#مجبر_على_الزواج حلقة "5"
قراءة ممتعة 😻
مروة:غيرتي جوووك
اني:اكيد
مروة:امممم شن جو زياد معاك
اني:كويس مشاء الله عليه
مروة:تعرفي ان زياد ....
ويخش زياد :مروة تعالي نبيگ
مروة :نعم
اني :نشبحلهم ب استغراب 😕
طلعوا 🚶
زياد:انتي شن كنتي بتقوليلهـا على نجلاء ..؟
مروة:اي واللهـ تسخف نجلاء كل يوم تكلم فيا تبكي
زياد :بما ان تسخف نجلاء اكيد حكتلك علاش تجوزتها اني
مروة :اي 😔
زياد: خلاص تالا تعرف شن صاير مافيش داعي تمشي تحرقيلها قلبها حتى هيا
مروة :اسفة زياد مش عارفة شن ضرب في راسي
زياد :الي ضرب في رأسك كلام نجلاء يا مروة ..! نعرفك انتي راكزة وتعرفي كيف تتصرفي
مروة :خلاص اطمن زياد مش حنقول ...
(شن صار في عقلي حتى اني بنقوللها مغباني شن دنبها )
(خشت مروة )
مروة :اي شن درتي
اني :درت السلاطة
مروة : باهي كويس
اني :ءء مروة شن كنتي بتقوليلي على زياد
مروة : شن كنت بنقول 🤷♀️مش عارفة نسيت 🤦♀️
اني :لكن شكلها حاجة مهمة
مروة :كان مهمة ماننساش هاك الزيتون
اني :(حسيت في حاجة لكن سكتت)
---
زياد:نجلتي كيف حالگ 💛
نجلاء:الحمد الله وانت 💛
زياد:وصلت ليبيا
نجلاء:امتى وصلت
زياد:ليا جو ساعتين
نجلاء:واني توا نعرف 😐
زياد :مالحقتش نكلمك بكري كلهم معانا
نجلاء : اي هوا هذا دخلها في عيلتك باش تكرش فيك
زياد :نجلاء بالله عليك خلاص عاد كلهم شهرين ويتم ه الكلام ..
نجلاء: وشن شهرين شوية
زياد:نجلاء كل مابنكلمك بتنكدي علياااا
نجلاء: لا نكد عليك لا شئ انت الي بديت لم تكلمني تتنكد كلا انت عايش حايتك معاهـا وجوك جمميل
زياد: ان شاء الله نموت ونرتاح منك ومنها وسكر
خش زياد حاامق بكل 😠 يصيح تااالا
اني :نعم زياد
زياد:هيا بنروحوا
اني:كيف جيناا 😳
زياد:هيااا قتلك
امهـ :مسرع خيرك انت
زياد:تي خفي روحك
اني :شوية خلي نلبس وشاحي
بوهـ :بشوية ع البنت خيرك انت بعدين كيف روحتوا من السفر تغدوا وروحوا
زياد:نبي نروح نرتاح خلاص توا ناخد غدي من برا سالم وين مفتاح الحوش
سالم :هااك
زياد:مروة جيبي مفتاح سيارتي
مروة :هااك
اني :هي
_ -طلعنا والسيارة شوية ولت طيارة من كتر مايجري 🚅
اني :زياد بشوية
زياد:مايردش
اني :بشووووية يا زياد تبي تقتلنااا ..؟
زياد:اي اي اني نبي نموووت ونرتاح
اني :خيرك زياد تقول قتلتك حد 😳 شن فيك بشويييية ياودي معاااش تجري
زياد: شن دخلك شن دخلك معاااش تكلميني ولا تقربيني ولا تبصري معاي ولا تجي جهتي وحتى صباح الخير معاااش نبي نسمعها منك هما شهرين من الْيَوْمَ و بنطلقك وبنرتاح من ه المصيبة الي ربي طيحني فيها 😠
اني :خفت درت ايديا على وداني وقعدت نبكي اول مرة نشوف زياد هكي من اول ماوصلنا للحوش ماكنت نعرف فيهـ شئ الدار الي جت قدامي خشيت فيها ونطرحت ع السرير قعدت نبكي 💔😭
