وليد : نوض نوض يا حبيبي .... لقد كادت اللعبة أن تنتهي
أسيل : هه مسكيــــن
الشاب : إسمي أحمد ... عمري 27 سنة فارغ منعرف ندير والو ..... صدقني والله ما عندي صلة بحاجة ... أنا ندير كلش مقابل المال
أسيل : نعطيك ضعف ما عطاوك هوما بصح احكيلنا قاع واش تعرف على المدام " نسيمة *****
أحمد : أختي ... قوللولي شكون السيد هذا لي راكم شاكين فيه ونا نقولك كلشي
وليد : عثمان *** أو كريم *** أو رضا ***
احمد : نعرف الأول والثاني أما رضا هضا منعرفوش
وليد : أحكلنا على علاقتك بكريم
أحمد : كريم هو الضحية في هذي القضية ... هذي الجملة أحفظها مليح
أسيل : وعثمان ؟؟
أحمد : عثمان وزهرة هوما العقل المدبر للقضية هذي ... على حد علمي زهرة تحاول تستولي على أموالك يا سيد وليد .. دونك تحوس تقتلك ......
وليد : هههه وشكون هذي حتى كي تقتلني تدي املاكي
أحمد : أمك يا وليد اخت زهرة بمعنى زهرة خالتك
وليد : خالتي ؟؟
أحمد : إيه ... وعثمان هو راجل خالتك ... امك منذ اعوام كتبت جزء من الاملاك لي كانت عندها لأختها والباقي ليك .. وفي الوصية قالت اذا ابني صرالو مكروه او هو سمح في حقو راح يروحو الاملاك لخالتك والعكس صحيح .. وخالتك راهي تحو على الاملاك ....
وليد : فهمت .... ونتا وين علابالك ؟؟؟
أحمد : جوليا
وليد : جوليا **** ؟؟؟
أحمد : إيه ... جوليا لي كنت معاها ولعبت بيها ورميتها كيما كامل البنات دير معاهم .... راهي خطيبتي دكا .. وجوليا هيا بنت خالتك زهرة ...
أسيل : والله يا سي وليد هكا ؟؟؟؟ معليش ...... كانت راح تهبطلها الدمعة بصح محبتش تهبطها .. محباتوش يشوف ضعفها
اما هو فاقلها ... لكن اهم حاجة الان هي أمووو
أحمد : " قبل عام كامل يا وليد ... نتا تخليت على جوليا ... وجوليا كانت تعرف بلي هي بنت خالتك ... وفي الوقت لي كانت خالتك تخطط لقتل يماك وبعدها نتا .... الشيئ الوحيد لي كان مانعها هو جووليا .... لكن نتا بعد ما تخليت عليها ... قررت تنتقم منك عن طريق قتل يماك ثم نتا .... وفي الوقت هذاك تعرفت عليها وحبيتها وخليتها تحبني .... لكن باباها عثمان مقبلش بيا ... قالي لازم تدخل معانا في الانتقام ... دونك ولينا 4 عباد أنا وجوليا وزهرة وعثمان ... كامل حبينا ننتقمو منك ... ومن امك .... عثمان خطف يماك من 6 اشهر وتهنا هي مزالها في امان وراهي في امريكا مع كريم ... حتى كريم كان رهينة عندنا ... خاطر نهار عيطلك على مهمة تاع النصب والاحتيال كان تحت التهديد بيماك ... وهو مكانش حاب يريسكي بيها دونك قالك اخدم مع عثمان ... باش يجيبوك للفخ ولكنو كان ذكي وقالك مهمة تاع نصب واحتيال بمعنى راهم يحتالو عليك وهذا الشيئ كان مؤكد .... "
أنت تقرأ
كــــرونيك بلهجــــة جزائرية 💚💪 ( إنتــــــهت اللعبـــة )
Adventureكــــرونيك بلهجــــة جزائرية 💚💪 ( إنتــــــهت اللعبـــة ) - الكـــرونيك راح تحكي على بنــــوتة عاقلة وشابة وإسمها أسيل كانت عاية حياتها العادية رفقة جدها برك .... وتخلاصت عليها بيد شخص راح تحبو ... خلونا نكتشو كلشي مبعد
