كــــرونيك بلهجــــة جزائرية 💚💪 ( إنتــــــهت اللعبـــة )

Part 19

وليد قرر يرجع للدار .... قاعد يمشي ويخمم مسكين ... غايضاتو يماه .... زعما راهي مليحة ؟؟؟

فتح الباب تاع الدار لقى ريحة السردين .... شاف لقاها هي قاعدة تقلي هههه 

وليد  قرب ليها .. وهي مكانتش فايقة بيه ... عنقها من لور وحط راسو على كتفها 

المسكينة اتخلعت ههه 

أسيل : الله يجيبلك ضربة نشالله 

وليد : ولي يشوف عينيك ..كيفاش ميتضربش ؟؟

أسيل : نوض عليا عيب نوض 

وليد : هاني نضت .... كيفاش جاتك ودرتيلنا الفطور ؟؟؟ تقول حسيتي بيا راني جيعان 

أسيل : ياودي بالعذاب باش قليت زوج حبات ... راني نتعلم 

وليد : تعلمي باش كي نتزوجو .. تكوني تعرفي طيبي 

أسيل : بـــــلــــع 

وليد : راني رايح نغسل يدي .. ونجي نفطر وتحكيلي واش درتي فيها ؟؟ 

راح بطلنا يغسل يديه ...  ;واسيل حطتلو الفطور 

وليد : أقعدي ناكلو 

أسيل : مزال كاين شخص ثالث لازم ياكل معانا .. خاطر الييوم راح يتعذب لازم تكون عندو طاقة كافية 

وليد : واش راكي تقولي ؟؟ وششكون هذا ؟؟ 

اسيل   راحت لغرفة وليد وجابتو 

وليد كي شاف البنادم هذاك  تقول شاف جن قدامو ..... راح يجري ليه وشدو من الكول تاعو 

وليد : وين راهي يما ؟؟؟؟ أحكي يا طح** وين ؟؟؟؟ ليوم ني**  قس*** والله....

أسيل توقعت ردة الفعل هذي .... وحقنت الراجل هذاك بإبرة باش يرقد .. وبالتالي يخليه وليد 

وليد راح لأسيل : علاه ترقدي في جدو أحكي 

اسيل : أهدى أهدى .. خليني نحكيلك ساع ومبعد أقتلو على روحك ... أقعد أقعد 

قعد وليد وجابت كرسيها وقعدت حذاه .. جابتلو كاس ماء 

أسيل : أشرب ... وأهدى شوي 

وليد شرب الكاس كامل وقعد يشوف فيها ... تقول طفل صغير 

وليد: أحكي دكا راني هديت 

أسيل تحكيلو 

Flash back.....

رجل الأمن : مادموزال ؟؟؟  كاين واحد راهو يحوس عليك قال يحتاجك 

أسيل راحت تجري للراجل هذاك 

أسيل : السلام عليكم 

الراجل : وعليكم السلام .. شفتك تحوي على هذاك البنادم ... وحبيت نعاونك .. لأنو نعرفو راجل رخيس وميسواش ولازم نحولوه للعدالة 

أسيل : أكيد وصحيت ... وين نقدر نلقاه ؟؟

الراجل : هذا العنوان راح يساعدك ... بصح لازم تدي معاك راجل .. لانو هذا الشاب راه راجل ونتي مرأة 

أسيل ضحكت بسخرية : هههه متخافش قادرة على شقايا 

شكراتو وخرجت فرحانة .... راحت ديراكت للعنوان هذاك .. دخلك ولقاتو  يتكيف 

الشاب : شكون نتي ؟؟؟ 

أسيل : قدرك السيئ ... 

راحت ديراكت ليه ... عطاتو بونية طاح على الأرض ديراكت ....  دارتو في شكارة كحلة  وخرجت تسحب فيه .. حطاتو في لامار وركبت ورجعت للدار 

..... العودة من الماضي .....

وليد : درتي هذا كامل وحدك ؟؟؟

أسيل : وي خخخ

وليد  ضحك على التبهليل تاعها : خخخ المهم راه قدامي ... ضكا نديرو  كيستاع بوكسينغ نفرغ فيه زعافي 

أسيل : متقتلوش برك .... دكا أرواح تفطر قيس ما ينوض 

قعدو ياكلو مع بعض ... مرة هيا توكلو ومرة هوا .... المهم كان فطور رومانسي مع أنو كانت الدار وكأنها غرفة تعذيب في وقت الإرهاب