ليها م عارفة وم عايزة اعرف وتاني م عايزة اتكلم معاو زاتو كريه ده 😤😤😤 قالت لي استكيني افهمي الحاصل اول وم تظلمي الود ساي. قلت ليها هو ظلمني وهو البدا وهو الصرخ فيني وانام عندي زنب وم عارفة هو اصلا مالو وخلاص زي م قلت ليك م عايزة اتكلم معاو تاني واقفلي الموضوع ده خلاص ع كده....
سيف قال لي م كده يا قصي م تعاملها كده ياااااخ حرام عليك والله البتعملو ده اول شي افهم منها الحاصل وم تضايق ساي...انت تسكت خالص وبعدين دقيقة انا افهم الحاصل كيف...امشي اسالها يا قصي....لا شيخ هاجي واقيف قدامها واسالها علاقتك شنو بالود هتقول علي شنو ولو شاكلتني واحرجتني وسمعتني فارغ هاعمل شنو....ياخ عشان تفكيرك ده م هتعمل شي يا قصي فبطل امور وامشي اسالها.....ياخ لا بسالها لازفت وبالله عليك اقفل لي الموضوع ده خلاص....
القلم مع سيف ..
صراحة اسلوب قصي م عجبني وقعدت مضايق في الكفتريا وبس لاقيت البت صحبت نهلة وحاولت اناديها ياااااا ياااااااا ندوة؛ فدوة اها. اايييي يا ندى البت اتلفتت علي وجات سلمت و قعدت اتونسنا شوية شفتها مضايقة وسالتها خير مالك ....ماف شي بس شوية ضيق....من شنو خير احكي.....ياخ نهلة مضايقة من قصي لانو صرخ فيها وقالت م هتتكلم معاو......ع فكرة هو زاتو مضايق منها.....طيب م عندك فكرة السبب شنو؟؟...كنا سوه ومبسوطين بس او لم جا الولد داك وجراها بعيد وانا من وقتها شايف قصي مضايق وكده......اها عرفت يعني بغير عليها وكده......ايوة....لازم نعمل حاجة نوضح ليهم الحاصل بينهم ده انو سؤ تفاهم بس م اكتر....طيب في رايك نعمل شنو يا ندى.....لازم يقعدو ويتكلمو بس كيف.....خليها علي انا هاجيب قصي وانت اتصرفي مع نهلة.....طيب م عندي مشكلة يلا سلام لي بكرة.....
القلم عند قصي
ياخ حتى سيف شايفني غلطان مع اني م عملت شي وااانا بتكلم مع نفسي بس اسمع صوت الباب بدق افتح والقاهو سيف.خير في شنو.....دخلني البيت اول ده شنو.....ي زول ابيت هسه مش كنت معاك في الجامعة....يا خاقاعد مروة شوفي ولدك عايز يطردني.....ياولدي ادخل ولو راجل خلي يطردك الليلة.....هاك ياااه👅👅 ودخل ع طول قعدنا شربنا لينا كباية شاي بي رواق كده ودخلنا ع غرفتي وبقينا نتونس بس بعد شوية سيف فتح معاي موضوع نهلة😡يا بشر مشقلت ليك م تتكلم معاي عنها كويس اني اصلا م دخلت معاها في علاقة والا كنت ...........اوعك تقول شي بعدين تندم عليو؛ خلاص انسى وقوم ارح معاي ....ع وين ياااخ انا تعبان والشمس سخنة....يازول ارح معاي....خلاص قدام ارح يا معاط اصلك م هتريحني.......
من ناحية تانية
قاعدة زهجانة ومضايقة بس تلفوني ضرب لقيتها ندى؛ احكي يا ندى...خير يا بت مالك علي ؛ سلمي علي ساااي ياااخ....والله م عندي نفس اتكلم مع زول خالص....طيب م تتكلمي جهزي نفسك جاية اسوقك معاي.....ع وين يا بت م بمشي اي حته يازولة.....هتمشي ومن غير نقاش...
نص ساعة وندى كانت عندي في البيت...حات لقتني لابسة بجامة وراقد وبقت تجوط فيني وتلح علي عشان البس واطلع معاها وبعد كلام ونقة كتير منها اقتنعتولبست خلاص وطلعنا اتحركنا ماشين ع وين انا م عارفة بس بعد شوية قالت لي بتاع الركشة يقيف في كافيه كده قريب من البيت وقفنا في الباب طلعت تلفونها واتصلت الو ....يا هلا ....اها وين انتو يا سيف.....قاعدين جوه ادخلو تعالو ....حلو جاين عليكم وقفلت التلفون....
هوي يازولة ماشين لي منو جوه....ياخ مالك شفقانة ارح ادخلي وبتعرفي..
دخلت الكافيه شفته اللحية بتاعتو بس عرفتو وكان شعوري مزيج من ضيق وزعل وفي نص الجوطة دي كلها كنت مبسوطة..
الجهة التانية
عاينت لي سيف 😑😑....اي عارف لو عندك اي حاجة خليها لما نرجع بالله بلاش فضايح..طيب يا سيف طيب...
جو قعدو معانا وطلبنا قهوة والجو كان مكهرب شوية بس شوية كده ركزت فيها لقيت نفسي سارح في عيونها 😍😍ولقيت نفسي تلقائيا بتكلم معاها بي كل رواق وطيبة خاطر ونسيت الحصل الصباح لان. بالجد بسمتها حلوة وهي زاتها بقت تاخد وتدي معاي في الونسة هناك بعد فترة قامت قالت لي والله انت زول غريب قبيل كنت بتشاكلني وقلت م عايزز تتكلم معاي تاني وهسه قاعد وبتضحك كمان وع فكرة انا مضايقة منك😢....م براك حتى (سيف وندى بقو يتفرج) انت المضايقك شنو انا لا صرخت فيك ولا عملت ليك شي خالص.....م عملتي شي خالص متاكدة انك م عملت شي بعد وقفتك القبيل مع الولد وقاعدة بتضحكي عادي وبعد ده كلو م عملتي شي.......انت..
#يتبع😉
