Unicode
အခန်း၏ညာဘက် ထောင့်ကျကျတွင်ရှိနေသော တစ်ယောက်အိပ်ကုတင်ဘေးမှ ပြတင်းပေါက်ရှိ လိုက်ကာစဖြူလွလွသည် ငြိမ်သက်လျက်ရှိနေသည်။ ထိုအချိန်
အိမ်အပြင်ဘက် သစ်ပင်ကြီးရှိသစ်ရွက်စိမ်းစိမ်းတို့အား ဖြတ်သန်းတိုက်ခတ်လာသော လေညှင်းကြောင့် လိုက်ကာစသည် အိပ်ယာပေါ်ဝယ်အိပ်မောကျနေသော ကောင်လေး၏
နုနယ်သောမျက်နှာပေါ်၌ လျင်မြန်စွာဖြတ်ပြေးသွားသည်။
မျက်နှာပေါ်အေးခနဲဖြစ်သွားသော
ခံစားမှုကြောင့် ယိုရှီ မျက်လုံးတို့ကို
ဖြည်းညှင်းစွာဖွင့်ကြည့်ကာ ခေါင်းရင်းရှိ
ပြတင်းပေါက်အား လှမ်းကြည့်လိုက်သည်။
လိုက်ကာစသည်လှုပ်ခါနေဆဲ။
ယိုရှီ ခပ်ဖြည်းဖြည်းထထိုင်ကာ
လိုက်ကာစအား ကြိုးဖြူဖြူလေးဖြင့်ပတ်ကာ
ချည်လိုက်သည် ဖြူနုနေသော
လက်သွယ်သွယ်တို့သည် လိုက်ကာစဖြူဖြူ
နှင့် ပနံသင့်လှစွာ လှပလွန်းနေသည်..
"ဆောင်းလေတွေတောင်တိုက်နေပီ..."
"ဟက်ချိုး"
သူ လက်တစ်ဖက်ဖြင့် နှာခေါင်းနှင့်
နှုတ်ခမ်းတို့အားပိတ်လိုက်သည်။
အင်း..ညက ပြတင်းပေါက်ပိတ်ဖိုမေ့သွားတဲ့
အကျိုးနဲ့ နှာချေနေပြီ...
ယိုရှီ အိပ်ရာပေါ်မှဆင်းကာ ဗီရိုထဲရှိ
အပေါ်ထပ်အနွေးထည်အက်ျီတစ်ထည်အား လက်တစ်ဖက်ဖြင့် ဖြည်းညှင်းစွာယူလိုက်ကာ
ကိုယ်ပေါ်သို့ထပ်ဝတ်လိုက်သည်။
အကျီဝတ်ပြီးပြီးချင်းပင် ဗီရိုဘေးရှိ ပြက္ခဒိန်သို့အကြည့်ရောက်သွားသည်။
January 23, မေမေဆုံးတာ 15 နှစ်ပြည့်တဲ့နေ့ပဲ..
"ဟက်ချိုး"
အာ..ဖျားတော့မှာလားမသိဘူး
ဒေါက် ဒေါက် ဒေါက်
တံခါးခေါက်သံအဆုံး
တစ်ဖက်ခြမ်းဆီမှ ဖေဖေ့အသံထွက်ပေါ်လာသည်။
" သား,ရှီ နေမကောင်းဘူးလား "
နှစ်ကြိမ်လောက်နှာချေရုံနှင့်ပင်
ဖေဖေသည် အိမ်ပေါ်ထပ်သို့တက်လာပြီး
မေးပြီဖြစ်သည်...
" မဟုတ်ဘူး ဖေဖေ ညကပြတင်းပေါက်
ပိတ် ပြီးအိပ်ဖို့မေ့သွားလို့ "
YOU ARE READING
Transgender Torii (HIATUS)
Fantasy"If they cross it,she will become a boy and he will become a girl"
