نهلة م اعترضت طوالي شالت الجبنة وبقت ماشة ع الهول ويقت تكورك يا قصي وينك وانا م جايب خبر وم سامع شي جات جنبي ختت ايدها فيني وانا اتخلعت واتنفضت ليك والجبنة اتكشحت في تيشيرتي الابيض👺👺طبعا جابت اخلاقي هنا
👈👃طوالي بقيت اجوط فيها انت وحدة متخلفة رمه ده شنو عدم.الاسلوب ده يااااخ وبعدين انت جاية من وين وانت منو اساسا. وده كلو م ارفع راسي رفعت راسي لقيت البت واقفة وفيها شوية خوف بس لما شافتني وفي نفس الوقت. انت/ي. الجابك هنا شنو؟؟ 😵😵😵
لا دقيقة انت قصتك معاي شنو في الجامعة ضربتيني وجاية في نص بيتنا وتضربيني وتوسخي لي التيشيرت بتاعي وريني حكايتك شنو يا بت وانت منو اساسا البت عاينت لي من فوق لي تحت ومن غير م تقول كلمه اتحركت ورجعت جوا لي اختي جيت لاحقها لما شافوني قعدو يضحكو فيني وحتى هي بقت تضحك وانا من الزعل مشيت غرفتي غيرت ملابسي وجيت طالع اختي وقفتني قالت لي استنى الغداء جاهز 😸😺وانا مضايق قلت ليها م عايز وطلعت👺👺👺😡😡😡 اتصلت على م رد علي كسرت حنكو ركبت العربية وبقيت لافي ساي بس عدم موضوع وبسمع في اغاني الساعة 9 كده جيت راجع البيت جعان وعيني طالعة لقيت ريم بتحضر فيلم قلت ليها انا م اشتغلت بي مشيت المطبخ فتشت فوق وتحت م لقيت عيش😠😵كسرت الحنك ومشيت اترميت في الغرقة بتاعتي لحدي م نمت..
الصباح من بين كل الايام صحيت بدري وجهزت نفسي وجري ع الجامعة مشيت من الساعة 7 ومحاضرتي بتبدا 9 قعدت في الجبنة بشرب شاي بي مزاج بس اشوفك ليك البت الامس زاتها حاية علي وقاصداني عديل كده جرت ليها كرسي وقعدت جنبي وانا اضايقت😡😡 وهي سلمت علي وورتني انو اسمها نهلة وسالتني من اسمي رديت ليها بكل برود قصي
نهلة : عارفاك شاميني عشان الموقف الامس وانا جيت حاليا عايزة اعتزر منك 😣
قصي : (صراحة انبسطت) ولا يهمك يااخ اصلا بتحصل بس التيشيرت ده ليو 3 سنوات معاي وزعلت لانو خرب خلاص
نهلة : اسفة😣؛ م عندك النية تشربني معاك ولا شنو
قصي : هوي انت عايزة تصاحبيني ولا شنو يا زولة
نهلة : للاسف ايوة😒😒
طلبت كباية بتاعت شاي لبن وبقت تتونس معاي اتعرفنا ع بعض اكتر ولقيتها انسانة ظريفة والله وبتدخل في الناس سريع بعد خلصنا خلاص زمن المحاضرة جا وقمنا دخلنا الجامعة سوه وقلت ليها لي بعدين نتقابل قالت لي طيب ع كده افترقنا.
دخلت القاعة قبل بداية المحاضرة لقيت سيف قاعد ومستكين مسكتو ليك من رقبتو والمرة دي انا الصرفت ليو لانو لما اتصلت عليو م رد وم رجع طوالي بقى يجيب لي اعزار انو التلفون م كان معاو وكده وانا عرفتو كزاب ضربتو وقعدنا نتونس ووريتو الحاصل معاي من البداية والحصل في البيت طبعا قعد يضحك ويتعرص فيني 😹😹😹😹. قلت ليو اصبر ي وسخ بشو فيك يوم بعد المحاضرة طلعنا نفطر في الكفتيريا لانو باقي الشلة لسه م جو قاعدين بناكل نهلة جات مارة جنبنا ومعاها صحبتها سلمت علينا مشت اشترت فطورها وطلعو طوالي من الكفتريا..
رجعت البيت بدري لاني كنت تعبانة اترميت في السرير عايز انوم بس بقيت بتزكر في تفاصيل نهلة بالجد هي مزة وعثل😍🤗😍🤗 بعد مسافة نمته وم صحيت الا مع صلاة المغرب صليت وجيت قعدت اتونس مع امي وريم وابوي طولت م قعدت معاهم
قامت ريم تجهز الشاي وبقضينا اليوم داك حلو وونسة وضحك وبتاع بعد خلصنا دلخت غرفتي وفتحت الواتس لقيت رسالة من اخوي مجد
مجد : وينك يا زفت لا حس لا خبر ولا الا اسال منك
انا (قصي) : م كده بس مع الجامعة والله + م وريتك خلاص بقيت semifinal 🤓🤓
مجد : والله م شاء الله يااااخ امورك زابطة وموفق ان شاء الله
انا : تسلم كتير ياااخ وجمعا يارب؛ م ناوي تجينا زيارة
مجد : النية في لاني اشتقت ليكم بس هنا مضغوط مع الشغل وكده بس اول م اخصل من العقد الجاي ده بجيكم
انا : خلاص حلو بس م تتاخر علينا
ع كده قفلت الواتس وقعدت العب FIFA الساعة 11 كده قفلت واترميت نمته
تاني يوم الصباح قمت متاخر شوية واتحركت ع الجامعة وماشي ع نفس الجبنة بتاعت امس بس لقيت نهلة قاعدة وخالفة رجلينها 😐 قلت ليها هوي يا اصلية انت الجابك شنو قالت لي جيت اصبح عليك 😒😒 هاكون جيت لي يعني عايزة اشرب شاي ولا حرام قلت ليها لا ياخ م كده بس استغربت وقعدت جنبها وبقينا نتونس لحدي م زمن المحاضرة
بتاعي فات وهس زاتها وجرتنا ليك الونسة والضحك بالجد ارتحت ليها ياااااخ....
بعد خلصنا انتبهنا انو المحاضرة. خلصت وجري عشان نحصل التانية...........
# يتبع 😉
