كــــرونيك بلهجــــة جزائرية 💚💪 ( إنتــــــهت اللعبـــة )

Part 7

وليد : قشــــري وأسكتي يـــا وسمــــك 

أسيل : أسيل ..... إسمي أسيل مشي يا وسمك 

وليد : وأنا وليد مشــــي أم وليد هههه 

أسيل دورت وجهها : واحد مـــا سقســـاك 

وليد : حلي فمـــك وزيدي .... راني نمشي معاك على قوسطـــوك وإلا راكي متعرفيش وليد شكون 

أسيل : ممممممم حـــابة نعرفك يا سي 

وليد : ههههه قبيل برك مكنتيش حابة .. واش لي تبدل ؟؟؟ ولا خفتي ؟؟؟

أسيل " بتلبك " : خخخخخخ نخاف ؟؟؟ منك ؟؟؟ نتـــأ ؟؟؟ هههههه روح بعدني روح 

وليد كي شاف بلي بدات تتقلق دار للجهة الثانية وكانو عاطين بعضهم بالظهر .... بعد ثواني معدودة وين كانو في زوج يخدمو .. دارو في لحضة وحدة وتلاقات عيونهم مع بعض .... كانت لحضة رومنسية كبيرة .... ابطالنا مشي كي البقية ... أبطالنا يفهمو لغة مختلفة وهي " لغة الأعين "

إستمرت النضرات لمدة طويلة .... قدرو الطرفين يعبرو عن أحاسيسهم  من أول مرة ... خلوني ننقلكم شعور أسيل 

أسيل .... مكانت تحس بوالو ... غير أنو راهي مع واحد بوقوص ورجولتو كبيرة .. كان عندو كل المواصفات تاع الرجل المثالي .... أسيل بطبيعتها نية .. سو .. كانت تخمم أنو تكون عجباتو ولا حبها ولا شيئ من هذا القبيل 

وليد ... وليد حيلي بزاف  وعمرو ما شاف أسيل بنضرة إعجاب ... وليد يشوف البنات كلهم عاهرات ... كي توقف قدامو طفلة يشوف غير جسدها هذا مكان .... سو.... كانت نضراتو لعيون أسيل أول مرة يعملها مع طفلة 

توقف المشههد بعد معركة كبيرة من النظرات ونطقت البطلة : مالك ؟؟؟ 

وليد : عينيك شابين 

أسيل : علابالي ..... وغيرو ؟؟؟

وليد :  كلش فيك مزعوق غير عينيك برك شابين 

أسيل : ممم مزعوقة ؟؟؟  " قربت شوي ليه وقاتلو " : تعرف لي أنا جريت مورايا قاع الحومة هذي ؟؟؟ أنا لي يقولولها كارداشيان في الدزاير كامل ... يجي واحد كيفك يقولي مزعوقة ؟؟

وليد من العصب كبس على يدو حتى بانولو عروق جبهتو ههه وقالها : شوفي حطي واش كاين في يدك وطيري من قدامي خفي ..

أسيل بالعيـــاط: والله غير كان نروح أحسن 

وليد : روحي مالا 

أسيل : راني رايحة ..... كانت طالعة حتى حبست بلاصتها ورجعتلو : وعلاش مشي نتا تروح ياك هذي داري 

وليد : رب** نتي مق*** ولا وشبيك ؟؟

اسيل : أحترم روحك يا  سيدي خويا .. راني طفلة ومنحبش نسمع هذي الألفاظ 

وليد : هههه  حابة تقنعيني بلي نتي بنت فاميلية ؟؟؟ 

أسيل دمعو عينيها كي سمعت " بنت فاميلية " هي أصلا معهدتش والديها ومترباتش على يديهم كيما لازم  مسحت دموعها وقالتلو : سمحـــلي كي حكيت معاكك ...

قالتها وهي تبكي .. عينيها كانو راح ينفجرو .. لكن طلعت تجري باش ميشوفش ضعفها كثر .... أسيل حساسة بزاف  والأشخاص  لي مثل أسيل موجودين بنسبة 25 بالمـــائة فقط في العالم .. وهذي دراسة مؤكدة لعلماء النفس ...