ندي القلم لي نهلة و نعمل flash back لي يوم امس عشان تعرفو الحاصل
طلعنا نفطر في الكفتيريا لانو باقي الشلة لسه م جو قاعدين بناكل نهلة جات مارة جنبنا ومعاها صحبتها سلمت علينا مشت اشترت فطورها وطلعو طوالي من الكفتريا.
اشتريت السندوتش وكان نفسي اقعد معاو بس م قدرته لانو معاو صحبو وانا معي صحبتي سقتها وقعدنا في القاعة وبقينا نتونس ومن غير مقدمات رؤى قالت لي الود القبيل في باب القاعة وبعاين ليك😺 انا اتلبشت وم عرفت اعمل شنو باغة البارد وقعت من ايدي ورؤى بقت تضحك فيني سالتني طواالي وقالت الحاصل شنو وقصتو شنو سريع وريني انا حاولت انكر بس م قدرت وبقيت احكي ليها من اول موقف لي معاو لما اتصادمنا في باب الجامعة ولما ضربني بالعربية وحتى الموقف بتاع البيت لما كشحت فيو القهوة 😹😹😹😹😹😹وبقت تضحك وقالت لي اها يعني مكسرة في دباديبو طوالي نكرته وقلت ليها لا ياااخ اتكسر في شنو بالله انت م جادة قالت قبل شوية اتلبشتي لي لما جبته سيرتو اكيد في حاجة رديت عليها والله بكل صراحة يا ندى ايوة يااااخ مكسرة ياااااخ ولما اكون قاعدة معاو في الجبنة بنبسط قاطعتني وكمان فيها قعدات جبنة يا وسخة وم بتوريني قلت ليها م كده م تفعمي غلط اصلا قعدنا مرة واحد وبالصدفة. 🤗🤗🤓🤓 المهم خليني اكمل ليك وم تقاطعيني
رؤى : طيب كملي
نهلة(انا) : ياااخ انت شفتي كسار كيف......
قاطعتني اي والله مبالغة ياااخ 💕💖
نهلة : هوي يا حيوانة احترمي نفسك 😒😒
ندى : خلاص حاااضر يلا تمي لي
نهلة : انا ميته عليو بس م عارفة اتقرب منو كيف وم عارفة ازا كان هو زاتو مكسر فيني وفي احتمال زاتو يكون عندو حبيبة وانا اطلع بي قد القفة م عارفة يا ندى اعمل شنو انا 😫😫😫😫😫
ندى : ولا تزعلي نفسك استكيني وهتعرفي كل شي
نرجع للحاضر ونسلم القلم لي قصي
بعد خلصنا انتبهنا انو المحاضرة. خلصت وجري عشان نحصل التانية لقيت ليك سيف في وشي سلم عليها وعاين لي بي طريقة خبيثة فهمتو قاصد شنو وعملت رايح اول م هي سابتنا
سيف : 😒😑
انا : استكين بعد المحاضرة هتفهم
سيف : عليك دينك😑😑
انا : الدكتور دخل يلا سريع
طول المحاضرة وسيف بيرمقني بالنظرة ديك وانا م فهمت شي منها لانو كانت شاغلة تفكيري اول م خلصنا سيف مسكني وقال لي يلا تعال حاولت اتهرب منو عشان نكسر الحنك ونفطر حلف وقال لي فطور ماف ما لم تحكي قعدنا
سيف : انجز وبي اختصار لو سمحت
انا: والله انت عارف اخوك م بتاع بنات بس اابت دي مزة وكسارة و........
سيف : من الاخر كده عاجباك😂😂💕
انا : اي والله عاجباني وشديد
سيف : وكلمتها؟؟
انا : اكلمها كيف انت م نصيح
سيف : ومستني شنو يا زول😒😒
انا : م عارف بس احتمال تكون مرتبطة او مخطوبة او اي حاجة وانا م عايز ادخل في حته ضيقة
سيف : لما تفكر بالطريقة دي ياداب بتحشر نفسك في حته ضيقة
انا : خلاص زابط يا مان بتكلم معاها بس م هسه
طلعت ماشي الكفتريا القاها ليك مع صحبتها قاعدين في البينشات في حوش الجامعة وسلمت عليها مشينا اشترينا فطورنا وسيف قال لي نمشي نقعد معاهم ع الاقل اتعرف عليها نطيت في رقبتو هوي يا زول مرة اخوك عايز منها شنو 😐😐😑😑 مشينا قعدنا معاهم عرفتها بي سيف وهي عرفتني بي صحبتها ندى وبقينا كلنا بنتونس مع بعض ونضحك وفي نص الونسة جا ولد علينا سلم وساقها معاو وانا اضايقت طوالي والحاجة دي ظهرت في وشي وسقت سيف وقمنا
قلت ليو شايف يا سيف الولد اول م جا طوال قامت معاو. سيف قال لي انت متخلف م تفكر كده احتمال صاحبها وكده ونحنا بنتكلم بعد شوية اشوفها ليك جاية علينا وبتصرخ يا قصي اقيف يا زفت
وقفت وقلت ليها خير مالك😒😒 قالت مالك يا قصي قمت انا كنت راجعة نكمل ونستنا قلت ليها بكل برود وانا اكتفيت م عايز اتونس معاك ومشيت خليتها واقفة طوالي دمعتها جات جارية ع خدها😭😭😭سيف قال لي م كده يا قصي م تعاملها كده ياااااخ
ندى جرت حصلتني ولقتني واقفة وببكي قالت لي مالك يا نهلة احكي لي 😨😨 قلت ليها ماف شي وقعدت ابكي ساقتني قعدنا قلت ليها شايفة الحيوان صرخ فيني واسلوبو زي الزفت معاي والزفت احسن ندى قالت لي انت عارفة هو اتصرف كده لي قلت ليها م عارفة وم عايزة اعرف وتاني م عايزة اتكلم معاو زاتو كريه ده 😤😤😤 قالت لي استكيني افهمي الحاصل اول.....................................
#يتبع 😉
