبنت انها تموت ،.؟
نجلاء؛ والله لم فكرت ان خسرتك ما تحملت من حبي ليك هذا
زياد: مافيش حب يخليك اديري هـكي ..! اني بنقولهم
نجلاء: بالله لا وراس زياد اسفة اسفة تبي نعتدر حتى من تالا عادي المهم سامحني ..
زياد: تعرفي نشوووف رقمك يتصل بيا ولا نلمحك لمح جهـتي ولا جهت تالا وربي الم نسووود عليك عيشتك وقولي زياددد قالها ... اخر تنبيهـ ليك هذا
نجلاء: لگ.....( سكر الخط )
