كان غاطس في نومة عميقة ... على سرير أمو ومعنق صورتها ...... حس بيد حنينة على وجهو... قام مفزوع
أسيل : بسم الله الرحمن الرحيم يا ربي
وليد : واش راكي ديري هنا ؟؟؟ شكون قالك أرواحي ؟؟؟
أسيل : ننتا قوتلي أرواحي راني محتاجك ... ولا نروح ؟؟؟
قامت من سريرو وجات خارجة ... شدها من يدها ورجعها .... قعدت حذاه على السرير وقعد يشوف مع عينيها
وليد : أسيل ؟؟
أسيل : وي ؟؟
وليد : سمحيلي البارح مجيتش باش نوصلك
أسيل : نورمال .... بصح أحكيلي واش لي جابك هنا
وطلعت راسها قعدت تشوف مع الحيوط والمكان لي كان مسخ
أسيل : ووو واش هذي الدار ؟؟؟
وشافت الصورة لي كانت في يدو : ووو وشكون هذي المرأة ؟؟ ... وليد أحكيلي عيشك
وليد عدل روحو .... وقعد يحكيلها ... حكالها كلش باباء والتاء
أسيل : هااااا ؟؟ يا ربي.... والحل ؟؟؟
وليد : والله غير راني حاير
أسيل : المفتاح لي راح يوصلنا .... هو الطفلة لي كانت في البيت هذا والشاب لي سقسيتو أو عثمان ... أو السيد كريم
وليد : احتمال البوص مستبعد بزاف .... وحتى عثمان
أسيل : متشفاش على ملامح الشاب هذاك ؟؟؟
وليد : وي ... شوية برك .... علاه ؟؟
أسيل : نقدر نرسمو
وليد : صح ؟؟؟
أسيل : دك نجيب ورقة وستيلو ... ونحاول
وليد : خفي
أسيل : كيفاش كان شكل وجهو ؟؟؟
وليد : كان بيضوي
أسيل : وشعرو ؟؟
وليد : أسود و جاي كي الطفلة ... مهبط لاماش قصدي
أسيل : هه وعينيه ؟؟
وليد : عينيه نورمال بنيين أو أسود معلاباليش ... وعينيه صغار
أسيل : طولو ووزنو ؟؟
وليد : كان في الطول ... ؟؟؟ أوقفي نتي
أسيل وقفت ....
وليد : شحال طولك نتي ؟؟
أسيل : ميترا و67
وليد : خخخخخ عرجون تمر ههه
أسيل : خخخخ مش وقت التمسخير
وليد : كان طولو حوالي 1.80 ووزنو حوالي 75 كيلو
أسيل : عندو لاطاي عليا تسما ؟؟
وليد : خخخخ نتي مكان والو ... فارغة
أسيل : بـــــــــــــــــلــــــــــــــــع
وليد : ههه
أسيل : كاش علامات مميزة على وجهو ؟؟
وليد : مثلا ؟؟
أسيل : حرق ؟؟ او إصابة أو جرح ... وكيفاش كان لابس البارح ووشنو الشيئ المميز فيه
وليد : كان عندو جرح تحت شاربو وو كان لابس أسود ... وكان داير إسوار تاع جمجمة
أسيل : إسوار تاع جمجمة ؟؟؟
وليد : علاش ؟؟؟ وين شايفاتيه
أسيل : شفتــــوو ؟؟؟ عند ؟؟؟
وليد : عند من ؟؟؟؟ أسيل متخافيش أحكي ؟؟
أسيل وعلامات الخوف على وجهها : عند ..... عند جدووو رضا
أنت تقرأ
كــــرونيك بلهجــــة جزائرية 💚💪 ( إنتــــــهت اللعبـــة )
Adventureكــــرونيك بلهجــــة جزائرية 💚💪 ( إنتــــــهت اللعبـــة ) - الكـــرونيك راح تحكي على بنــــوتة عاقلة وشابة وإسمها أسيل كانت عاية حياتها العادية رفقة جدها برك .... وتخلاصت عليها بيد شخص راح تحبو ... خلونا نكتشو كلشي مبعد
