حكايه قاصره .....الكاتبه بنت الباشي

البارت الثاني والعشرون والاخير

البارت_ الثاني والعشرون والاخير

روايه _حكايه قاصره

بقلم اقبال الباشي .....

صعدت للغرفتي واتصلت بأمير ....

بدون اي مقدمات ...

انته شلون تقرر وحدك امير شتفقنا احنه ...

امير :ايات افهميني ...خل أوضح الج ...هي بس خطوبه

ايات: شتوضح هااا من هسه تجي تفاجىني بهيج قرار گتلك اني اريد اخلص من السادس ...

امير: كافي ايات گتلج بس خطوبه ليش تخبلتي بعدين اذا ماخطبتج هسه ورا ايام يجون يخطبوج لابن عمي ...

ايات : شنوووو؟

امير: اي ايات سمعت امي وعمتي يتفقون حتى يجون يخطبوج اني من سمعت خفت اخسرج واجيت بدون تفكير ....وطلبتج من خالج

ايات : امير بس خطوبه مو تفاجىني بعدين وتگول نتزوج ترا مخبله واسويها وافصخ كلشي وتعرفني أسويها ...

امير: هو منو يعرفج مثلي بس اهدئي وصدكي بس خطوبه ...

ايات : اوكي باي ...(صح احبه بس ماريده يقرر شي بدون ماياخذ رائيي)

بقه يتصل ....اليشوف معاملتي يگول قاسيه ...بس اني احبه وهو يعرف هل الشي بس ماريد اكون مثل زواج قبل ....يجبرني على شيء ....اني أريده يحترمني يفهمني قبل لااحجي

اني لحضه حسيت قاسيه وياه بكلامي رجعت اتصلت ....

الوو ...امير

يروح امير ...

اسفه صرت عصبيه بس

امير: اعرف رد فعلج لان مابلغتج مسبقا بس اني من حبي الج خفت اخسرج لو اهلج ينطوج والله اتخبل.....

ايات : يعني مازعلان مني موو خفت انام وانته زعلان

امير: هو اگدر ازعل منج ...اني هم اسف .... اعرف جان لازم انتضر ....

ايات : احبك

امير : ايات بربج شگلتي كان يو ربيت ....

گمت اخبط انكليزي وعربي ....ههههههه
ايات صح وعدتني توافق بس ماتحب احجي وياها غزل تگول مااا لمن يصير بين عقد شرعي لذلك تفاجئت منها ....

ايات : شبيك تعيط اي احبك بس اتمنى ماتخيب هل الحب ....

امير : يروح امير صدگي وثقي بلله احبج أكثر من نفسي ....ايات اريد اعوضج عن كل شئ

ايات : اگلك امير

گولي يروح للأمير .....

ايات :فدوه لاتكثر غزل اگوم اعطس عندي حساسيه

امير: منين جبتي هل الجذبه .....اصلا اذا خطبنه اشبعج غزل غير راح ينفك الحصار ...

ايات : مع السلامه