في المستشفى حاولو يعرفو بيانات عنو بس ماف اي شي يثبت كل شي حرق مع النار وماف طريقة يعرفو اهلو وكده فرقد في العناية فترة السنة الكاملة عشان يتعافى وفعلا بدا يتعافى وامورو تزبط واول م صحيت اول اسم نطقتو ع خشمي كان اسم نهلة بس طلع بعد فترة وصعوبة جاني الدكتور الحمدلله انك صحيت ع الاقل نعرف حاجة عنك....انا وين وانت منو وبتعمل لي في شنو.....م تخاف انا الدكتور سامي وهدي نفسك عشان م تتعب وشوية كده لحدي م تقدر تتحرك وتتكلم زي الناس عشان م تتازى طيب.... .طيب يا دكتور.......
ع كده الدكتور طلع وانا بقيت راقد وبفكر ياربي انا لي كم راقد في المستشفى واهلي كيف ونهلة الحاصل عليها شنو😢😢لازم اعرف ياااااخ وفجاءة كده الجهاز بتاع القلب صفر والدكتور جا جاري ومعاو الممرضة والجهاز بتاع الانعاش وشغلو ضرب بيو قلب قصي بس ماف استجابة وتاني شحنو وزاد الشحنه وضربو بس برضو ماف استجابة للاسف بس الدكتور م استسلم وتاني شحنو المرة دي زاد الشحنه. شديد وقبل م يضربو قال ان شاء الله وضرب شوية. كده النبض رجع تاني وحالتو بدت تستقر خلاص بعد ساعتين من الحصل قصي استعاد وعيو اخيرا وحالتو الصحية بقت احسن جاهو الدكتور وفحصو والحمدلله حالتو استقرت بعد كده الدكتور قعد يسال فيو عن نفسو وعن اسرتو وقصي وراهو كل الحاصل ليو من البداية لحدي م قرر يرجع السودان وعمل الحادث...طيب يا قصي م تشيل هم انا هاساعدك ترجع السودان لاهلك بازن الله بس لازم تتحسن وتاخد علاجاتك بالاول عشان م تطول في المستشفى طيب يا دكتور هاعمل كل شي بتقولو بس المهم اني اتحسن وارجع لي اهلي......
السودان
يا بت ي نهلة كفاك ياااخ بكى عليو م ينفع تعملي في نفسك كده مرت سنة اقتنعي خلاص انو مات انو تاني م هيرجع يا بت شوفي حياتك بعد كده اتزوجي م ينفع تكوني كده....انتو م قادرين تفهمو علي قصي هيجي ويسوقني معاو انا م هاتزوج......عليك الله بطلي البتعملي فيو ده وفرحيني بيك عايزة اشوف احفادي قبل م اموت يا بتي الله يرضى عليك.
نهلة..خلال السنة دي شفته ماساي وعشت كاني ميته وم كان لي حياتي طعم خالص كل شي بقى بالنسبة لي حاجة عادية كرهت كل شي وبقيت م بطيق اي حاجة حتى فكرة الزواج دي شلتها من بالي وقررت اني اقعد كده بس لحدي م اموت واحصل حبيب قلب قصي وربنا ان شاء الله يجمعني بيو في الجنه.اتقدمو لي اكتر من زول للزواج بس كنت برفض لكن بعد كلام امي معاي حاولت افكر فيها ولازم افرحها ولو شوية وحتى لو ع حساب نفسي مع اني قنعانة كده كده...
قمت الصباح وكنت بحاول ارسم البسمة ع وشي يمه صباح الخبير..صباح النور حبيبتي انا ....اصبحتي كيف....كويسة وانت كيف....الحمدلله يا امي....يا بتي تعالي عايزة اتكلم معاك بما انو مزاجك رايق....احكي يا امي .....ود خالتك مروة بتتزكري.....ايوة بتزكرو مش سامي.....ايوة ياااهو....طيب مالو يا امي....الود خالتك كانت بتتكلم معاي ليها اكتر من شهر وبتقول لي انو سامي ده قال عايزك وانت عارفة انو الود ده بحبك وميت فيك بس انا قلت ليها انك م بتفكري في العرس وكده وقبل اسبوع فتحت معاي الموضوع و..............موافقة يا امي....قلتي شنو....موافقة قلت ليك موافقة......ايووووييي اييييووييي امي بقت تزغرد اختي زينب جات جارية من بره خير الحاصل شنو.....وافقت اختك اخير ع انها تتزوج.....الف مبروك نهلة يااااخ وربنا يتم ع خير.
طبعا شفت الفرحة لاول مرة مرسومة عليهم بعد سنة كاملةوم هانت علي والله عشانهم بس انا وافقت ووقتي امي اتصلت ع خالتي مروة واتكلمت معاها انو توري سامي ويجو يخطبو....بس انا قاطعاها وقلت ليها انو يعقدو ع طول من غير خطوبة لاني عارفة الحاجة هتفرح امي مع انها هتازيني انا بس م مشكلة كلو يهون عشان فرحها هي بس💓💓
خالتو مروة اتصل ع سامي وكلمتو وورتو اني وافقت اخيرا وفرح فرح شديد وقال ليها خلال الاسبوع ده بنزل السودان.
في السعودية
يا سامي ان شاء الله دايما مبسوط كده....جمعا يارب....اها ناوي توريني المفرحك وتفرحني معاك....والله ياقصي الاسبوع الجاي ده هانزل السودان عشان اعقد ع بت خالتي لي فترة عايزها بس كانت رافضة بس الحمدلله هسه وافقت....يا سلام يااااخ ربنا يتم ليك.ع خير .....حتى انت تنزل معاي منها تشوف اهلك وكده لانك طولت وانا وعدتك اني اساعدك وبتصرف ليك في طريقة السفر وكده......حلو يااااخ م عندي مشكلة انا....
سامي وقصي فترة السنة دي بقو اصحاب وفرد شديد وم كانو عارفين الهيحصل شنو لما يرجعو السودان....
