الاسبوع خلص وزي م سامي وعد قصي انو يزبط ليو موضوع السفر زبطو وهسه هم راجعين السودان سوه.....
السودان
نهلة واختها مشو لي خالتهم مروة البيت نضافة وكده لانو الليلة سامي جاي ولازم يساعدو خالتهم في كل شي وفعلا لحدي المساء كده امورهم زبطت والبيت بقى جاهز وكل الاكلات البحبها سامي جهزوها..اول م نزلو المطار سامي حلف قصي انو يمشي معاو البيت بس رفض بي حجة انو لازم يشوف اهلو اول وسامي قدر موقفو وخلاهو يمشي ع كده انا اتحركت ومشيت البيت طبعا بقيت واقف واتفرج في باب الشارع بعد مسافة ضربت الباب بي قوة كده كم ضربة وماف رد تاني ضربتو وماف رد لزيت الباب وسلمت بس اشوف ليك اختي ريم في نص الحوش راقدة اول م شافتني اتخلعت وبقت تكورك واي يا امي الحقيني سريع في شبح في البيت.....حجة سمية جات جارية شبح شنو يا بت تخيلاتك دي لسه....وشافتني واقف هي زاتها بقت تكورك معاها واااي الحقونا يا جماعة الحقونا يا مجد وينك تعال سريع جا مارق الحوش لقاني واقف قرب مني وبقى يلمس فيني وقال معقولة ده انت يا قصي ده انت انت عايش وحضني وبقى يبكي😭😭😭😭😭💔بعد شوية امي واختي الاتنين جرو علي وحضنوني وبقو يبكو وانا معاهم😭💔😭💔😭شوية كده حسيت انو في شي ناقص سالت امي وبن ابوي ...زادت البكى😭💔
وم قدرت ترد علي قبلت ع مجد نظام جاوبني قال لي البركة فينا يا اخوي💔انا اتماسكت بالقوة عشان امي واختي بعد خلصو بكى وهدو قعدنا ووروني بالحاصل معاهم خلال السنة وسالتهم من نهلة بس قالو لي انهم رحلو من جنبهم وطولو م قابلوها وم عارفين عنها شي...طبعا الزعل والضيق جواي وكنت متلهف اني اشوف نهلة بس رحلت وم منها اي خبر حبي ضاع خلاص 😭😭💔امي قامت وعملت لي حاجة اكلها بعديها رقدت نمت اصلي من جيت من المطاؤ م ارتحت رقدت اخدت راحتي المساء كده اتصل تلفوني....الو....يا قصي خبراتك وكيف مع التعب....والله الحمدلله وانت كيف يا دكتور....ياهو تعب بس ياااخ؛ اها لقيت الاهل كيف....كلهم كويسين بس ناقصين😭💔....خير يا ود صوتك مالو متغير كده ....ابوي اتوفى يا سامي اتوفى؛وخسرت حبيبتي وخطيبتي💔....م تزعل كلو لي خير بازن الله؛كدي هسه خليني من الدراما دي م تنسى بعد بكرة العقد بتاعي ولازم تجي...طيب ان شاء الله...
نهلة..يعني انا هسه خلاص هاتزوج بعد بكرة💔وزول غير قصي😭💔....م ترجعي وتفكري في الماضي فكري في مستقبلك وان شاء الله هتنبسطي.....م عارفة والله يا ندى وم اظن اني اكون مبسوطة او اقدر اخلي سامي مبسوط لاني م بحبو بس ده ارضاء لامي.....المهم الحصل حصل ولازم ترضي بالامر الواقع....
يوم الجمعة جا
ومن الصباح استحميت ولبست لي جلابية كده م شاء الله مقفلة فيني م اسحر نفسي😂😂😂واتصلت ع سامي قال لي لازم اكون عندو قبل الصلاة...يا زول تمام بتلاقيني معاك بعد شوية
الجهة التانية
يا نهلة بطلي بشتنة ياااخ والبسي الفستان الجبتو ليك امس.....طيب يا زينب هالبسو بالله م تنقي لي في راسي كتير....م انق كيف لازم تطلع مزة وحليوة يااااخ.....عليك الله 😹
مشينا الجامع وبعد الصلاة جا وقت العقد المازون قاعد واولياء الامور قاعدين بس انا ركزت اول م قال ( ﺯﻭﺟﺘﻚ ﺍﺑﻨﺘﻲ نهلة خالد ابراهيم محمد.......الخ) انا هنا الاسم وقع علي زي الصاعقة وم فهمت شي تاني وكل الدنيا ضلمت في وشي بعد عقدو انتهو سامي اصر علي امشي معاو وكده بس انا حاولت ارفض وهو م رضى وساقني.......
#يتبع 😉
