قال ( ﺯﻭﺟﺘﻚ ﺍﺑﻨﺘﻲ نهلة خالد ابراهيم محمد.......الخ) انا هنا الاسم وقع علي زي الصاعقة وم فهمت شي تاني وكل الدنيا ضلمت في وشي بعد عقدو انتهو سامي اصر علي امشي معاو وكده بس انا حاولت ارفض وهو م رضى وساقني معاو دخلنا البيت وناس البيت كلهم بقو يزغرتو وضرب الرصاص والفرحة كانت ع كل الوجود الا انا💔بعد شوية قعدت في الكنبة وحاولت م اظهر عشان لو جات م تشوفني واثناء م انا بقعد هي ايوة نهلة جات داخة وشايلة الصينية بتاعت العصير وكانت جاية علي انا اول م وصلت وقفت قدامي كانت شبه مبسوطة وانا شفتها عرفتها رفعت عيونها واول م اتلاقو البت بقت وافقة وبتعاين لي بعد شوية الصينية وقعت وصرخت صرخة واحد باسمي (قصيييي) واغمي عليها طوالي وبعد ساعتين صحت لقت نفسها في المستشفى والناس كلهم حولينها وم كانت فاهمة شي بعد فاقت ووعت لقت اختها زينب جنبها وبقت تبكي والله يا زينب شفتو وكان قدامي م بكزب انا والله م بكزب.......اي عارفاك م بتكزبي انا زاتي شفتو وعرفت انو ده هو بس اهدي وانت هسه مرة راجل....لا انا عايزاو يطلقني م عايزة اعيش معاو انا عايزة قصي وبس....طيب ان شاء الله بس هسه اهدي..
من ناحية تانية
قصي بتعرف نهلة من وين ولي اول م شافتك صرخت باسمك واغمي عليها جاوبني سريع.......اجاوبك اقول ليك شنو؛ انها كانت خطيبتي قبل م يحصل لي الحادث؛ واظن انك بتتزكر انا حكيت ليك قصتي كلها بس غلطت لما م وريتك اسمها منو ده كان وهسه انت عرفت بس هي حاليا مرتك وهتكون ام عيالك وانا خلاص ضاعت من يدي وطلعت خليتو واقف محتار....مشيت البيت وكنت نفسيا متدهور شديد وراقد..
نهلة طمنيني بقيتي كيف..الحمدلله احسن....حمدلله ع السلامة....يا ندى عليك الله نادي لي سامي عايزاهو ضروري....طيب بناديهو ليك طلعت وهو دخل ورراها وقفل الباب وقبل م نهلة تتكلم قاليها روقي نفسك واهم شي صحتك حاليا بعد تطلعي بنتفاهم بي رواق وطلع ع طول...
القلم عند سامي..
اول مرة احب واتعلق بي بت كده وللاسف هي بتحب زول تاني وياريت لو اي زول بس بتحب صحبي انا وكانت في يوم خطيبتو ولولا الظروف دي. كانو حاليا مع بعض💝💔اخ انا اخ لي كده يا دنيا انا عملت شنو عشان يحصل معاي كده...طيب انا لازم اجمعهم ولو كان ع حساب نفسي بس اهم شي عندي سعادة نهلة حتى لو كانت مع غيري...
بعد اسبوع نهلة صحتها اتحسنت وانا مشيت ليهم البيت وقعدت معاها....سامي انا عايزك في موضوع ضروري...عارفك عايزة تتكلمي في شنو؛وانا جيت لي نفس السبب.دخلت ايدي في الشنطة...................
#يتبع😉
