بطلتنا ...24 سنة كملت قرايتها وتخدم صيدلانية .... فاتحة فارماسي في العاصمة ... بنت مشاغبة والعقالة خاطيها ... ما تحشم ما تبكي .. ماعندها حتى صلة بالأنوثة غير جسمها ... بالحديث عن جسمها ... باش ما نقولوش كاملة لأن الكمال لله وحده عز وجل .. لكنها أية في الجمال .. بعينيها الكوكتال بين الأخضر والأزرق ...شواربها الغوز والصغار .... حواجبها مرسومين طبيعيا .. شوافرها يحط عليهم نسر نورمال ... شعرها الطويل ورغم انو شباب الا أنها توجور تشدو طماطيشة ههه ولا ذيل الحصان .... خاطيها الكوزينة وما تعرف دير والو ... تجي ليهم جارتهم مباركة كل سبت وتنظفلهم البيت .... وطيبلهم الماكلة ولا يشرو مين داك ... وهذا كلو بسبة الدلال لي حاظية بيه اسيل دون غيرها .... اسيل تعرف فنون الدفاع عن النفـــس وتعرف ترقص وتغني ... وتحب الحيوانات بزاف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وليد
وليد البطل ...... 28 سنة.... يتيم الأب ... يماه مستغانمية بصح هو كان يخدم في أمريكا دونك توجور بعيد عليها ... وكي رجع للدزاير مقالهاش كامل بارسكو عندو مهمة سريعة ينفذها ويرجع لأمريكا ..... وليد رائد في الجيش الوطني .. لكن خدمتو كلها خارج البلاد .... عصبي شوي لكنو مسوفج والخبث يخرجلو من عينيه وهذي معروفة على لي يخدمو في العسكر .... وليد مشي خلاط بزاف لكن عمرو ما بات بلا طفلة على هاذي كره حياتو كي رجع للدزاير
وليد زين وطاعة الوالدين يخصو غير الدين ... لا صلاة لا تربية ههه ... عكس اسيل تماما .... يعرف يطيب بحكم عايش وحدو وماكلتو ديفوا تتحرق لكنها على الاقل تتكل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كريم
اللواء كريم .... 50 سنة .. ... عقلية جزائرية في الكرم والطيبة والإنسانية ... يعز صاحبو رضا من وقت كانو صغار.... كريم مع أنو خدمتو مرتبطة مع وليد إلا أنو هو يعتبرو كيف ولدو
