كــــرونيك بلهجــــة جزائرية 💚💪 ( إنتــــــهت اللعبـــة )

Part 17

وليد : عمي رضا ؟؟

أسيل  شدت راسها وبقات تعيط : أععععع واش هذا الهم ..... يا ويلي مفهمت والو 

وليد : فففف راه بدى اللعب يخشان 

أسيل :  أصبر أصبر خلينا نربطو العلاقات ...... هكا راح نقدرو  نعرفو الرابط لي بيناتهم 

وليد : وي ... لحد الأن عندنا   6 شخصيات  معروفة 

أسيل : جدي رضا وعمي كريم .... الشاب والبنت هذيك ... عثمان ... ويماك نسيمة 

وليد : مشي غير هذو 

أسيل : أنعم ؟؟

وليد : وي .... من 6 أشهر أمي غايبة ... والجيران هوما لي أكدولي الخبر 

أسيل : يعني نتا دوك معندك خال معندك عم لا خالة لا عمة 

وليد :  سي عندي خالتي مي عمري ما  شفتها 

أسيل : وهذا عثمان يعني واش هي علاقتو ؟؟

وليد : بعثولي السيد كريم على أساس زميلي باش نوقفو جماعة تاع نصب واحتيال 

أسيل : وكريم ؟؟؟ شفتو  نهار قالك أخدم معاه 

وليد : لا .. حكيت معاه في التيليفون 

أسيل : يعني واش الضمانة أنو مكانش تحت تهديد أوووو ؟؟

وليد : ههه طلعتي تخممي والله .... عندي فوكال هه

أسيل : ههه كيفاش حتى سجلت فوكال 

وليد : ملي خلقت .. أهم حاجة عرفتها في حياتي هي أنو منديرش ثقة في الناس ... مهما كان الشخص 

أسيل : مليح يا  سيدي ههه

وليد فتح الفوكال وقعدو يمعو مع بعض 

"كريم:وليد  حان وقت المهمة حان الوقت تاع المهمة حضرلي  روحك ودك نبعثلك العنوان لي راح تتلاقا فيه مع عثمان 

وليد : أوكي .... حاضر 

أسيل : هذا مكان ؟؟

وليد : رجعي شوي للور 

أسيل : واش ؟؟؟ واش سمعت ؟؟ انا محسيت بوالو 

وليد : سي .. عاودي رجعي ؟؟

أسيل  حلت عينيها على وسعهم  وقالت : سمعت صوت مرأة ؟؟؟

وليد : المسألة راهي غير تتعقد ... يبدو هذي اللعبة مش راح تكمل على خير 

أسيل : زعما البوص علاش قالك على المهمة تاع النصب والإحتيال ... كان قادر يقلك ديراكت روح للعنوان هذاك وبالتالي راح تتلاقا بعثمان 

وليد : وي ..  ربما كان تلميح على حاجة ؟؟

أسيل : عندنا مؤشر أنو  صح تلميح 

وليد : والدليل ؟؟

أسيل : أولا ... عثمان معاودش عيطلك .. مع انو قالك نتقابلو غدوة ؟؟ .... ثانيا حتى البوص معاودش اتصل من أجل القضية 

وليد ناض يصفق : والله مغلطت كي عيطتلك نتي هههههه 

أسيل : نعرف نعرف هههه 

وليد : أما يا  أسيل .... الوقت راه يفوت .. ولازمني نلقى أثر باش نروح ليما 

أسيل : بواسطة الصورة لي  رسمتها أنا ... راح نحاول نعرف الراجل هذا ... وأنت روح اسئل الجيران واستجوبهم 

وليد : أوكي ... راهي 10.30 بعدساعة نتلاقاو هنا 

أسيل : أوكي ... راني خارجة 

وليد : اصبري ؟؟ 

أسيل وشنو 

وليد باسها في خدها ... وهذي البوسة رقم 3 .... خخخ 

خرجت بطلتنا مسرعة بعد التبهديلة لي حست بيها